ಮಕ್ಕಳಲ್ಲಿ ಕಿವುಡುತನ ತರುವ ಇವುಗಳ ಬಗ್ಗೆ ಎಚ್ಚರ!

Kids

oi-Reena

By Hema S

Updated: Monday, October 8, 2012, 12:29 [IST]

ಚಿಕ್ಕ ಮಕ್ಕಳಲ್ಲಿ ಕಿವಿ ನೋವಿನ ಸಮಸ್ಯೆ ಕಂಡು ಬರುವುದು ಸಾಮಾನ್ಯ. ಕೆಲವೊಮ್ಮೆ ಕಿವಿಯಲ್ಲಿ ಕೀವು ಬರುವುದು, ಸರಿಯಾಗಿ ಕೇಳಿಸದಂತಾಗುವುದು ಮುಂತಾದ ಸಮಸ್ಯೆ ಕಂಡುಬರುತ್ತದೆ. ಅದನ್ನು ಗಮನಿಸಿ ಕೂಡಲೇ ಚಿಕಿತ್ಸೆ ನೀಡದಿದ್ದರೆ ಕಿವುಡತನ ಕಾಣಿಸಿಕೊಳ್ಳಬಹುದು. ಅದರಲ್ಲೂ ಮಕ್ಕಳಲ್ಲಿ ಕಿವುಡತನ ಕಂಡು ಬರಲು ಈ ಕೆಳಗಿನ ಅಂಶಗಳು ಕೂಡ ಮುಖ್ಯ ಕಾರಣವಾಗುವುದು:

ಕಿವಿಯಲ್ಲಿ ಸೋಂಕು: ಕೆಲವೊಮ್ಮೆ ಮಕ್ಕಳ ಕಿವಿಯಲ್ಲಿ ಚಿಕ್ಕ ಗುಳ್ಳೆಗಳು ಅಥವಾ ಕಜ್ಜಿ ಕಂಡು ಬರುತ್ತದೆ. ಈ ರೀತಿ ಕಂಡು ಬಂದರೆ ಕೂಡಲೇ ಚಿಕಿತ್ಸೆ ಕೊಡಿಸಬೇಕು. ಇಲ್ಲದಿದ್ದರೆ ಆ ಸಮಸ್ಯೆ ದೊಡ್ಡದಾಗಿ ಕಿವುಡತನ ಕಾಣಿಸಿಕೊಳ್ಳಬಹುದು.

ತಾಯಿಯಿಂದ: ತಾಯಿ ಮಧುಮೇಹಿಯಾಗಿದ್ದರೆ ಅವಳಿಗೆ ಜನಿಸುವ ಮಕ್ಕಳಲ್ಲಿ ಕಿವುಡತನ ಕಂಡು ಬರುವ ಸಾಧ್ಯತೆ ಇದೆ. ಅದರಲ್ಲದೆ ಗರ್ಭಿಣಿಯಲ್ಲಿ German measles ಮತ್ತು toxoplasmosis ಎಂಬ ಆರೋಗ್ಯದ ಸಮಸ್ಯೆ ಇದ್ದರೆ ಮಕ್ಕಳಲ್ಲಿ ಕಿವುಡುತನ ಕಂಡು ಬರುವುದು.

ವಂಶಪಾರಂಪರ್ಯವಾಗಿ: ಕೆಲವೇ ಕೆಲವು ಮಕ್ಕಳಲ್ಲಿ ಮಾತ್ರ ವಂಶಪಾರಂಪರ್ಯವಾದ ಕಿವುಡುತನ ಕಂಡು ಬರುತ್ತದೆ.

ಕಾಯಿಲೆ: ಚಿಕನ್ ಪಾಕ್ಸ್, ಇನ್ ಪ್ಲೂಂಜಾದಂತಹ ಕಾಯಿಲೆಗಳು ಬಂದರೆ ಕಿವುಡುತನ ಉಂಟಾಗಬಹುದು.

ಅಧಿಕ ಶಬ್ದ: ಕೆಲವೊಮ್ಮೆ ಅಧಿಕ ಶಬ್ದದಿಂದ ಕಿವಿಯ ತಮಟೆ ಹರಿದು ಹೋಗಿ ಶಾಶ್ವತ ಕಿವುಡುತನ ಉಂಟಾಗುವುದು.

ರಕ್ತ ಸಂಚಾರ: ರಕ್ತ ಸಂಚಾರ ಸರಿಯಾಗಿರದಿದ್ದರೆ DNAಯಲ್ಲಿ ತೊಂದರೆ ಕಾಣಿಸಿ ಕಿವುಡುತನ ಉಂಟಾಗುವುದು.

ಮೆದುಳಿನ ಅಥವಾ ನರದ ತೊಂದರೆ : ಮಕ್ಕಳಲ್ಲಿ ಮೆದುಳಿನ ಅಥವಾ ನರದ ತೊಂದರೆಯಿಂದ ಕಿವುಡುತನ ಉಂಟಾಗುವುದು.

ಆದ್ದರಿಂದ ಮಕ್ಕಳಲ್ಲಿ ಕಿವಿ ನೋವಿನ ಸಮಸ್ಯೆ ಕಂಡುಬಂದರೆ ಸಾಮಾನ್ಯ ಸಮಸ್ಯೆಯೆಂದು ಭಾವಿಸಿ ನಿರ್ಲಕ್ಷ್ಯ ಮಾಡಬೇಡಿ.