ಅವಧಿಪೂರ್ವ ಜನಿಸಿದ ನವಜಾತ ಶಿಶುವಿನ ಆರೈಕೆಯನ್ನು ಹೇಗೆ ಮಾಡಬೇಕು? ಈ ತಪ್ಪುಗಳನ್ನು ಮಾಡಲೇಬೇಡಿ..!

ನವಜಾತ ಶಿಶುಗಳ ಬಗ್ಗೆ ಹೆಚ್ಚಿನ ಕಾಳಜಿ ತೆಗೆದುಕೊಳ್ಳಬೇಕಾಗುತ್ತೆ,ಅದರಲ್ಲೂ ಅವಧಿಪೂರ್ವ ಮಗು ಜನಿಸಿದರಂತೂ ಎಕ್ಸ್ಟ್ರಾ ಕೇರ್‌ ಬೇಕೇ ಬೇಕಾಗುತ್ತದೆ. ಸಾಮಾನ್ಯವಾಗಿ ಅವಧಿಪೂರ್ವ ಜನಿಸಿದ ಮಕ್ಕಳು ಸಕಾಲಿಕ ಹೆರಿಗೆಯಾಗಿ ಜನಿಸಿದ ಮಕ್ಕಳಷ್ಟು ಬೆಳವಣಿಗೆಯನ್ನು ಹೊಂದಿರುವುದಿಲ್ಲ.

ರೋಗನಿರೋಧಕಶಕ್ತಿ ತುಂಬಾ ಕಡಿಮೆ ಇರುತ್ತದೆ, ಸೋಂಕಿನ ಭಯವಿರುತ್ತೆ, ದೀರ್ಘಕಾಲದ ಖಾಯಿಲೆ ಹಾಗೂ ಜೀರ್ಣಾಂಗ ವ್ಯವಸ್ಥೆಯು ಅಭಿವೃದ್ಧಿ ಹೊಂದಿರುವುದಿಲ್ಲ. ಹೀಗಾಗಿ ಅವಧಿಪೂರ್ವ ಜನಿಸಿದ ಮಗುವನ್ನು ಎನ್‌ಐಸಿಯುವಿನಲ್ಲಿ ಇಡುತ್ತಾರೆ. ಮಗುವಿನ ಆರೋಗ್ಯವನ್ನು ಆಧರಿಸಿ ಎಷ್ಟು ವಾರಗಳ ಕಾಲ ಮಗುವಿಗೆ ಸೂಕ್ಷ್ಮಕಾಳಜಿ ಅಗತ್ಯ ಎನ್ನುವುದನ್ನು ಪರಿಗಣಿಸಿ, ನಂತರವೇ ವೈದ್ಯರು ಮನೆಗೆ ಕಳುಹಿಸುತ್ತಾರೆ. ಮನೆಗೆ ಬಂದ ಮೇಲೆ ಕೂಡಾ ಅವಧಿಪೂರ್ವ ಜನಿಸಿದ ಮಗುವಿನ ಮೇಲೆ ಹೆಚ್ಚಿನ ನಿಗಾ ವಹಿಸಬೇಕು. ಅದರಲ್ಲೂ ಈ ಸಂಗತಿಗಳನ್ನು ತಪ್ಪದೇ ಪಾಲಿಸಿ.