ಈ ಆಹಾರಗಳನ್ನು ತಿಂದರೆ ಗರ್ಭಪಾತವಾಗುವುದು

ವಿಟಮಿನ್ ಸಿ

ವಿಟಮಿನ್ ಸಿ ಹೆಚ್ಚಿರುವ ಆಹಾರಗಳನ್ನು ಅಂಡಾಣು ಬಿಡುಗಡೆಯ ಸಮಯದಲ್ಲಿ ಮತ್ತು ಋತುಚಕ್ರದ ಸಂದರ್ಭದಲ್ಲಿ ತಿನ್ನುವುದರಿಂದ ಗರ್ಭನಿಲ್ಲುವುದು ತಪ್ಪುತ್ತದೆ. ಇದನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಿದಲ್ಲಿ ಗರ್ಭಧಾರಣೆಯ ಆರಂಭಿಕ ಹಂತದಲ್ಲಿ ಗರ್ಭಪಾತವಾಗುತ್ತದೆ ಎಂದು ಹೇಳಲಾಗುತ್ತದೆ.

ಪರಂಗಿ ಹಣ್ಣು

ಇದರಲ್ಲಿ ವಿಟಮಿನ್ ಸಿ ಹೆಚ್ಚಿದ್ದು ಸಮಯಕ್ಕೆ ಸರಿಯಾಗಿ ಮುಟ್ಟಾಗಲು ನೆರವಾಗುತ್ತದೆ. ಈ ಹಣ್ಣಿನ ಗುಣದ ಬಗ್ಗೆ ಹೆಚ್ಚು ಚರ್ಚೆಗಳಾಗಿವೆ. ಪರಿಣಿತರ ಪ್ರಕಾರ ಈ ಹಣ್ಣಿನಲ್ಲಿರುವ ಪಪೈನ್ ಗರ್ಭಪಾತಕ್ಕೆ ಕಾರಣವಾಗುತ್ತದೆ.

ಅನಾನಸ್

ಅಡಗೂಲಜ್ಜಿ ಕತೆಗಳ ಪ್ರಕಾರ ಅನಾನಸ್ ಗರ್ಭಪಾತ ಮಾಡಬಲ್ಲದು. ಇದರಲ್ಲಿನ ಪ್ರೊಟೀಸ್ ಎನ್ಜೈಮ್ ಬ್ರೊಮೆಲಿಯನ್ ಎನ್ನುವುದು ಪರಂಗಿ ಹಣ್ಣಿನಲ್ಲಿರುವ ಪಪೈನ್ ಗೆ ಸಮನಾದದ್ದು. ಇದು ಸೆರ್ವಿಕ್ಸ್ ಅನ್ನು ಮೃದುಗೊಳಿಸುವುದರಿಂದ ಗರ್ಭಪಾತವಾಗುತ್ತದೆ.

ಎಳ್ಳು

ಒಂದು ಟೀಚಮಚ ಹುರಿದ ಎಳ್ಳನ್ನು ಜೇನುತುಪ್ಪದೊಂದಿಗೆ ತೆಗೆದುಕೊಂಡರೆ ಗರ್ಭಪಾತವಾಗುತ್ತದೆ ಎಂದು ಹೇಳುತ್ತಾರೆ.

ಸಿಟ್ರಸ್ ಹಣ್ಣುಗಳು

ಕಿತ್ತಳೆ ಹಣ್ಣು, ಟ್ಯಾಂಜರಿಯನ್ ಇತ್ಯಾದಿ ಸಿಟ್ರಸ್ ಹಣ್ಣುಗಳಲ್ಲಿ ವಿಟಮಿನ್ ಸಿ ಹೆಚ್ಚಿದ್ದು ಇದು ಸಹಜ ಗರ್ಭಪಾತಕ್ಕೆ ಕಾರಣವಾಗುತ್ತದೆ.

ಮೆಟ್ಟಿಲುಗಳನ್ನು ಹತ್ತುವುದು

ಮೆಟ್ಟಿಲುಗಳನ್ನು ಹತ್ತುವುದರಿಂದ ಮತ್ತು ದೈಹಿಕವಾಗಿ ಹೆಚ್ಚು ಶ್ರಮದಾಯಕವಾದ ಕೆಲಸ ಮಾಡುವುದರಿಂದ ಸಹಜವಾಗಿ ಗರ್ಭಪಾತವಾಗುತ್ತದೆಯಂತೆ.

ಗ್ರೀನ್ ಟೀ

ಗ್ರೀನ್ ಟೀಯನ್ನು ಹೆಚ್ಚು ಕುಡಿಯುವುದರಿಂದ ಫಲವಂತಿಕೆಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ. ಇದು ಗರ್ಭಪಾತಕ್ಕೆ ಕೂಡ ಕಾರಣವಾಗಬಹುದು.

ಕ್ಯಾನ್ಡ್ ಫಿಶ್

ಕ್ಯಾನ್ಡ್ ಫಿಶ್ ನಲ್ಲಿ ಸಲೈನ್ ಮತ್ತಿತರ ಕೆಮಿಕಲ್ ಗಳನ್ನು ಸಂರಕ್ಷಕಗಳಾಗಿ ಬಳಸಿರುತ್ತಾರೆ. ಇದು ಗರ್ಭಿಣಿಯರಲ್ಲಿ ರಕ್ತದೊತ್ತಡವನ್ನು ಹೆಚ್ಚಿಸಿ ಗರ್ಭಪಾತಕ್ಕೆ ಕಾರಣವಾಗುತ್ತದೆ.

ಚೀಸ್

ಮೃದುವಾದ ಬ್ರಿಯೆ, ಫಿಟ, ಕ್ಯಾಂಮ್ ಬೆರ್ಟ್, ರೊಕ್ಯೂಫೋರ್ಟ್, ಬ್ಲೂ-ವೀನ್ಡ್, ಗೊರ್ಗೊಂಜೊಲ ಇತ್ಯಾದಿಗಳನ್ನು ಪ್ಯಾಶ್ಚೀಕರಿಸದ ಹಾಲಿನಿಂದ ಮಾಡಲಾಗಿರುತ್ತದೆ. ಇದು ಗರ್ಭಪಾತಕ್ಕೆ ಕಾರಣವಾಗುತ್ತದೆ.

ಬ್ಲಾಕ್ ಕೊಹೊಶ್

ಇದನ್ನು ಸಹಜ ಗರ್ಭಪಾತಕ್ಕೆ ಬಳಸಲಾಗುತ್ತದೆ. ಈ ಚೀನಿಯರ ಗಿಡಮೂಲಿಕೆಯು ಟಾನಿಕ್ ಹಾಗೆ ವರ್ತಿಸಿ ಬೇಡದ ಗರ್ಭವನ್ನು ತೆಗೆಯಲು ಸಹಾಯ ಮಾಡುತ್ತದೆ.