3 ವರ್ಷಕ್ಕಿಂತ ಕೆಳಗಿನ ಮಕ್ಕಳಿಗೆ ಕೊಡಬಾರದ ಆಹಾರಗಳು

ಚಿಕ್ಕ ಗಾತ್ರದ ಹಾಲಿನ ಉತ್ಪನ್ನಗಳು

ಚಿಕ್ಕ ಗಾತ್ರದ ಗಟ್ಟಿಯಾದ ಆಹಾರಗಳನ್ನು ಕೊಡಬೇಡಿ . ಏಕೆಂದರೆ ಮಕ್ಕಳಿಗೆ ಜಗಿಯಲು ಬರುವುದಿಲ್ಲ, ಅವು ಅದನ್ನು ನುಂಗಿ ಬಿಡುತ್ತವೆ. ಮಿಠಾಯಿ, ಔಷಧಿ ಈ ರೀತಿಯ ವಸ್ತುಗಳನ್ನು ಮಕ್ಕಳಿಂದ ದೂರವಿಡಬೇಕು.

ಕೊಬ್ಬಿನಂಶವಿಲ್ಲದ ಹಾಲು

ಒಂದು ವೇಳೆ ಹಾಲು ಕೊಡುವುದಾದರೆ ತಾಜಾ ಕೊಬ್ಬಿನಂಶವಿರುವ ಹಾಲನ್ನು ಕೊಡಬೇಕು. ಮಗುವಿಗೆ ಹಸುವಿನ ಹಾಲು ಅಲರ್ಜಿ ಉಂಟಾದರೆ ಮತ್ತೆ ಅದನ್ನು ಕೊಡಬೇಡಿ.

ಕರಗದ ಆಹಾರಗಳು

ಕೆಲವು ಹಣ್ಣು ಹಾಗೂ ತರಕಾರಿಗಳನ್ನು ಬಾಯಲ್ಲಿ ಇಟ್ಟರೆ ಕರಗುವುದಿಲ್ಲ, ಜಗಿಯಬೇಕು. ಮಗು ಜಗಿಯುವುದಿಲ್ಲ, ಆದ್ದರಿಂದ ಹಸಿ ಕ್ಯಾರೆಟ್ ನಂತಹ ವಸ್ತುಗಳನ್ನು ಕೈಯಲ್ಲಿ ಕೊಡಬೇಡಿ.

ಅಂಟುವ ಆಹಾರಗಳು

ಚ್ಯೂಯಿಂಗ್ ಗಮ್ ಅಂತಹ ವಸ್ತುಗಳನ್ನು ಮಗುವಿಗೆ ಕೊಡಬೇಡಿ, ಅದಕ್ಕೆ ಸಿಗುವ ರೀತಿಯಲ್ಲಿ ಮನೆಯೊಳಗೆ ಹಾಕಬೇಡಿ.

ಜೇನು ಹಾಗೂ ಕಾರ್ನ್ ಸಿರಪ್

ಇವೆರಡನ್ನು 2 ವರ್ಷದ ಕೆಳಗಿನ ಮಕ್ಕಳಿಗೆ ಕೊಡುವುದು ಒಳ್ಳೆಯದಲ್ಲ. ಇದನ್ನು ಕೊಡುವುದರಿಂದ ಮ್ಕಕಳ ಪ್ರಾಣಕ್ಕೆ ಅಪಾಯ ಉಂಟಾಗಬಹುದು ಜೋಕೆ.

ನಟ್ಸ್

2 ವರ್ಷದ ಕೆಳಗಿನ ಮಗುವಿಗೆ ನಟ್ಸ್ ಕೊಡಬಾರದು. ಏಕೆಂದರೆ ಅವುಗಳಿಗೆ ನಟ್ಸ್ ನಲ್ಲಿರುವ ಅಧಿಕ ಪ್ರೊಟೀನ್ ಗಳನ್ನು ಕರಗಿಸುವ ಸಾಮರ್ಥ್ಯವಿರುವುದಿಲ್ಲ.