ಮಗುವಿಗೆ ಮಧುಮೇಹ ಬಂದರೆ ಕಂಡುಹಿಡಿಯುವುದು ಹೇಗೆ?

ಇದನ್ನು ಸುಲಭದಲ್ಲಿ ಪತ್ತೆ ಹಚ್ಚುವ ಲಕ್ಷಣಗಳ ಬಗ್ಗೆ ಅರಿವು ಇಲ್ಲದಿದ್ದರೆ ಮಗುವಿನ ಪ್ರಾಣಕ್ಕೆ ಅಪಾಯ ತರಬಹುದು. ಮಕ್ಕಳಲ್ಲಿ ಮಧುಮೇಹ ಇದೆಯೆ ಎಂಬುದನ್ನು ಈ ಕೆಳಗಿನ ಲಕ್ಷಣಗಳಿಂದ ಕಂಡುಹಿಡಿಯಬಹುದಾಗಿದೆ,

1. ಬಾಯಾರಿಕೆ: ಮಗುವಿಗೆ ಬಾಯಾರಿಕೆಯಾದಾಗ ಅದಕ್ಕೆ ಹೇಳಲು ಬರುವುದಿಲ್ಲ, ಆದರೆ ಅದು ಎಷ್ಟು ಬಾಟಲು ಹಾಲು ಕುಡಿಯುತ್ತಿದೆ ಎಂಬುದನ್ನು ಗಮನಿಸಿ ವೈದ್ಯರ ಹತ್ತಿರ ನಿಮ್ಮ ಮಗುವಿನ ವಯಸ್ಸಿನ ಮಗು ಎಷ್ಟು ಕುಡಿಯಬಹುದು ಎಂದು ಕೇಳಿ ತಿಳಿದುಕೊಳ್ಳಬೇಕು, ಆದರೆ ಅವರು ಹೇಳಿದರಲ್ಲಿ ಸ್ವಲ್ಪ ವ್ಯತ್ಯಾಸವಿದ್ದರೆ ಏನೂ ಆಗುವುದಿಲ್ಲ, ತುಂಬಾ ಇದ್ದರೆ ಮುಂದಿನ ಲಕ್ಷಣಗಳನ್ನು ಗಮನಿಸಬೇಕು.

2.ಆಗಾಗ ಮೂತ್ರ ವಿಸರ್ಜನೆ: ಮಗು ಆಗಾಗ ಮೂತ್ರ ವಿಸರ್ಜಮೆಯನ್ನು ಮಾಡುತ್ತಿದ್ದರೆ ಅದನ್ನು ಗಮನದಲ್ಲಿ ಇಡಬೇಕು.

3. ತೂಕ ಕಡಿಮೆಯಾಗುವುದು: ಮಗು ಇದ್ದಕ್ಕಿದ್ದಹಾಗೆ ತೂಕ ಕಡಿಮೆಯಾಗ ತೊಡಗಿದರೆ ಅದನ್ನು ಗಮನಿಸಬೇಕು. ಮಕ್ಕಳು ಸಾಮಾನ್ಯವಾಗಿ ನಡೆಯುವ ಸಮಯದಲ್ಲಿ ತೂಕ ಕಡಿಮೆಯಾಗುತ್ತದೆ. ಆದರೆ ಮಕ್ಕಳು ಯಾವುದೆ ಚಟುವಟಿಕೆಯಿಲ್ಲದೆ ಮಂಕಾಗಿದ್ದರೆ ಅದು ಸಕ್ಕರೆ ಕಾಯಿಲೆಯ ಲಕ್ಷಣವಾಗಿರಬಹುದು.

4. ಸುಸ್ತು: ಮಗು ಹೆಚ್ಚು ನಿದ್ರೆ ಮಾಡುತ್ತಿದ್ದರೆ ಯಾವುದೆ ಚಟುವಟಿಕೆಯನ್ನು ತೋರದೆ ಮಂಕಾಗಿದ್ದರೆ ಅದು ಸಕ್ಕರೆ ಕಾಯಿಲೆ ಆಗಿರಬಹುದು.

5. ಗುಣವಾಗದ ಗಾಯ: ಮಗುವಿಗೆ ಒಂದು ವೇಳೆ ಗಾಯವಾಗಿ ಗುಣವಾಗದಿದ್ದರೆ ಅದು ಮಧುಮೇಹವಾಗಿರಬಹುದು.

ಮಕ್ಕಳಲ್ಲಿ ಈ ರೀತಿಯ ಲಕ್ಷಣ ಕಂಡುಬಂದರೆ ವೈದ್ಯರನ್ನು ಸಂಪರ್ಕಿಸಿ ಪರೀಕ್ಷೆಗೆ ಒಳಪಡಿಸಬೇಕು. ಆಗ ಮಧುಮೇಹ ಎಂದು ತಿಳಿದುಬಂದರೆ ವೈದ್ಯರ ಸಲಹೆಯನ್ನು ಚಾಚು ತಪ್ಪದೆ ಪಾಲಿಸಬೇಕಾಗುವುದು.