ಮಗುವಿನ ಬಟ್ಟೆಗೆ ಸ್ಪೆಷಲ್ ಕೇರ್ ಏಕೆ ಬೇಕು?

Baby

oi-Sumalatha

By Sumalatha

Published: Saturday, October 8, 2011, 16:03 [IST]

ಮಗುವಿನ ತ್ವಚೆ ತುಂಬಾ ಸೂಕ್ಷ್ಮ. ಮಗುವಿನ ಚರ್ಮಕ್ಕೆ ಯಾವುದೇ ಹಾನಿಯಾಗಬಾರದೆಂದರೆ ಅವುಗಳಿಗೆ ಹಾಕುವ ಬಟ್ಟೆ ಬಗ್ಗೆಯೂ ಕಾಳಜಿ ವಹಿಸಬೇಕು. ಬಟ್ಟೆ ಸುಂದರವಾಗಿ ಕಂಡರೆ ಸಾಲದು, ಶುದ್ಧವಾಗಿರುವುದೂ ಅಷ್ಟೇ ಮುಖ್ಯ. ಆದ್ದರಿಂದ ಮಕ್ಕಳ ಬಟ್ಟೆಯನ್ನು ಹೇಗೆ ಶುದ್ಧವಾಗಿಡಬೇಕು ಎಂದು ಇಲ್ಲಿ ತಿಳಿಯಿರಿ.

ಮಗುವಿನ ಬಟ್ಟೆಯನ್ನು ಶುದ್ಧವಾಗಿಟ್ಟುಕೊಳ್ಳುವ ಬಗೆಯನ್ನು ಇಲ್ಲಿ ತಿಳಿಯಿರಿ.

1. ಮಕ್ಕಳಿಗೆ ಹೊಸ ಬಟ್ಟೆ ತಂದರೆ ಅದನ್ನು ನೇರವಾಗಿ ತೊಡಿಸುವುದಕ್ಕಿಂತ ಒಮ್ಮೆ ನೀರಿಗೆ ಹಾಕಿ ತೊಡಿಸಿ. ಇದು ಕೆಮಿಕಲ್ ಮತ್ತು ಬಟ್ಟೆಯ ಧೂಳು ಮಗುವಿನ ಚರ್ಮಕ್ಕೆ ಅಂಟಿಕೊಂಡು ಅಲರ್ಜಿ ಉಂಟು ಮಾಡುವುದನ್ನು ತಡೆಯುತ್ತದೆ.

2. ಒಗೆಯುವ ಮುನ್ನ ಬೆಚ್ಚಗಿನ ನೀರಿನಲ್ಲಿ ಮಕ್ಕಳ ಬಟ್ಟೆಯನ್ನು ನೆನೆಸಿಡಬೇಕು. ಇದು ಕೀಟಾಣುಗಳನ್ನು ಹೋಗಲಾಡಿಸುವ ಸುಲಭ ವಿಧಾನ.

3. ಮಗುವಿನ ತ್ವಚೆ ತುಂಬಾ ಮೃದು ಮತ್ತು ಸೂಕ್ಷ್ಮವಾಗಿರುವುದರಿಂದ ಬಟ್ಟೆ ಒಗೆಯುವುದಕ್ಕೆ ಗಾಢವಲ್ಲದ ಸೋಪನ್ನೇ ಬಳಕೆ ಮಾಡಿ.

4. ಮಕ್ಕಳ ಬಟ್ಟೆಯನ್ನು ಪ್ರತ್ಯೇಕವಾಗಿ ನೆನೆಸಿ ಪ್ರತ್ಯೇಕವಾಗಿ ಒಗೆಯಿರಿ. ಕೊಳೆ ಬಟ್ಟೆ ಮತ್ತು ಮೃದು ಬಟ್ಟೆಗಳನ್ನು ಪ್ರತ್ಯೇಕವಾಗಿ ಒಗೆಯಿರಿ.

5. ಮಗುವಿನ ಬಟ್ಟೆ ತುಂಬಾ ಕೊಳೆಯಾಗಿದ್ದರೆ ಕಾರ್ನ್ ಸ್ಟಾರ್ಚ್ ಅಥವಾ ವಿನೆಗರ್ ಬಳಕೆ ಮಾಡಬಹುದು.

6. ಬಟ್ಟೆ ಮಗುವಿಗೆ ಯಾವುದೇ ಸಮಸ್ಯೆ ಉಂಟುಮಾಡಬಾರದೆಂದರೆ ತೊಡಿಸುವ ಬಟ್ಟೆಯನ್ನು ಐರನ್ ಮಾಡಿಟ್ಟುಕೊಳ್ಳಿ. ಇದು ಬಟ್ಟೆ ಒಗೆದ ನಂತರವೂ ಉಳಿದುಕೊಳ್ಳುವ ಬ್ಯಾಕ್ಟೀರಿಯಾವನ್ನು ಸಂಪೂರ್ಣವಾಗಿ ತೊಲಗಿಸುತ್ತದೆ.