ಹಾರಾಡುವ ವಯಸ್ಸಿನಲ್ಲಿ ಖಿನ್ನತೆ ರೆಕ್ಕೆ ಮುರಿಯುವುದು!

ಹೊಸ ಸ್ನೇಹಿತರು, ಆಧುನಿಕ ಜೀವನ ಶೈಲಿ, ರಂಗು ರಂಗಿನ ಕನಸುಗಳು ಇವುಗಳಿಂದ ಮನಸ್ಸು ಹುಚ್ಚು ಕುದುರೆಯಾಗಿರುತ್ತದೆ. ಪ್ರಪಂಚವನ್ನು ಗೆದ್ದು ಬಿಡುವೆ ಎಂಬ ಹುಮ್ಮಸ್ಸು, ಅದು ಈಡೇರಿದಿದ್ದಾಗ ಅದೆ ಅವರನ್ನು ಮಾನಸಿಕ ಖಿನ್ನತೆಗೆ ಒಳಪಡಿಸುತ್ತದೆ.

ಬೇಗನೆ ಕೋಪಕೊಳ್ಳುವ ಮನಸ್ಥಿತಿ, ಒಂಟಿಯಾಗಿ ಇರಲು ಬಯಸುವುದು ಮುಂತಾದ ಲಕ್ಷಣಗಳು ಮಾನಸಿಕ ಖಿನ್ನತೆಯ ಲಕ್ಷಣಗಳಾಗಿವೆ. ಅದನ್ನು ಪ್ರಾರಂಭದ ಹಂತದಲ್ಲಿ ಗುರುತಿಸುವುದು ಒಳ್ಳೆಯದು.

ಈ ರೀತಿಯ ಲಕ್ಷಣಗಳು ಹುಡುಗಿಯರಲ್ಲಿ ಕಂಡು ಬಂದಾಗ ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಅವರಲ್ಲಿ ಖಿನ್ನತೆ ಹೋಗಲಾಡಿಸಿ ಹುರುಪು ತುಂಬ ಬಹುದಾಗಿದೆ.

1. ಮಕ್ಕಳೊಂದಿಗೆ ಮುಕ್ತ ಮನಸ್ಸಿನಿಂದ ಮಾತನಾಡಿ ಅವರ ಭಾವನೆಗಳನ್ನು ಅರ್ಥೈಹಿಸಿಕೊಳ್ಳಬೇಕು.

2. ಹದಿಹರೆಯದ ಹೆಣ್ಣು ಮಕ್ಕಳು ಅವರ ಸ್ನೇಹಿತರ ಜೊತೆ ಚರ್ಚೆ ಮಾಡಿದ್ದನ್ನು ಅಪ್ಪ ಅಥವಾ ಅಮ್ಮನ ಬಳಿ ಹೇಳಿಕೊಳ್ಳುವ ಹುಮ್ಮಸು ಇರುತ್ತದೆ. ಅದನ್ನು ಸಮಧಾನದಿಂದ ಕೇಳಬೇಕು.

3. ಮಗಳು ಕೇಳುವ ಪ್ರಶ್ನೆಗಳಿಗೆ ಉತ್ತರವನ್ನು ನೀಡಲು ಪ್ರಯತ್ನಿಸಬೇಕು.

4. ನಿಮ್ಮ ಹದಿಹರೆಯದ ಸಮಯಕ್ಕೂ ಹೀಗಿನ ಕಾಲಕ್ಕೂ ಸಾಕಷ್ಟು ವ್ಯತ್ಯಾಸವಿರುವುದರಿಂದ ಹೋಲಿಕೆ ಮಾಡಬೇಡಿ. ಒಳ್ಳೆಯ ಅಂಶವನ್ನು ಮಾತ್ರ ಹೋಲಿಕೆ ಮಾಡಬೇಕು.

5. ಮಕ್ಕಳ ಡ್ರೆಸ್ ಮತ್ತು ಮೇಕಪ್ ಗಳ ಬಗ್ಗೆ ಇಷ್ಟವಾಗದಿದ್ದರೆ ನೇರವಾಗಿ ಹೇಳಬೇಡಿ, ಆ ಡ್ರೆಸ್ ಅಷ್ಟು ಚೆಂದ ಕಾಣುವುದಿಲ್ಲ ಎಂದು ನಿಧಾನವಾಗಿ ತಿಳಿ ಹೇಳಿದರೆ ಕೇಳುವುದು.

6. ಮಕ್ಕಳಿಗೆ ಏನಾದರು ತಿಳಿ ಹೇಳ ಬೇಕೆಂದಿದ್ದರೆ ಎಲ್ಲರ ಎದುರು ಹೇಳದೆ ಅವರು ಒಬ್ಬರೆ ಇದ್ದಾಗ ಹೇಳುವುದು ಸೂಕ್ತ.

7. ತುಂಬಾ ಖಿನ್ನತೆ ಇದ್ದರೆ ಕೌನ್ಸಿಲಿಂಗ್ ನೀಡಬಹುದು.