ಚಿಕ್ಕ ಮಕ್ಕಳಿಗೆ ತಿನ್ನಲು ನಟ್ಸ್ ಕೊಡಬಾರದು!

ಇವತ್ತು ವಿಶ್ವ ನಟ್ಸ್ ದಿನ. ನಟ್ಸ್ ತಿಂದರೆ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ತಿಳಿದಿರುವ ವಿಷಯ. ಆದರೆ ಈ ನಟ್ಸ್ ಅನ್ನು ಚಿಕ್ಕ ಮಕ್ಕಳಿಗೆ ಕೊಡಬಹುದೇ? ಕೊಡುವುದಾದರೆ ಎಷ್ಟು ವರ್ಷದ ಮೇಲ್ಪಟ್ಟ ಮಕ್ಕಳಿಗೆ ಕೊಡಬೇಕು? ಯಾವ ರೀತಿಯ ನಟ್ಸ್ ಮಕ್ಕಳಿಗೆ ಅಲರ್ಜಿ ತರುತ್ತದೆ ಎಂದು ನೋಡೋಣ ಬನ್ನಿ.

ಇದರ ಬಗ್ಗೆ ನಡೆಸಿದ ಸಂಶೋಧನೆ ಪ್ರಕಾರ ಮಕ್ಕಳಿಗೆ ನಟ್ಸ್ ಕೊಡಬೇಕಾದ ಅವಶ್ಯಕತೆಯೇ ಇಲ್ಲ. ಒಂದು ವೇಳೆ ಕೊಡುವುದಾದರೆ 4 ತಿಂಗಳಿಗಿಂತ ಅಧಿಕ ವಯಸ್ಸಿನ ಮಕ್ಕಳಿಗೆ ಕೊಡಬೇಕು. ಚಿಕ್ಕ ಮಕ್ಕಳಿಗೆ ಮೀನು, ಮೊಟ್ಟೆ, ನಟ್ಸ್ ಈ ರೀತಿಯ ಅಧಿಕ ಪ್ರೊಟೀನ್ ಇರುವ ಆಹಾರಗಳನ್ನು ತಿಂದರೆ ಅಲರ್ಜಿ ಉಂಟಾಗುತ್ತದೆ. ಆದ್ದರಿಂದ ಒಂದು ವರ್ಷಕ್ಕಿಂತ ಚಿಕ್ಕ ಮಕ್ಕಳಿಗೆ ಆಹಾರ ಕೊಡುವಾಗ ತುಂಬಾ ಎಚ್ಚರಿಕೆಯಿಂದ ಇರಬೇಕು.

ಮಕ್ಕಳಿಗೆ 2-3 ವರ್ಷದ ಬಳಿಕ ನಟ್ಸ್ ಕೊಡುವುದು ಒಳ್ಳೆಯದು. ಆದರೆ ಫುಡ್ ಅಲರ್ಜಿ ಕಾಣಿಸಿಕೊಂಡರೆ ಕೊಡಬೇಡಿ. ಮಕ್ಕಳಿಗೆ 7 ವರ್ಷದ ಬಳಿಕ ನಟ್ಸ್ ಕೊಡುವುದು ಒಳ್ಳೆಯದು.

ಅದರಲ್ಲೂ ಈ ಕೆಳಗಿನ ನಟ್ಸ್ ಮಕ್ಕಳಲ್ಲಿ ಅಲರ್ಜಿಯನ್ನು ತರುತ್ತದೆ:

ವಾಲ್ ನೆಟ್, ಬಾದಾಮಿ, ಗೋಡಂಬಿ, ಪೀನಟ್ಸ್, ಬ್ರೆಜಿಲ್ ನಟ್ಸ್, ಪಿಸ್ತಾ ಮಕ್ಕಳಲ್ಲಿ ಅಲರ್ಜಿಯನ್ನು ತರುತ್ತದೆ. ಈ ನಟ್ಸ್ ಗಳನ್ನು ಮಕ್ಕಳು 7 ವರ್ಷ ದಾಟಿದ ಮೇಲೆ ಕೊಟ್ಟರೆ ಮಕ್ಕಳ ಬೆಳವಣಿಗೆಗೆ ಪೂರಕವಾದೀತು.