ಮಗುವಿನಲ್ಲಿ ಜಾಂಡೀಸ್ ನಿವಾರಿಸುವುದು ಹೇಗೆ?

ನವಜಾತ ಶಿಶುವಿನಲ್ಲಿ ಜಾಂಡೀಸ್ ಗುಣಪಡಿಸುವ ನೈಸರ್ಗಿಕ ವಿಧಾನ:

* ಎದೆಹಾಲು ನೀಡುವುದು: ರಕ್ತದಲ್ಲಿ ಸೇರಿಕೊಂಡ ಬಿಲಿರುಬಿನ್ ಅಂಶವೇ ಜಾಂಡೀಸ್ ಮೂಲ. ಈ ಬಿಲಿರುಬಿನ್ ಅಂಶವನ್ನು ಹೋಗಿಸಲು ಮಗುವಿನ ಲಿವರ್ ನಲ್ಲಿ ಅವಶ್ಯಕ ಶಕ್ತಿಯಿರುವುದಿಲ್ಲ. ಆದ ಕಾರಣ ಮೂತ್ರದ ಮೂಲಕವೇ ಬಿಲಿರುಬಿನ್ ದೇಹದಿಂದ ಹೊರಕ್ಕೆ ಹೋಗಬೇಕಾಗುತ್ತದೆ. ಎದೆಹಾಲು ಅಥವಾ ದ್ರವರೂಪದ ಆಹಾರ ನೀಡಿದರೆ ಮೂತ್ರದ ಮೂಲಕ ಹೊರಬರಲು ಸಹಾಯ ಮಾಡುತ್ತದೆ.
2-3 ಗಂಟೆಗಳಿಗೊಮ್ಮೆ ಹಾಲು ನೀಡಬೇಕು. ಜಾಂಡೀಸ್ ಇರುವ ಮಕ್ಕಳು ಹೆಚ್ಚು ನಿದ್ದೆಗೆ ಹೋಗುವುದರಿಂದ ಆಗಾಗ್ಗೆ ಹಾಲು ನೀಡುವುದನ್ನು ಮರೆಯಬಾರದು.

* ಸೂರ್ಯನ ಕಿರಣ: ಸೂರ್ಯನ ಕಿರಣ ನವಜಾತ ಶಿಶುವಿನಲ್ಲಿ ಕಾಣಿಸಿಕೊಂಡ ಜಾಂಡೀಸ್ ಹೋಗಲಾಡಿಸುವ ನೈಸರ್ಗಿಕ ವಿಧಾನ. ಮಗುವಿನಲ್ಲಿ ಜಾಂಡೀಸ್ ಗೆ ಕಾರಣವಾಗಿರುವ ಬಿಲಿರುಬಿನ್ ಅಂಶವನ್ನು ಕಡಿಮೆ ಮಾಡುವಲ್ಲಿ ಸೂರ್ಯನ ಕಿರಣ ಹೆಚ್ಚು ಸಹಕಾರಿ. 1-2 ಗಂಟೆ ಅವಧಿ ಸೂರ್ಯನ ಬೆಚ್ಚಗಿನ ಕಿರಣ ಬೀಳುವೆಡೆ ಮಗುವನ್ನು ಮಲಗಿಸಬೇಕು. ಮಗುವಿಗೆ ಬಟ್ಟೆ ಹಾಕದೆ ಮಲಗಿಸಬೇಕು. ಆದರೆ ಸೂರ್ಯನ ಕಿರಣ ನೇರವಾಗಿ ಬೀಳುವ ಜಾಗದಲ್ಲಿ ಮಲಗಿಸಬಾರದು.

* ಕೆಲವು ನವಜಾತ ಶಿಶುಗಳು ಎದೆಹಾಲು ಕುಡಿಯಲು ಹಠ ಮಾಡುತ್ತವೆ. ಅಂತಹ ಸಮಯದಲ್ಲಿ ಚಮಚವನ್ನು ಉಪಯೋಗಿಸಿಕೊಂಡು ಮಗುವಿಗೆ ಹಾಲು ನೀಡಬೇಕಾಗುತ್ತದೆ.