ಮಗು ಮಾತನಾಡುತ್ತೆ ಎಂದು ಭರವಸೆ ತರುವ ಲಕ್ಷಣಗಳು

Baby

oi-Reena

By Hema S

Published: Wednesday, March 28, 2012, 16:42 [IST]

ಮಕ್ಕಳ ತೊದಲು ನುಡಿ ಕೇಳುವುದೆ ಚೆಂದ. ಅವರದೆ ತೊದಲು ನುಡಿಯಲ್ಲಿ ತಪ್ಪು-ತಪ್ಪಾಗಿ ಉಚ್ಚಾರಣೆ ಮಾಡುತ್ತಿದ್ದರೆ ದೊಡ್ಡವರು ತಮ್ಮ ವಯಸ್ಸು ಮರೆತು ಮಗುವಿನ ಜೊತೆ ತೊದಲು ಉಚ್ಚಾರಣೆಯಲ್ಲಿಯೆ ಮಾತನಾಡುತ್ತಾರೆ.

ಮಕ್ಕಳು ಒಂದು ವರ್ಷ ದಾಟಿದ ನಂತರ ಮೆಲ್ಲನೆ ಅಮ್ಮ, ಅಪ್ಪ ಅಂತ ಕರೆಯಲಾರಂಭಿಸುತ್ತಾರೆ. ಆದರೆ ಕೆಲವೊಂದು ಮಕ್ಕಳು ನಿಧಾನಕ್ಕೆ ಮಾತನಾಡಲು ಪ್ರಾರಂಭಿಸುತ್ತಾರೆ. ಮಗು ಮಾತನಾಡದಿದ್ದಾಗ ಈ ವಯಸ್ಸಿನ ಇತರ ಮಕ್ಕಳು ಮಾತನಾಡುತ್ತಿದ್ದಾರೆ, ಆದರೆ ನಮ್ಮ ಮಗು ಮಾತ್ರ ಮಾತನಾಡುತ್ತಿಲ್ಲ ಎಂದು ಭಯ ಪಡುತ್ತಾರೆ.

ಆದರೆ ಮಗುವಿನಲ್ಲಿ ಈ ಕೆಳಗಿನ ಲಕ್ಷಣಗಳಿದ್ದರೆ ಮಗು ಮುಂದಕ್ಕೆ ಮಾತನಾಡಬಹುದು ಎನ್ನುವ ಧೈರ್ಯ ಮತ್ತು ಭರವಸೆಯನ್ನು ಹೊಂದಬಹುದು.

2 ವರ್ಷದ ನಂತರ

* ಮಗು ಅಮ್ಮ, ಅಪ್ಪ ಎಂದು ಒಂದೊಂದು ಶಬ್ದವನ್ನು ಹೇಳಿದರೆ ಅಂತಹ ಮಕ್ಕಳು ಮುಂದೆ ಮಾತನಾಡುತ್ತವೆ.

* ಮಗು ಏನಾದರೂ ಮಾತನಾಡಿದರೆ ಅದು ಅಷ್ಟು ಸ್ಪಷ್ಟವಾಗಿ ಇಲ್ಲದಿದ್ದರೂ ಪೋಷಕರಿಗೆ ಅರ್ಥವಾಗುತ್ತಿದ್ದರೆ ಅಂತಹ ಮಗುವಿಗೆ ಮಾತಿನ ದೋಷವಿಲ್ಲವೆಂದು ಧೈರ್ಯ ತಾಳಬಹುದು.

* ಸಂಪೂರ್ಣ ವಾಕ್ಯವಾಗಿ ಹೇಳದೆ ಒಂದು ಅಥವಾ ಎರಡು ಶಬ್ದದಲ್ಲಿ ನಾನು, ನೀನು, ಬೇಡ ಅಷ್ಟೆ ಹೇಳುತ್ತಿದ್ದರೆ ಅಂತಹ ಮಗು ಮುಂದೆ ಸರಾಗವಾಗಿ ಮಾತನಾಡುತ್ತದೆ.

ಈ ರೀತಿಯ ಲಕ್ಷಣಗಳು ಕಾಣಿಸದಿದ್ದರೆ ವೈದ್ಯರನ್ನು ಕಾಣುವುದು ಒಳ್ಳೆಯದು.