ಮಗುವಿಗೆ ಹಾಲುಣಿಸಲೇಬೇಕಾದ ಐದು ಕಾರಣ ಇಲ್ಲಿದೆ

Baby

oi-Staff

By Super

Published: Wednesday, January 18, 2012, 13:35 [IST]

ಮಗು ನಡೆದಾಡಲು ಆರಂಭಿಸಿದಂತೆ ತಾಯಂದಿರು ಎದೆಹಾಲುಣಿಸುವುದನ್ನು ನಿಲ್ಲಿಸುತ್ತಾರೆ. ಮುಂದೆ ಮಕ್ಕಳು ಬೇರೆ ಆಹಾರಕ್ಕೆ ಹೊಂದಿಕೊಳ್ಳಲು ತೊಂದರೆಯಾಗದಿರಲೆಂದು ಈ ರೀತಿ ಮಾಡುವ ತಾಯಂದಿರು ಕೆಳಗಿನ ಐದು ಅಂಶಗಳನ್ನು ಗಮನದಲ್ಲಿಟ್ಟುಕೊಂಡರೆ ಮಕ್ಕಳ ಆಹಾರ ಕ್ರಮ ಮತ್ತು ಆರೋಗ್ಯದ ಬಗ್ಗೆ ಚಿಂತಿಸುವ ಅಗತ್ಯವಿರುವುದಿಲ್ಲ.

ಮಗುವಿಗೆ ಸ್ತನ್ಯಪಾನ ಮಾಡಿಸಬೇಕಾದ ಐದು ಕಾರಣಗಳು:

1. ಆರೋಗ್ಯದ ಬಗ್ಗೆ ಚಿಂತಿಸಬೇಕಿಲ್ಲ: ಸ್ತನ್ಯಪಾನ ಮಾಡಿಸುವ ಮಹಿಳೆಯರು ಮಗುವಿನ ಆಹಾರದ ಬಗ್ಗೆ ಚಿಂತಿಸುವ ಅಗತ್ಯವಿಲ್ಲ. ಎದೆಹಾಲನ್ನು ಬಿಡಿಸಿದರೆ ಅದಕ್ಕೆ ಪೂರಕವಾಗಿ ಇನ್ನಿತರ ಆಹಾರವನ್ನು ಮಗುವಿಗೆ ನೀಡುವ ಗೋಜಲೂ ತಪ್ಪುತ್ತದೆ ಮತ್ತು ಮಗು ಆರೋಗ್ಯವಂತವಾಗಿರಲೂ ಸಹಾಯ ಮಾಡುತ್ತದೆ. ಮಗು ಮಧ್ಯರಾತ್ರಿ ಎದ್ದರೂ ಆಹಾರಕ್ಕೆ ಪರದಾಡುವುದು ತಪ್ಪುತ್ತದೆ.

2. ಹಸಿವು ನೀಗಿಸುತ್ತದೆ: ಮಗುವಿನ ಹಸಿವನ್ನು ನೀಗಿಸುವ ಸುಲಭ ವಿಧಾನವೆಂದರೆ ಎದೆ ಹಾಲು ನೀಡುವುದು. ಬೇರೆ ಆಹಾರಕ್ಕೆ ಹೋಲಿಸಿದರೆ ಎದೆಹಾಲಿನಿಂದ ಮಗುವಿನ ಹಸಿವು ಬೇಗ ನೀಗುತ್ತದೆ. ಇದರೊಂದಿಗೆ ಅವಶ್ಯಕ ಪೋಷಕಾಂಶವೂ ದೊರೆಯುತ್ತದೆ. ಹಸಿವಿನಿಂದ ಮಗು ಅತ್ತು ಕಂಗಾಲಾಗುವುದೂ ತಪ್ಪುತ್ತದೆ. ಎದೆಹಾಲನ್ನು ನೀಡುವುದರಿಂದ ಮಗುವು ಅನಾಯಾಸವಾಗಿ ನಿದ್ದೆ ಮಾಡಲು ಅವಶ್ಯವಿರುವ ಪೋಷಕಾಂಶವನ್ನೂ ನೀಡುತ್ತದೆ.

3. ಪೋಷಕ ಆಹಾರ: ಮಗುವಿಗೆ ಎದೆ ಹಾಲಿನ ಹೊರತಾಗಿ ಬೇರೆ ಪೋಷಕ ಆಹಾರ ನೀಡಬೇಕೆಂದರೆ ಸಾಕಷ್ಟು ಒದ್ದಾಡಬೇಕು. ಅದು ಸರಿಯಾಗಿ ತಿನ್ನದಿದ್ದರೆ ಅದರೆಡೆಗೂ ಹೆಚ್ಚು ತಲೆಕೆಡಿಸಿಕೊಳ್ಳಬೇಕು. ಆದರೆ ಮಗು ಒಂದು ಹಂತ ತಲುಪುವವರೆಗೆ ಎದೆಹಾಲು ನೀಡುವುದರಿಂದ ಈ ರೀತಿಯ ಒದ್ದಾಟ, ಗೋಜಲುಗಳು ಕಡಿಮೆಯಿರುತ್ತವೆ. ಮಗು ತಿನ್ನುವಂತೆ ಮಾಡಲು ಪರದಾಡುವುದೂ ಕಡಿಮೆಯಿರುತ್ತದೆ.

4. ತಾಯಿಗೂ ಅತ್ಯಗತ್ಯ: ತಾಯಂದಿರು ತಮ್ಮ ದೇಹದ ಬಗ್ಗೆ ನಿಜವಾಗಿಯೂ ಕಾಳಜಿ ಹೊಂದಿದ್ದರೆ, ಬೊಜ್ಜನ್ನು ಕರಗಿಸುವತ್ತ ಚಿಂತಿಸುತ್ತಿದ್ದರೆ, ಎದೆಹಾಲನ್ನು ಮಗುವಿಗೆ ನೀಡಲೇಬೇಕಾಗುತ್ತದೆ. ದೇಹದಲ್ಲಿ ಸೇರಿಕೊಂಡ ಹೆಚ್ಚು ಪೌಂಡ್ಸ್ ಗಳನ್ನು ಕರಗಿಸುವ ಸುಲಭ ವಿಧಾನವೆಂದರೆ, ಎದೆಹಾಲು ನೀಡುವುದು. ಎದೆಹಾಲು ನೀಡುವ ಮಹಿಳೆ ಸುಮಾರು 500 ಕ್ಯಾಲೊರಿ ಬೊಜ್ಜನ್ನು ಕಳೆದುಕೊಳ್ಳುವರು ಎನ್ನಲಾಗಿದೆ. ಅದೂ ಅಲ್ಲದೆ ಹೊಟ್ಟೆ ಸುತ್ತ ಸೇರಿಕೊಳ್ಳುವ ಬೊಜ್ಜೂ ಕೂಡ ಇದರಿಂದ ಕರಗುತ್ತದೆ ಎನ್ನಲಾಗಿದೆ.

5. ಮಗುವಿನ ಸ್ವಾಸ್ಥ್ಯ ಇಲ್ಲಿ ಅಡಗಿದೆ: ನಿಮ್ಮ ಮಗು ಆರೋಗ್ಯವಂತವಾಗಿರಬೇಕೆಂದು ನೀವು ಬಯಸುತ್ತೀರ ಎಂದಾದರೆ ಮಗುವಿಗೆ ಸ್ತನ್ಯಪಾನ ಮಾಡಿಸಲೇಬೇಕಾಗುತ್ತದೆ. ಇದು ಮಗುವಿಗೆ ತುಂಬಾ ಅವಶ್ಯಕ. ಎದೆಹಾಲನ್ನು ಮಗುವಿಗೆ ನೀಡುವುದರಿಂದ ಬ್ಯಾಕ್ಟೀರಿಯಾದಿಂದ ಮಗುವನ್ನು ದೂರವಿರಿಸಬಹುದು. ಎದೆಹಾಲು ಮಗುವಿನಲ್ಲಿ ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ಮುಂದೆ ಮಗು ಮಾತುಗಳನ್ನು ಸ್ಪಷ್ಟವಾಗಿ ಆಡಲು ಸಹಾಯ ಮಾಡುತ್ತದೆ.