ಮಗುವಿನ ಹೊಟ್ಟೆ ನೋವಿನ ಶಮನಕ್ಕೆ ಮನೆ ಮದ್ದು

ಹಾಗಾಲಕಾಯಿ ಎಲೆಯ ರಸ

ವಾರಕ್ಕೊಮ್ಮೆ ಅರ್ಧ ಚಮಚ ಹಾಗಾಲಕಾಯಿಯ ಎಳೆ ಎಲೆಯನ್ನು ಕಿತ್ತು ರಸ ಹಿಂಡಿ ಮಗುವಿಗೆ ಕೊಡುವುದು ಒಳ್ಳೆಯದು. ಈ ರೀತಿ ಮಾಡಿದರೆ ಮಗುವಿನ ಹೊಟ್ಟೆ ಶುದ್ಧವಾಗಿರುವುದು, ಹೊಟ್ಟೆ ನೋವು ಕಾಣಿಸಿಕೊಳ್ಳುವ ಸಾಧ್ಯತೆ ಕಡಿಮೆ. ಅಜೀರ್ಣ ಸಮಸ್ಯೆಯೂ ಉಂಟಾಗುವುದಿಲ್ಲ.

ಇಂಗು

ಚಿಟಿಕೆಯಷ್ಟು ಇಂಗನ್ನು ಒಂದು ಚಮಚ ಬಿಸಿ ನೀರಿನಲ್ಲಿ ಕಲೆಸಿ ಮಗುವಿಗೆ ಕೊಟ್ಟರೆ ಹೊಟ್ಟೆ ನೋವು ತಕ್ಷಣ ನಿಂತು ಹೋಗುವುದು.

ಸೋಂಪು

ಸ್ವಲ್ಪ ಸೋಂಪನ್ನು ಹುರಿದು ನುಣ್ಣನೆ ಪುಡಿ ಮಾಡಿ, ನೀರಿನಲ್ಲಿ ಕಲೆಸಿ ಕೊಟ್ಟರೆ ಹೊಟ್ಟೆ ನೋವು ಕಡಿಮೆಯಾಗುವುದು.

ತುಳಸಿ

ಅರ್ಧ ಚಮಚ ತುಳಸಿ ರಸ ಕುಡಿಸಿದರೆ ಹೊಟ್ಟೆ ನೋವು ಕಡಿಮೆಯಾಗುವುದು. ಈ ರಸವನ್ನು ವಾರದಲ್ಲಿ ಒಮ್ಮೆಯಾದರೂ ಕುಡಿಸಿದರೆ ಮಗುವಿಗೆ ಗಂಟಲು ಕೆರತ, ಶೀತ ಈ ರೀತಿಯ ಸಮಸ್ಯೆಗಳು ಕಂಡು ಬರುವ ಸಾಧ್ಯತೆ ಕಡಿಮೆ.

ಏಲಕ್ಕಿ

2-3 ಮಣಿ ಏಲಕ್ಕಿ ತೆಗೆದು ಪುಡಿ ಮಾಡಿ, ಬಿಸಿ ನೀರಿನಲ್ಲಿ ಕಲೆಸಿ ಹೊಟ್ಟೆ ನೋವು ಕಡಿಮೆಯಾಗುವುದು.

ಪುದೀನಾ

ಹಸುಳೆಗೆ ಅರ್ಧ ಚಮಚ ಪುದೀನಾ ರಸ ಕೊಟ್ಟರೆ ಹೊಟ್ಟೆ ನೋವು ತಕ್ಷಣ ಕಡಿಮೆಯಾಗುವುದು.

ಎದೆಹಾಲು

ಮಗುವಿಗೆ ಹೊಟ್ಟೆ ನೋವು ಕಾಣಿಸಿದೆಯೆಂದು ಎದೆ ಹಾಲು ಕೊಡದೆ ಇರಬೇಡಿ. ಮಗುವಿಗೆ ಆಗಾಗ ಸ್ವಲ್ಪ-ಸ್ವಲ್ಪ ಎದೆ ಹಾಲು ಕುಡಿಸಿ, ಹೀಗೆ ಮಾಡಿದರೆ ಮಗುವಿನ ನೋವು ತನ್ನಷ್ಟಕ್ಕೇ ಕಡಿಮೆಯಾಗುವುದು.

ಹರಿಯುವ ನೀರು

ಮಗುವಿಗೆ ಹೊಟ್ಟೆ ನೋವು ಕಾಣಿಸಿದಾಗ ಅದರ ಹೊಟ್ಟೆಗೆ ಮೆಲ್ಲನೆ ನೀರು ಹಾಕಿ, ತುಂಬಾ ಬಲವಾಗಿ ಹಾಕಬೇಡಿ, ನಿಧಾನಕ್ಕೆ ನೀರು ಬಿಡಿ. ಈ ರೀತಿ ಮಾಡಿದರೆ ಹೊಟ್ಟೆ ನೋವು ಕಡಿಮೆಯಾಗುವುದು.

ನಿದ್ದೆ

ಮಗುವಿಗೆ ಹೊಟ್ಟೆ ನೋವು ಕಾಣಿಸಿದರೆ ಮನೆ ಮದ್ದು ಕೊಟ್ಟು ನಿದ್ದೆ ಮಾಡಿಸಿ, ನಿದ್ದೆ ಮಾಡಿ ಎದ್ದಾಗ ಹೊಟ್ಟೆ ನೋವು ಇರುವುದಿಲ್ಲ.