ಬೆರಳು ಚೀಪುವುದು ಒಳ್ಳೆಯದೆ ಕಣ್ರೀ

ಬೆರಳು ಚೀಪುವ ಅಭ್ಯಾಸ ಮಗುವನ್ನು ಹಠಮಾರಿಯನ್ನಾಗಿಸುತ್ತದೆ , ಹಲ್ಲುಗಳು ಓರೆಕೋರೆಯಾಗಿ ಬೆಳೆಯುತ್ತವೆ, ಬೆರಳುಗಳಿಗೆ ಸೋಂಕು ಆಗುತ್ತದೆ ಎಂಬುದಕ್ಕೆಲ್ಲ ಹುರುಳಿಲ್ಲ. ಆದ್ದರಿಂದ ಮಗುವಿನ ಬೆರಳು ಚೀಪುವ ಅಭ್ಯಾಸಕ್ಕೆ ತಡೆ ಹಾಕಬೇಡಿ.

ನಿಮಗೊಂದು ಗೊತ್ತೆ? ಮಗು ಗರ್ಭದಲ್ಲಿರುವಾಗಲೇ ಬೆರಳು ಚೀಪುವ ಅಭ್ಯಾಸವಿರುತ್ತದೆ. ಮಗು ಹಸಿವು ಆದಾಗ ತಿನ್ನುವ ಅಭ್ಯಾಸವನ್ನು ಬೆರಳು ಚೀಪುವ ಅಭ್ಯಾಸದಿಂದ ಕಲೆಯುತ್ತದೆ ಅಂತೆ.

ಬೆರಳು ಚೀಪುವುದರಿಂದ ಮಗುವಿಗೆ ಹೆಚ್ಚಿನ ಸಂತೋಷ ಸಿಗುತ್ತದೆ ಹಾಗೂ ಹೆಚ್ಚಿನ ಗಲಾಟೆ ಮಾಡದೆ ನಿದ್ರೆಗೆ ಜಾರುತ್ತದೆ. ಇದು ತಾಯಿಗೆ ಹೆಚ್ಚಿ ಸಹಕಾರಿಯಾಗುತ್ತದೆ.

ಮಗುವಿನ ಗಮನ ಬೆರಳು ಚೀಪುವುದರ ಮೇಲೆ ಇದ್ದರೆ ಹೆಚ್ಚಾಗಿ ಅಳುವುದಿಲ್ಲ. ಅದು ಮಗುವಿನ ಬೆಳವಣಿಗೆಗೆ ಸಹಕಾರಿಯಾಗಿದೆ.
ಬೆರಳು ಚೀಪುವ ಮಗು ತಾಯಿ ಹಾಲನ್ನು ಸಹ ಸರಿಯಾಗಿ ಕುಡಿಯುತ್ತದೆ. ಇದರಿಂದ ಮಗುವಿಗೆ ಹೆಚ್ಚಿನ ಪೌಷ್ಠಿಕ ಅಂಶ ದೊರೆಯುತ್ತದೆ.

ಮಗುವಿಗೆ ಬೆರಳು ಚೀಪುವ ಅಭ್ಯಾಸ ನಿಲ್ಲಿಸಿದರೆ ಅದು ಕೈಗೆ ಎಟುಕುವುದೆನೆಲ್ಲಾ ಬಾಯಿಗೆ ಹಾಕುತ್ತದೆ. ಆದ್ದರಿಂದ ಮಗುವಿನ ಆರೋಗ್ಯ ಕೆಡುತ್ತದೆ.

ಬೆರಳು ಚೀಪುವುದು ಮಗುವಿನ ಬೆಳವಣಿಗೆಯ ದೃಷ್ಟಿಯಿಂದ ಒಳ್ಳೆಯದು ಆಗಿದ್ದು, ಅದು ಸ್ವಲ್ಪ ದೊಡ್ಡದು ಆದ ಮೇಲೆ ತನ್ನಿಷ್ಟಕ್ಕೆ ಬಿಡುವುದು, ಇಲ್ಲದಿದ್ದರೆ ಬಿಡಿಸಿ.

ಮನುಷ್ಯ ಮಗುವಾಗಿದ್ದಾಗ ಹೆಚ್ಚು ತೃಪ್ತಿ ಪಡೆಯದಿದ್ದಾರೆ ಆ ತೃಪ್ತಿ ಪಡೆಯಲು ದೊಡ್ಡದು ಆದ ಮೇಲೆ ಪ್ರಯತ್ನಿಸುವುದು ಎಂದು ವೈಜ್ಞಾನಿಕವಾಗಿ ಹೇಳಲಾಗಿದೆ.

ದೊಡ್ಡದಾದ ಮೇಲೆ ಬೆರಳು ಚೀಪಿ ಅಸಹ್ಯ ಅನಿಸಿಕೊಳ್ಳುವುದಕ್ಕಿಂತ ಮಗುವಾಗಿದ್ದಾಗಲೇ ಚೀಪುವುದರಿಂದ ಮಗುವಿಗೂ ಹಾಗೂ ನಿಮಗೂ ಒಳ್ಳೆಯದು.