ಸರ್ಕಾರಿ ಯೋಜನೆ ಪಡೆಯಲು 17 ಬಾರಿ ನಕಲಿ ಗರ್ಭಿಣಿ ಅವತಾರ ಎತ್ತಿದಳು..! ₹98 ಲಕ್ಷ ಎಗರಿಸಿದ್ಲು..!

ಸರ್ಕಾರ ಯಾವುದಾದ್ರು ಯೋಜನೆ ತರುತ್ತಿದೆ ಅಂದ್ರೆ ಅದನ್ನು ದುರುಪಯೋಗ ಪಡಿಸಿಕೊಳ್ಳುವವರೂ ಇರುತ್ತಾರೆ. ನಕಲಿ ದಾಖಲೆ ಸೃಷ್ಟಿಸಿ, ಇಲ್ಲವೆ ಸುಳ್ಳು ಹೇಳಿಯಾದರು ಅದರ ಪ್ರಯೋಜನ ಪಡೆಯಬೇಕು ಎಂದು ಕಸರತ್ತು ಮಾಡುತ್ತಾರೆ. ಇದರಲ್ಲಿ ಸಾವಿರಾರು ಮಂದಿ ಯಶಸ್ವಿಯೂ ಆಗುತ್ತಾರೆ. ತಾವು ಈ ಯೋಜನೆಗೆ ಅರ್ಹರಲ್ಲದಿದ್ದರೂ ಯೋಜನೆಗಳ ಪಡೆದುಕೊಂಡಿರುತ್ತಾರೆ.

ಇದು ಎಲ್ಲಾ ಕಡೆಗಳಲ್ಲೂ ನಡೆಯುವು ಸಾಮಾನ್ಯ ವಂಚನೆಯಾಗಿದೆ. ಆದರೆ ಕೆಲವು ಬಾರಿ ಇದು ಎಷ್ಟು ಗಂಭೀರ ಸ್ವರೂಪ ಪಡೆದಿರುತ್ತದೆ ಎಂದರೆ ಆಡಳಿತ ಅಧಿಕಾರಿಗಳೇ ಶಾಕ್ ಆಗುತ್ತಾರೆ. ಜೊತೆಗೆ ವಂಚನೆಯಾದ ಮೊತ್ತವೂ ಸಹ ಹೆಚ್ಚಾಗಿರುತ್ತದೆ. ಹೀಗೆ ನಾವಿಂದು ಹೇಳ ಹೊರಟಿಸುವ ಘಟನೆಯೂ ಸಹ ಇಂತಹ ವಂಚನೆಗೆ ಸಂಬಂಧಿಸಿದೆ.

ಒಬ್ಬ ಮಹಿಳೆ ತಾನು ಗರ್ಭಿಣಿ ಎಂದು ಸರ್ಕಾರದ ಸೌಲಭ್ಯ ಪಡೆದುಕೊಂಡು ವಂಚನೆ ಎಸಗಿರುವುದು ಪತ್ತೆಯಾಗಿದೆ. ಅದು ಒಂದು ಸಲ ಅಲ್ಲ ಬರೋಬ್ಬರಿ 17 ಬಾರಿ ಈ ರೀತಿ ವಂಚನೆ ಎಸಗಿರುವುದು ಬೆಳಕಿಗೆ ಬಂದಿದೆ. ಹಾಗಾದರೆ ಈ ಘಟನೆ ನಡೆದಿದ್ದು ಎಲ್ಲಿ, ಆಕೆ ಮಾಡಿದ ವಂಚನೆ ಏನು? ಸರ್ಕಾರದಿಂದ ಏನೆಲ್ಲಾ ಲಾಭ ಪಡೆದುಕೊಂಡಳು ಎಂಬ ಮಾಹಿತಿ ಇಲ್ಲಿದೆ ನೋಡಿ.

ಈ ಘಟನೆ ನಡೆದಿರುವುದು ಇಟಲಿಯಲ್ಲಿ 50 ವರ್ಷದ ಬಾರ್ಬರಾ ಲೊಯೆಲ್ ಎಂಬ ಮಹಿಳೆ ಬರೋಬ್ಬರಿ 17 ಬಾರಿ ಗರ್ಭಿಣಿ ಎಂದು ಸರ್ಕಾರದ ಸೌಲಭ್ಯ ಪಡೆದು ಈಗ ಜೈಲುಪಾಲಾಗಿದ್ದಾಳೆ. 24 ವರ್ಷಗಳ ಅವಧಿಯಲ್ಲಿ ತನಗೆ 12 ಗರ್ಭಪಾತಗಳು ಮತ್ತು 5 ಮಕ್ಕಳನ್ನು ಹೊಂದಿರುವುದಾಗಿ ಸುಳ್ಳು ಮಾಹಿತಿ ಹಂಚಿಕೊಂಡಿರುವುದು ಬೆಳಕಿಗೆ ಬಂದಿದೆ.

ಆಕೆ ಗರ್ಭಿಣಿಯರಿಗೆ ನೀಡುವ ಸರ್ಕಾರದ ಯೋಜನೆಯಿಂದ ಬರೋಬ್ಬರಿ 110,000 ಯೂರೋಗಳ ಅಂದರೆ ಭಾರತೀಯ ರೂಪಾಯಿಯಲ್ಲಿ ಸುಮಾರು 98 ಲಕ್ಷ ರೂಪಾಯಿ ಪಡೆದಿದ್ದಾಳೆ.

ಕ್ಲೀನಿಕ್‌ನಿಂದ ದಾಖಲೆಗಳ ಕಳವು

ಆಕೆ ತಾನು ಗರ್ಭಿಣಿ ಎಂದು ಸರ್ಕಾರಕ್ಕೆ ದಾಖಲೆಗಳ ನೀಡಲು ಹತ್ತಿರದ ಕ್ಲೀನಿಕ್‌ನಿಂದ ದಾಖಲೆಗಳ ಕಳ್ಳತನ ಮಾಡುತ್ತಿದ್ದಳು. ಅದನ್ನು ಸರ್ಕಾರಿ ಅಧಿಕಾರಿಗಳಿಗೆ ನೀಡಿ ಸೌಲಭ್ಯ ಪಡೆಯುವಲ್ಲಿ ಯಶಸ್ವಿಯಾಗುತ್ತಿದ್ದಳು.

ಗರ್ಭಿಣಿಯಂತೆ ಕಾಣಿಸಲು ದಿಂಬು ಬಳಕೆ
ಗರ್ಭಿಣಿಯಂತೆ ಕಾಣಿಸಲು ಆಕೆ ಹೊಟ್ಟೆಯ ಭಾಗದಲ್ಲಿ ದಿಂಬು ಇಟ್ಟುಕೊಂಡು ಓಡಾಡುತ್ತಿದ್ದಳು, ಜೊತೆಗೆ ಮನೆಯಿಂದ ಹಿರಬರುವುದನ್ನೇ ನಿಲ್ಲಿಸಿದ್ದಳು. ಸರ್ಕಾರಿ ಕಚೇರಿಗಳಿಗೆ ಅಲೆದಾಡುವ ಕೆಲಸಕ್ಕೆ ತನ್ನ ಮಹಿಳಾ ಸ್ನೇಹಿತೆಯನ್ನು ಬಳಸುತ್ತಿದ್ದಳು, ಆಕೆ ಎಲ್ಲಾ ಕಡೆ ಓಡಾಡುತ್ತಿದ್ದಳು.

ಸಿಕ್ಕಿಬಿದ್ದಿದ್ದು ಹೇಗೆ?

ಆಕೆಗೆ 50 ವರ್ಷ ವಯಸ್ಸಾಗಿದ್ದು, ಈ ವಯಸ್ಸಿನಲ್ಲಿ ಗರ್ಭ ಧರಿಸಲು ಹೇಗೆ ಸಾಧ್ಯ ಎಂಬ ಅನುಮಾನ ಸರ್ಕಾರಿ ಅಧಿಕಾರಿಗಳಿಗೆ ಮೂಡಿತ್ತು. ಹೀಗಾಗಿ ಪೊಲೀಸರ ಸಹಾಯದಿಂದ ಆಕೆಯ ಮೇಲೆ ಕಣ್ಣಿಡಲಾಗಿತ್ತು. ಅಲ್ಲದೆ ಕಳೆದ ಡಿಸೆಂಬರ್‌ನಲ್ಲಿ ಮಗುವಿಗೆ ಜನ್ಮ ನೀಡಿರುವುದಾಗಿ ದಾಖಲೆ ಸೃಷ್ಟಿಸಿದಳು. ಆದರೆ ಆ ಮಗುವಿನ ಕುರಿತು ಎಲ್ಲಿಯೂ ದಾಖಲೆಗಳೇ ಇರಲಿಲ್ಲ. ಅಂದರೆ ಆಕೆ ಜನನ ಪ್ರಮಾಣ ಪತ್ರ ಪಡೆಯಲು ಮಕ್ಕಳ ಜನನದ ಕುರಿತು ಯಾವ ಆಸ್ಪತ್ರೆಯಲ್ಲೂ ದಾಖಲೆಗಳೇ ಇರಲಿಲ್ಲ. ಇದು ಒಂದು ಪ್ರಕರಣವಲ್ಲ ಉಳಿದ 17 ಪ್ರಕರಣಗಳು ಹೊರಬರಲು ಕಾರಣವಾಯಿತು.

ಪೊಲೀಸರು-ಅಧಿಕಾರಿಗಳು ಶಾಕ್

ಆಕೆ ಎಷ್ಟೆಲ್ಲಾ ಪ್ಲಾನ್ ಮಾಡಿದರೂ ಕೊನೆಯಲ್ಲಿ ಯಡುವಿದ್ದಳು, ಡಿಸೆಂಬರ್‌ನಲ್ಲಿ ಮಗುವಿಗೆ ಜನ್ಮ ನೀಡಿರುವುದಾಗಿ ದಾಖಲೆ ಸೃಷ್ಟಿಸಿದ್ದ ಆಕೆ, ಮಗುವಿನ ಜನನವನ್ನು ದಾಖಲು ಮಾಡುವಲ್ಲಿ ಯಡುವಿದ್ದಳು. ಈ ಮಗುವಿನ ಜನನ ದಾಖಲೆ ಪ್ರಮಾಣ ಪತ್ರದ ಹಿಂದೆ ಬಿದ್ದಿದ್ದ ಅಧಿಕಾರಿಗಳು ಯಾವ ಆಸ್ಪತ್ರೆಯಲ್ಲಿ ಹುಡುಕಾಡಿದರು ಯಾವ ದಾಖಲೆಯೂ ಲಭ್ಯವಾಗಿರಲಿಲ್ಲ. ಹೀಗಾಗಿ ಇದರಲ್ಲಿ ವಂಚನೆ ಎಸಗಿರುವುದು ಬೆಳಕಿಗೆ ಬಂದಿತು. ಆದ್ರೆ ಆಕೆಯ ಪತಿ ಸಹ ಇದೊಂದು ವಂಚನೆ ಎಂದು ಒಪ್ಪಿಕೊಂಡು ಆಕೆಯನ್ನು ಪೊಲೀಸರಿಗೆ ಒಪ್ಪಿಸಿದ. ಆಕೆಗೆ ಇಟಾಲಿಯನ್ ನ್ಯಾಯಾಲಯವು ವಂಚನೆ ಆರೋಪ ಹೊರಿಸಿ ಆಕೆಗೆ 1 ವರ್ಷ ಮತ್ತು 6 ತಿಂಗಳ ಜೈಲು ಶಿಕ್ಷೆ ವಿಧಿಸಿದೆ.