ಸೊಳ್ಳೆ ಕಚ್ಚಿದಾಗ ತುರಿಕೆ ನಿವಾರಣೆ ಹೇಗೆ?

ಸೊಳ್ಳೆ ಕಚ್ಚಿ ಚರ್ಮದಲ್ಲಿ ಕೆಂಪು ಗುಳ್ಳೆಗಳಾಗಿ ತುರಿಕೆ ಸಹ ಉಂಟಾಗುತ್ತದೆ. ಸೊಳ್ಳೆ ಪರದೆಯನ್ನು ಉಪಯೋಗಿಸಿ ಇದರಿಂದ ತಪ್ಪಿಸಿ ಕೊಳ್ಳಬಹುದಾಗಿದ್ದರೂ ಹೊರಗೆ ಹೋಗುವಾಗ ಇದನ್ನು ತೆಗೆದು ಕೊಂಡು ಹೋಗಲು ಸಾಧ್ಯವಿಲ್ಲ. ಹೊರಗಡೆ ಹೋದಾಗ ಸೊಳ್ಳೆ ಹಚ್ಚಿ ತುರಿಕೆ ಉಂಟಾದರೆ ಈ ಕೆಳಗಿನ ಸಲಹೆಗಳ್ನು ಪಾಲಿಸಿದರೆ ಸೊಳ್ಳೆಗಳ ಕಾಟದಿಂದ ತಪ್ಪಿಸಿಕೊಳ್ಳಬಹುದು.

1. ಕ್ಯಾಲಾಮೈನ್ ಲೋಷನ್ ಅಥವಾ ಕ್ರೀಮ್ ಹಚ್ಚಿದರೆ ಸೊಳ್ಳೆ ಕಚ್ಚಿದರೆ ತುರಿಕೆ, ಊತ ಉಂಟಾಗುವುದಿಲ್ಲ.

2. ಇದು ಹಚ್ಚಿದ ನಂತರವೂ ಮಕ್ಕಳು ತುರಿಸುತ್ತಿದ್ದರೆ ಪುನಃ ಹಚ್ಚಿ.

3. ಸೊಳ್ಳೆ ಕಚ್ಚಿದ ನಂತರ ಮಕ್ಕಳು ತುಂಬಾ ಹೊತ್ತು ತುರಿಸುತ್ತಾ ಇದ್ದರೆ ಸ್ವಲ್ಪ ಮಣ್ಣು ತೆಗೆದು ಸೊಳ್ಳೆ ಕಚ್ಚಿದ ಜಾಗಕ್ಕೆ ತಿಕ್ಕಿದರೆ ತುರಿಕೆ ಕಡಿಮೆಯಾಗುತ್ತದೆ.

4. ಸೊಳ್ಳೆ ಕಚ್ಚಿ ತುರಿಸುತ್ತಿದ್ದರೆ ಐಸ್ ಕ್ಯೂಬ್ ಉಜ್ಜಿದರೆ ತುರಿಕೆ ಕಡಿಮೆಯಾಗುತ್ತದೆ.

5. ಸೊಳ್ಳೆ ಕಚ್ಚಿ ತುರಿಕೆ ಉಂಟಾದರೆ ಸೋಪು ಬಳಸಿ ಚೆನ್ನಾಗಿ ತೊಳೆದು ಟವಲ್ ನಿಂದ ಒರೆಸದೆ ಹಾಗೆ ಒಣಗಲು ಬಿಡಬೇಕು.

6. ಒಂದು ಬಕೆಟ್ ನೀರಿನಲ್ಲಿ 1/2 ಚಮಚ ಅಡುಗೆ ಸೋಡಾ ಹಾಕಿ ಅದರಿಂದ ಮೈ ತೊಳೆದರೆ ತುರಿಕೆ ಉಂಟಾಗುವುದಿಲ್ಲ.

7. ಸೊಳ್ಳೆ ಕಚ್ಚಿದ ನಂತರ ಮಕ್ಕಳಿಗೆ ಜ್ವರ ಬಂದರೆ ವೈದ್ಯರಿಗೆ ತೋರಿಸಬೇಕು. ಏಕೆಂದರೆ ಅನೇಕ ಮಾರಕ ರೋಗಗಳು ಹರಡಲು ಸೊಳ್ಳೆಗಳು ಮುಖ್ಯ ಕಾರಣ.