ತಿಂಗಳಿಗೆ 6 ಲಕ್ಷದ 16 ಸಾವಿರ ಜೀವನಾಂಶ ಕೇಳಿದ ಮಹಿಳೆ: ಜಡ್ಜ್‌ನ ಖಡಕ್ ವಾರ್ನಿಂಗ್ ವೀಡಿಯೋ ವೈರಲ್

ಮಹಿಳೆಯರ ರಕ್ಷಣೆಗೆ ಇರುವ ಅನೇಕ ಕಾನೂನುಗಳನ್ನು ಕೆಲ ಮಹಿಳೆಯರು ದುರ್ಬಳಿಕೆ ಮಾಡುತ್ತಿದ್ದಾರೆ ಅದು ವರದಕ್ಷಿಣೆಯಾಗಿರಲಿ, ಜೀವನಾಂಶವಾಗಿರಲಿ, ಕೆಲವರು ವರದಕ್ಷಿಣೆ ಕಿರುಕುಳ ಎಂದು ಸುಳ್ಳು ಕೇಸ್‌ ಹಾಕುತ್ತಾರೆ, ಇಲ್ಲಿ ಕೂಡ ಅಷ್ಟೇ ಹೈಕೋರ್ಟ್‌ ಜಡ್ಜ್‌ ತಿಂಗಳಿಗೆ 6 ಲಕ್ಷ 16 ಸಾವಿರ ಜೀವನಾಂಶ ಕೇಳಿದ ಮಹಿಳೆಗೆ ಸರಿಯಾಗಿ ಛೀಮಾರಿ ಹಾಕಿದ್ದಾರೆ.

ಬಾಯಿಗೆ ಬಂದಂತೆ ಜೀವನಾಂಶ ಕೇಳಿದ ಮಹಿಳೆ
ತಿಂಗಳಿಗೆ ಆಕೆಯ ಖರ್ಚಿಗೆ ಇಂತಿಷ್ಟು ಹಣ ಬೇಕು ಎಂದು ಆಕೆಯ ವಕೀಲರು ಲೆಕ್ಕ ನೀಡುವುದನ್ನು ನೋಡುವಾಗ ಹೀಗೂ ಉಂಟಾ ಎಂದು ಅಚ್ಚರಿ ಉಂಟಾಗುವುದು. ಆಕೆ ಧರಿಸುವ ಒಂದು ಟೀಶರ್ಟ್ ಬೆಲೆ 10 ಸಾವಿರ, ಆಕೆಗೆ ಚಪ್ಪಲಿ, ಬಳೆ ಮುಂತಾದ ವಸ್ತುಗಳನ್ನು ಖರೀದಿಸಲು ತಿಂಗಳಿಗೆ 15 ಸಾವಿರ, ಮತ್ತೆ ಫಿಸಿಯೋ ಥೆರಪಿ ಮುಂತಾದ ಚಿಕಿತ್ಸೆಗೆ 3-4 ಲಕ್ಷ ರುಪಾಯಿ ಹೀಗೆ ಸುಮ್‌-ಸುಮ್ಮನೆ ಲಕ್ಷಗಟ್ಟಲೆ ಜೀವನಾಂಶ ಕೇಳಿದ ಮಹಿಳೆಗೆ ಜಡ್ಜ್‌ ಸರಿಯಾಗಿಯೇ ಬುದ್ಧಿ ಕಲಿಸಿದ್ದಾರೆ, ಆಕೆಯ ಪರ ವಾದಿಸಿದ ವಕೀಲರಿಗೆ ನೀವು ಸರಿಯಾದ ಲೆಕ್ಕವನ್ನು ಕೋರ್ಟ್ ಮುಂದೆ ಹೇಳಬೇಕು, ಒಬ್ಬ ಮಹಿಳೆಗೆ ಬರೀ ಅವಳ ಖರ್ಚಿಗೆ ಗಂಡನಿಂದ ತಿಂಗಳಿಗೆ ಲಕ್ಷಗಟ್ಟಲೆ ಹಣವನ್ನು ಜೀವನಾಂಶ ಕೇಳಿದರೆ ಕೊಡಲು ಸಾಧ್ಯವಿಲ್ಲ, ಅಷ್ಟೊಂದು ದುಡ್ಡು ಬೇಕೆಂದರೆ ಅವಳು ದುಡಿದು ಖರ್ಚು ಮಾಡಲಿ ಅದು ಬಿಟ್ಟು ಗಂಡನ ಹಣದಿಂದ ಅಲ್ಲ ಎಂದು ಹೇಳಿದ್ದಾರೆ.

ಹೈಕೋರ್ಟ್‌ನಲ್ಲಿ ನಡೆದ ಈ ವಿಚ್ಛೇದನ ಪ್ರಕರಣದ ವೀಡಿಯೋ ವೈರಲ್ ಆಗುತ್ತಿದೆ. ಆ ವೀಡಿಯೋ ನೋಡಿದಾಗ ಜೀವನಾಂಶ ಕೇಳುತ್ತಿರುವ ಮಹಿಳೆ ಕಾನೂನುನಲ್ಲಿ ಮಹಿಳೆಯರ ರಕ್ಷಣೆಗೆ ಇರುವ ಅಂಶವನ್ನು ತನ್ನ ಸ್ವಾರ್ಥಕ್ಕಾಗಿ ಬಳಸಲು ಯತ್ನಿಸುವುದನ್ನು ನೀವು ಕಾಣಬಹುದು.