ಪುರುಷರಲ್ಲಿ ಸೈಲೆಂಟ್ ಆಗಿ ಕಾಡುತ್ತಿದೆ 'ನಪುಂಸಕ' ತೊಂದರೆ!

ಇತ್ತೀಚಿನ ಒಂದು ಸಂಶೋಧನೆಯಲ್ಲಿ ಈ ಆಘಾತಕಾರಿ ಸುದ್ದಿ ಪ್ರಕಟಗೊಂಡಿದೆ. ಅಂದೆಂದರೆ ಪ್ರತಿ ಹತ್ತರಲ್ಲಿ ಒಬ್ಬ ಪುರುಷರಲ್ಲಿ ನಪುಂಸಕತ್ವದ ತೊಂದರೆ ಇದೆ. ಅಷ್ಟೇ ಅಲ್ಲ, ಪ್ರತಿ ಎಂಟು ಯುವತಿಯರಲ್ಲಿ ಒಬ್ಬರಿಗೆ ಗರ್ಭಧರಿಸಲು ಅತಿ ಹೆಚ್ಚಿನ ಕಷ್ಟವಾಗುತ್ತಿದೆ. ಆದರೆ ಆತಂಕಕಾರಿ ಬೆಳವಣಿಗೆ ಎಂದರೆ ನಿಜವಾಗಿಯೂ ಈ ತೊಂದರೆ ಇರುವ ವ್ಯಕ್ತಿಗಳಿಗೆ ತಮ್ಮ ದೇಹದ ಈ ಕೊರತೆಯ ಬಗ್ಗೆ ಅರಿವೇ ಇಲ್ಲದೇ ವೈದ್ಯಕೀಯ ನೆರವು ಪಡೆಯಲು ಮುಂದಾಗದಿರುವುದು.

ಈ ಸಂಶೋಧನೆಯ ಪ್ರಕಾರ ಮೂವತ್ತೈದು ದಾಟಿದ ಮಹಿಳೆಯರು ಮತ್ತು ಮೂವತ್ತೈದರಿಂದ ಐವತ್ತನಾಲ್ಕು ವರ್ಷದ ನಡುವಿನ ವಯಸ್ಸಿನ ಪುರುಷರಲ್ಲಿ ಈ ತೊಂದರೆ ಅತಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದೆ. ತಮ್ಮ ಮೂವತ್ತೈದನೆಯ ವಯಸ್ಸಿನ ಬಳಿಕ ಗರ್ಭ ಧರಿಸಲು ಯತ್ನಿಸುವ ಮಹಿಳಯರು ಅಸಫಲತೆಯನ್ನು ಹೆಚ್ಚು ಎದುರಿಸಬೇಕಾಗುತ್ತದೆ.

ಫಲಿತದ ಪರಿಣಾಮ ಮಹಿಳೆಯರಲ್ಲಿ ಇಪ್ಪತ್ತೈದನೆಯ ವಯಸ್ಸಿನಿಂದ ಮೂವತ್ತೈದನೆಯ ವಯಸ್ಸಿನವರೆಗೆ ಗರಿಷ್ಠವಾಗಿದ್ದು ಬಳಿಕ ಕಡಿಮೆಯಾಗುತ್ತಾ ಹೋಗುತ್ತದೆ. ಈ ಸಂಶೋಧನೆಯ ನಿಟ್ಟಿನಲ್ಲಿ ಸಂಗ್ರಹಿಸಲಾದ ಇನ್ನೊಂದು ಸಮೀಕ್ಷೆಯ ಪ್ರಕಾರ ಉನ್ನತ ಹುದ್ದೆಗಳಲ್ಲಿರುವ ಮಹಿಳೆಯರಲ್ಲಿ ಈ ತೊಂದರೆ ಹೆಚ್ಚು ಕಾಣಿಸಿಕೊಳ್ಳುತ್ತದೆ.

ಆದರೆ ಕೆಳವರ್ಗ ಮತ್ತು ಹೆಚ್ಚಿನ ದೈಹಿಕ ಶ್ರಮವನ್ನು ಅನುಸರಿಸುವ ಮಹಿಳೆಯರಲ್ಲಿ ಈ ಪ್ರಮಾಣ ಕೊಂಚ ಕಡಿಮೆ. ಮಾನಸಿಕ ಒತ್ತಡ, ಜೀವನದಲ್ಲಿ ಅತೃಪ್ತಿ ಇರುವ ಮಹಿಳೆಯರೂ ಗರ್ಭ ಧರಿಸಲು ಸೋಲುತ್ತಾರೆ ಎಂದು ಈ ಸಮೀಕ್ಷೆ ತಿಳಿಸಿದೆ.

ಸಂಶೋಧನೆಯಲ್ಲಿ ಕಂಡುಬಂದ ಇನ್ನೊಂದು ಆತಂಕಕಾರಿ ಅಂಶವೆಂದರೆ ಈ ತೊಂದರೆ ಇರುವ ವ್ಯಕ್ತಿಗಳಿಗೆ ಈ ಬಗ್ಗೆ ಅರಿವೇ ಇಲ್ಲದಿದ್ದು ವೈದ್ಯಕೀಯ ನೆರವು ಪಡೆಯಲು ಮುಂದಾಗದೇ ಇರುವುದು. ಪುರುಷರೇ, ಮದುವೆಯ ನಂತರ ಕಾಫಿಯ ಚಟದಿಂದ ದೂರವಿರಿ!

ಒಂದು ವೇಳೆ ಸೂಕ್ತ ಕಾಲದಲ್ಲಿ ಈ ಬಗ್ಗೆ ಅರಿವು ಪಡೆದು ವೈದ್ಯಕೀಯ ನೆರವು ಪಡೆದರೆ ಹೆಚ್ಚಿನ ಫಲ ಸಿಗಬಹುದು. ಆದರೆ ಇನ್ನೂ ಕೆಲವರು ವೈದ್ಯಕೀಯ ವೆಚ್ಚದ ಮೊತ್ತ ನೋಡಿದ ಬಳಿಕ ಇದರ ಸಹವಾಸ ಬೇಡವೆಂದು ಹಿಂದೆ ಸರಿದಿರುವುದನ್ನೂ ಸಮೀಕ್ಷೆ ವಿವರಿಸಿದೆ.