ಗರ್ಭಿಣಿಯರು ತಾವೇ ಆರೈಕೆ ಮಾಡಿಕೊಳ್ಳುವುದು ಹೇಗೆ?

ಮಧುಮೇಹ ಚಿಕಿತ್ಸೆ

ಗರ್ಭಿಣಿಯರಿಗೆ ಮಧುಮೇಹ ಬರುವ ಸಾಧ್ಯತೆಗಳಿರುತ್ತವೆ. ಆದರಿಂದ ದವಸ ಧಾನ್ಯಗಳನ್ನು ತಿನ್ನುವುದರ ಮೂಲಕ ನಿಮ್ಮ ದೇಹ ಪ್ರಕೃತಿಯನ್ನು ಸಮಾನವಾಗಿರುವಂತೆ ನೋಡಿಕೊಳ್ಳಿ.ಪ್ರೊಟೀನ್ ಅಂಶವಿರುವ ಆಹಾರವನ್ನು ಹೆಚ್ಚು ಹೆಚ್ಚು ಸೇವಿಸಿ. ನೀವೆನಾದರೂ ಡಯಟ್ (diet) ಮಾಡುತ್ತಿದ್ದರೆ ಈ ಸಂದರ್ಭದಲ್ಲಿ ಅವುಗಳಿಗೆ ವಿರಾಮ ಕೊಡಿ. ಏಕೆಂದರೆ ಆಹಾರದಲ್ಲಿ ಅತಿಯಾದ ಕಡಿತ ಗರ್ಭವತಿ ಸ್ತ್ರೀಯರಿಗೆ ಒಳ್ಳೆಯದಲ್ಲ.

ಮನಸ್ಸು ಮತ್ತು ಆರೋಗ್ಯ

ಅತೀ ಹೆಚ್ಚು ನೀರನ್ನು ಕುಡಿಯುವುದು ಬಹಳ ಉತ್ತಮ ಹಾಗೂ ಅಗತ್ಯ ಕೂಡ. ಇದು ದೇಹದ ಉಷ್ಣತೆಯನ್ನು ನಿಯಂತ್ರಿಸುತ್ತದೆ. ನಿಮಗೆ ಬರಿಯ ನೀರನ್ನು ಕುಡಿಯುವುದಕ್ಕೆ ಸಾಧ್ಯವಾಗದಿದ್ದರೆ ಸ್ವಲ್ಪ ಸಕ್ಕರೆಯನ್ನು ಬೆರೆಸಿ ಕುಡಿಯರಿ.

ದಿನವೂ ಸಾಧ್ಯವಾದಷ್ಟು, ಬೇಕೆನಿಸಿದಷ್ಟು ವಿಶ್ರಾಂತಿಯನ್ನು ತೆಗೆದುಕೊಳ್ಳಿ. ಕೆಲಸ ಮಾಡುತ್ತಿರುವಾಗ ಮಧ್ಯದಲ್ಲಿ 10 ನಿಮಿಷಗಳ ಕಾಲ ಆಗಾಗ ವಿಶ್ರಾಂತಿಯನ್ನು ತೆಗೆದುಕೊಳ್ಳಿ. ರಾತ್ರಿ ಬೇಗ ಮಲಗಿ. ಮುಂಜಾನೆ ಲಗುಭಗೆಯಿಂದ ಒಂದೇ ಸಲಕ್ಕೆ ಎದ್ದೇಳಬೇಡಿ. ನಿಧಾನವಾಗಿ ದೇಹಕ್ಕೆ ಯಾವುದೇ ಶ್ರಮವಾಗದ ರೀತಿಯಲ್ಲಿ ಎದ್ದರೆ ಹೊಟ್ಟೆಯಲ್ಲಿರುವ ಮಗುವಿಗೂ ಯಾವುದೇ ತೊಂದರೆಗಳಾಗುವುದಿಲ್ಲ. ಅಲ್ಲದೇ ನಿಮ್ಮ ಮನಸ್ಸನ್ನು ಆದಷ್ಟು ಪ್ರಶಾಂತ ವಾಗಿರಿಸುವುದು ಹುಟ್ಟುವ ಮಗುವಿನ ಮೇಲೆ ಯಾವುದೇ ಅಡ್ಡ ಪರಿಣಾಮಗಳು ಬೀಳುವುದನ್ನು ತಪ್ಪಿಸುತ್ತದೆ.

ಮಗುವಿನ ಬಗ್ಗೆ ಧನಾತ್ಮಕ ಯೋಚನೆ

ನಿಮ್ಮ ದೇಹವನ್ನು ಅತ್ಯಂತ ಪ್ರಜ್ಞಾಪೂರಕವಾಗಿ ಆತ್ಮವಿಶ್ವಾಸದಿಂದ ನೋಡಿಕೊಳ್ಳಿ. ಅಂದರೆ ನನಗೆ ಸುಸ್ತು ಎಂದು ಯಾವಾಗಲೂ ಹೇಳುತ್ತಿದ್ದರೆ ಅಥವಾ ಕುಳಿತಲ್ಲಿಯೇ ಕುಳಿತಿದ್ದರೆ ಹೊಟ್ಟೆಯಲ್ಲಿರುವ ಮಗುವಿನ ಚಲನೆ ಸರಿಯಾಗಿ ಆಗುವುದೇ ಇಲ್ಲ. ಇದರಿಂದ ಪ್ರಸವದ ಸಮಯದಲ್ಲಿ ತೊಂದರೆಗಳಾಗಬಹುದು.

ಹುಟ್ಟುವ ಮಗುವಿನ ವಿಷಯದಲ್ಲಿ ಧನಾತ್ಮಕ (ಪೊಸಿಟೀವ್) ಯೋಚನೆಗಳನ್ನೇ ಮಾಡಿ. ಯಾರಾದರೂ ಮಗುವಿನ ಹುಟ್ಟಿಗೆ ಸಂಬಂಧಿಸಿದ ಯಾವುದೇ ಕೆಟ್ಟ ಘಟನೆಗಳನ್ನು ಹೇಳಿದರೆ ಅದನ್ನು ಕೇಳುವುದನ್ನು ತಿರಸ್ಕರಿಸಿ. ಭಯಾನಕವೆನಿಸುವ ಚಲನಚಿತ್ರಗಳನ್ನು ನೋಡಬೇಡಿ. ನಿಮ್ಮ ಮನಸ್ಸು ಹೆದರಿಕೊಳ್ಳುವಂತಹ ಜಾಗಗಳಿಗೂ ಹೋಗಬೇಡಿ. ಸದಾ ಒಳ್ಳೆಯ ಸಂಗೀತಗಳನ್ನು ಕೇಳುತ್ತಿರಿ. ಅದು ಕಿವಿಗಡಚುವಂತಹ ಶಬ್ದವನ್ನು ಮಾಡದಿರಲಿ.

ಆಹಾರದ ಬಗ್ಗೆ ವೈದ್ಯರ ಸಲಹೆ

ನಿಮಗೆ ಆಹಾರದ ಬಗ್ಗೆ ಸಲಹೆಗಳನ್ನು ಮಾಡಿದರೆ ಅದು ತಿನ್ನಬಹುದೇ ಬೇಡವೇ, ಆ ಆಹಾರಕ್ಕೆ ನಿಮ್ಮ ದೇಹ ಸ್ಪಂದಿಸುತ್ತದೆಯೇ ಇಲ್ಲವೇ ಎಂಬುದನ್ನು ನಿಮ್ಮ ವೈದ್ಯರಿಂದಲೇ ಕೇಳಿ ತಿಳಿದ ನಂತರವಷ್ಟೇ ಸೆವಿಸಿ.

ಕೆಲವು ನಿಮಿಷಗಳ ಕಾಲ ಧ್ಯಾನವನ್ನು ರೂಢಿಸಿಕೊಳ್ಳುವುದು ಒಳ್ಳೆಯದು. ಜೊತೆಗೆ ಪುರಾಣಗಳಂತಹ ಒಳ್ಳೆಯ ವಿಷಯಗಳನ್ನು ಒಳಗೊಂಡಿರುವ ಪುಸ್ತಕಗಳನ್ನು ಓದಿ.

ಧ್ಯಾನ

ಕೆಲವು ನಿಮಿಷಗಳ ಕಾಲ ಧ್ಯಾನವನ್ನು ರೂಢಿಸಿಕೊಳ್ಳುವುದು ಒಳ್ಳೆಯದು. ಜೊತೆಗೆ ಪುರಾಣಗಳಂತಹ ಒಳ್ಳೆಯ ವಿಷಯಗಳನ್ನು ಒಳಗೊಂಡಿರುವ ಪುಸ್ತಕಗಳನ್ನು ಓದಿ.

ನೀವು ಮಾತನಾಡುವಾಗ ನಿಮ್ಮ ಮಾತು ಹೆಚ್ಚು ಸೂಕ್ಷ್ಮವಾಗಿರಲಿ. ಕೂಗುವುದು, ಇಡೀ ದಿನ ಮಾತಾಡುವುದನ್ನು ಮಾಡಬೇಡಿ. ನೀವು ಏನೆ ಮಾಡಿದರೂ ಅದು ನಿಮ್ಮ ಗರ್ಭದಲ್ಲಿರುವ ಮಗುವಿನ ಮೇಲೆ ಪರಿಣಾಮ ಬೀರುತ್ತದೆ ಎನ್ನುವುದನ್ನು ನೆನಪಿನಲ್ಲಿಡಿ. ಸಿಟ್ಟು ಮಾಡಿಕೊಳ್ಳುವುದು, ಬೇಜಾರು ಇವುಗಳಿಗೆ ನಿಮ್ಮ ಹತ್ತಿರ ಸುಳಿಯಲೂ ಅವಕಾಶ ಕೊಡಬೇಡಿ.

ಚಿಕಿತ್ಸೆ

ವೈದ್ಯರ ಹತ್ತಿರ ಹೋದಾಗ ನಿಮ್ಮ ಪ್ರಸವಕ್ಕೆ ಸಂಬಂಧಿಸಿದಂತೆ ಏನೇ ಸಂಶಯಗಳಿದ್ದರೂ ಕೇಳಿ ಪರಿಹರಿಸಿಕೊಳ್ಳಿ. ಏಕೆಂದರೆ ಹಲವಾರು ಯೋಚನೆಗಳು ತಲೆಯಲ್ಲಿ ತುಂಬಿದ್ದರೆ ನೀವು ಅದರ ಬಗ್ಗೆಯೇ ಯೋಚಿಸುತ್ತಿದ್ದರೆ ಅದು ನಿಮ್ಮ ಕನಸಿನ ಕಂದಕ್ಕೆ ತೊಂದರೆ ಮಾಡಬಹುದು.

ಹುಟ್ಟುವ ಮಗುವಿನ ಬಗ್ಗೆ ಅಧಿಕ ನಿರೀಕ್ಷೆಗಳನ್ನು ಇಟ್ಟುಕೊಳ್ಳದಿರುವುದೇ ಉತ್ತಮ. ಹುಟ್ಟುವ ಮಗು ಹೆಣ್ಣು ಅಥವಾ ಗಂಡು ಎಂದು ಯೋಚಿಸದೇ ಆದು ಆರೋಗ್ಯವಾಗಿರಲಿ ಎಂದಷ್ಟೇ ಹಾರೈಸುವುದು ಒಳ್ಳೆಯದು. ಆರೋಗ್ಯದಲ್ಲಿ ಯಾವುದೇ ಏರುಪೇರಾದರೂ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ.

ಗರ್ಭಿಣಿಯ ಜೀವನ ಶೈಲಿ

ನೀವು ಮಾತನಾಡುವಾಗ ನಿಮ್ಮ ಮಾತು ಹೆಚ್ಚು ಸೂಕ್ಷ್ಮವಾಗಿರಲಿ. ಕೂಗುವುದು, ಇಡೀ ದಿನ ಮಾತಾಡುವುದನ್ನು ಮಾಡಬೇಡಿ.

ಸ್ನಾನವನ್ನು ಮಾಡುವಾಗ ಅತೀ ಬಿಸಿ ನೀರನ್ನು ಬಳಸಲೇ ಬೇಡಿ. ಕೇವಲ ಉಗುರು ಬೆಚ್ಚಗಿನ ನೀರಿನಲ್ಲಿಯೇ ಸ್ನಾನ ಮಾಡಬೇಕು. ಸ್ನಾನದ ನಂತರ ಸ್ವಲ್ಪ ಹಣ್ಣಿನ ರಸವನ್ನು ಸೇವಿಸಿ. ಕೆಫೆನ್ ಟೀ ಕಾಫಿಗಳಿಗಿಂತ ಹಾಲನ್ನು ಹೆಚ್ಚಾಗಿ ನಿಮ್ಮ ಆಹಾರ ಪದ್ಧತಿಯಲ್ಲಿ ಅಳವಡಿಸಿಕೊಳ್ಳಿ.

ಗರ್ಭಿಣಿಯಾದವಳು ಕೇವಲ ಮಗುವಿನ ಬಗ್ಗೆ ಕನಸು ಕಂಡರಷ್ಟೇ ಸಾಲದು. ಆ ಮಗು ಸರಿಯಾಗಿ ಪ್ರಪಂಚವನ್ನು ಅದಕ್ಕಿಂತ ಹೆಚ್ಚಾಗಿ ನಿಮ್ಮನ್ನು 'ಅಮ್ಮಾ' ಎಂದು ಕೂಗಲು ನಿಮ್ಮ ಆಹಾರ ಪದ್ಧತಿ ಹಾಗೂ ಬದುಕುವ ರೀತಿಗಳು ಸರಿಯಾಗಿರಬೇಕು ಎಂಬುದನ್ನು ಒಪ್ಪುತ್ತೀರಲ್ಲವೇ?