ದಿನಾ ಭಾರ ಎತ್ತಿದರೆ ಪುರುಷರಲ್ಲಿ ವೀರ್ಯಾಣುಗಳ ಸಂಖ್ಯೆ ಹೆಚ್ಚುವುದು: ಅಧ್ಯಯನ ವರದಿ

ಪುರುಷರೇ ನೀವು ದೈಹಿಕ ಶ್ರಮದ ಹಾಗೂ ನೀವು ಭಾರ ಎತ್ತು ಕೆಲಸ ಮಾಡುತ್ತಿದ್ದೀರಾ? ಹಾಗಾದರೆ ಪುರುಷ ಸಾಮರ್ಥ್ಯ ಹೆಚ್ಚಾಗಿರುತ್ತದೆ ಎಂದು ಅಧ್ಯಯನ ವರದಿ ಹೇಳಿದೆ.

ಯಾರು ಅಧಿಕ ಭಾರ ಎತ್ತುವ ವ್ಯಾಯಾಮ ಅಥವಾ ಕೆಲಸ ಮಾಡುತ್ತಾರೋ ಅವರಲ್ಲಿ ವೀರ್ಯಾಣುಗಳು ಹೆಚ್ಚು ಉತ್ಪತ್ತಿಯಾಗುತ್ತದೆ, ಇವರಲ್ಲಿ ಸಂತಾನೋತ್ಪತ್ತಿ ಸಾಮರ್ಥ್ಯ ಚೆನ್ನಾಗಿರುತ್ತದೆ ಎಂದು ಇತ್ತೀಚೆಗೆ ನಡೆಸಿದ ಅಧ್ಯಯನದ ವರದಿ ಹೇಳಿದೆ.

Brigham and Women's Hospitalನ ಸಂಶೋಧಕರು ಈ ಅಧ್ಯಯನ ನಡೆಸಿ ಅಧಿಕ ದೈಹಿಕ ಶ್ರಮದ ಕೆಲಸ ಮಾಡುವ ಪುರುಷರಲ್ಲಿ ವೀರ್ಯಾಣುಗಳ ಸಂಖ್ಯೆ ಅಧಿಕ ಇರುತ್ತದೆ ಎಂದು ಹೇಳಿದೆ.

ಪುರುಷರ ಸಂತಾನೋತ್ಪತ್ತಿ ಸಾಮರ್ಥ್ಯ ಯಾವಾಗ ಕಡಿಮೆಯಾಗುವುದು?
* ಮೈ ತೂಕ ಅತ್ಯಧಿಕವಾದರೆ
* ಕೆಲವೊಂದು ಕಾಯಿಲೆಗಳು
* ಅತ್ಯಧಿಕ ಧೂಮಪಾನ
* ಡ್ರಗ್ಸ್ ಸೇವನೆ
* ಅತ್ಯಧಿಕ ಮಾನಸಿಕ ಒತ್ತಡ
* ವಿಪರೀತ ಮದ್ಯಪಾನ
ಇವೆಲ್ಲಾ ಪುರುಷರಲ್ಲಿ ವೀರ್ಯಾಣುಗಳ ಉತ್ಪತ್ತಿ ಕಡಿಮೆ ಮಾಡುತ್ತದೆ.

ಪುರುಷರಲ್ಲಿ ಬಂಜೆತನ
ಬಂಜೆತನ ಎಂಬುವುದು ಮಹಿಳೆಯರಲ್ಲಿ ಮಾತ್ರವಲ್ಲ, ಪುರುಷರಲ್ಲಿಯೂ ಇರಲಿದೆ. ಪುರುಷರಲ್ಲಿ ವೀರ್ಯಾಣು ಕಡಿಮೆಯಾದರೆ ಸಂತಾನೋತ್ಪತ್ತಿಯಾಗುವುದಿಲ್ಲ.

ದೈಹಿಕ ವ್ಯಾಯಾಮ, ದೈಹಿಕ ಶ್ರಮದ ಕೆಲಸ
ಪುರುಷರು ದೈಹಿಕ ವ್ಯಾಯಾಮ ಮಾಡುವುದರಿಂದ, ದೈಹಿಕ ಶ್ರಮದ ಕೆಲಸ ಮಾಡುವುದರಿಂದ ಸಂತಾನೋತ್ಪತ್ತಿ ಸಾಮರ್ಥ್ಯ ಹೆಚ್ಚಿಸಬಹುದು. 2014ರಲ್ಲೂ ಹ್ಯೂಮನ್ ರಿಪ್ರೊಡೆಕ್ಷನ್‌ನಲ್ಲಿ ಪ್ರಕಟವಾದ ಅಧ್ಯಯನ ವರದಿಯಲ್ಲಿ ಯಾರು ಓಡುವುದು, ಭಾರ ಎತ್ತುವುದು ಈ ಬಗೆಯ ಚಟುವಟಿಕೆ ಮಾಡುತ್ತಾರೋ ಅವರಲ್ಲಿ ವೀರ್ಯಾಣುಗಳ ಸಂಖ್ಯೆ ಅಧಿಕವಿರುತ್ತದೆ.

ವೀರ್ಯಾಣುಗಳ ವೃದ್ಧಿಗೆ ಏನು ಮಾಡಬೇಕು?
* ಆರೋಗ್ಯಕರ ಮೈ ತೂಕ ಹೊಂದಿರಬೇಕು
ಮೈ ತೂಕ ಹೆಚ್ಚಾದಂತೆ ವೀರ್ಯಾಣುಗಳ ಸಂಖ್ಯೆ ಹಾಗೂ ವೀರ್ಯಾಣುಗಳ ಚಲನೆ ಕಡಿಮೆಯಾಗುವುದಾಗಿ ಅಧ್ಯಯನ ವರದಿಗಳು ಹೇಳಿವೆ.
* ಆರೋಗ್ಯಕರ ಆಹಾರ ಸೇವಿಸಬೇಕು: ಸಾಕಷ್ಟು ಹಣ್ಣು, ತರಕಾರಿಗಳನ್ನು ತಿನ್ನಬೇಕು.
* ಮಾನಸಿಕ ಒತ್ತಡ ಕಡಿಮೆ ಮಾಡಬೇಕು: ಮಾನಸಿಕ ಒತ್ತಡ ಅಧಿಕ ಇರುವವರಲ್ಲಿಯೂ ವೀರ್ಯಾಣುಗಳ ಸಂಖ್ಯೆ ಕಡಿಮೆಯಾಗುವುದು ಆದ್ದರಿಂದ ಯೋಗ, ಧ್ಯಾನದ ಮೂಲಕ ಮಾನಸಿಕ ಒತ್ತಡ ಕಡಿಮೆ ಮಾಡಬೇಕು.
* ದೈಹಿಕವಾಗಿ ಚಟುವಟಿಕೆಯಿಂದ ಇರಬೇಕು: ದಿನಾ ದೈಹಿಕ ವ್ಯಾಯಾಮ ಮಾಡಿ, ಇದು ನಿಮ್ಮ ಸಾಮರ್ಥ್ಯ ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಯಾವಾಗ ವೈದ್ಯರನ್ನು ಭೇಟಿಯಾಗಬೇಕು?
ಮಗು ಬೇಕೆಂದು ಬಯಸಿ ಪ್ರಯತ್ನಿಸಿದಾಗ ಸಂಗಾತಿ ಗರ್ಭಧಾರಣೆಯಾಗದೇ ಇದ್ದರೆ ಅದು ಬರೀ ಅವರಲ್ಲಿರುವ ಸಮಸ್ಯೆಗಳಿಂದ ಅಂತ ಭಾವಿಸಬೇಡಿ, ಇಬ್ಬರೂ ವೈದ್ಯರನ್ನು ಭೇಟಿಯಾಗಿ ಸೂಕ್ತ ಸಲಹೆ ಸೂಚನೆ ಪಡೆಯಿರಿ.