ಡಿಸೆಂಬರ್‌ 22 ವರ್ಷದ ದಿನಗಳಲ್ಲಿ ಅತ್ಯಂತ ಕಡಿಮೆ ದಿನವಾಗಿದೆ, ಈ ದಿನದ ವಿಶೇಷತೆಯೇನು?

ವರ್ಷದಲ್ಲಿ 365 ದಿನಗಳಿರುತ್ತದೆ, ಅದರಲ್ಲಿ ಒಂದು ದಿನ ಇತರ ಎಲ್ಲಾ ದಿನಕ್ಕಿಂತ ತುಂಬಾ ಚಿಕ್ಕದಾಗಿರುತ್ತದೆ, ಈ ವರ್ಷದ ಅತ್ಯಂತ ಚಿಕ್ಕ ದಿನ ಡಿಸೆಂಬರ್‌ 22ಕ್ಕೆ ಇದೆ. ಪ್ರತಿ ವರ್ಷ ಎರಡು ಅಯನ ಸಂಕ್ರಾಂತಿಗಳಿರುತ್ತದೆ. ಒಂದು ಡಿಸೆಂಬರ್‌ನಲ್ಲಿ, ಮತ್ತೊಂದು ಒಂದು ಜೂನ್‌ನಲ್ಲಿ ಇರುತ್ತದೆ. ಈ ಡಿಸೆಂಬರ್‌ನ ಅಯನ ಸಂಕ್ರಾಂತಿಯು ಉತ್ತರಕ್ಕೆ ಕಡಿಮೆ ದಿನ ಮತ್ತು ದಕ್ಷಿಣದಲ್ಲಿ ದೀರ್ಘವಾದ ದಿನವನ್ನು ಹೊಂದಿರುತ್ತದೆ, ಆದ್ದರಿಂದ ಭಾರತದಲ್ಲಿ ಈ ದಿನ ಅತಿ ಕಡಿಮೆ ದಿನವಾಗಿದೆ.

ಭಾರತದಲ್ಲಿ ಈ ದಿನ ಅತ್ಯಂತ ಚಿಕ್ಕ ದಿನ
ಈ ದಿನ ಹಗಲು ಕಡಿಮೆ, ರಾತ್ರಿ ಅಧಿಕ, ಈ ದಿನದಂದು ಹಗಲು ಬೇಗನೆ ಮುಗಿದು ಹೋಗುತ್ತದೆ, ರಾತ್ರಿ ಸುಧೀರ್ಘವಾಗಿ 13 ಗಂಟೆ 38 ನಿಮಿಷ ಇರಲಿದೆ. ಈ ದಿನ ಸೂರ್ಯೋದಯವಾದ ಮೇಲೆ ಸಂಜೆ ಸೂರ್ಯಾಸ್ತ ಇತರ ದಿನಕ್ಕಿಂತ ಬೇಗನೆ ಆಗಲಿದೆ, ಬೇಗನೆ ಕತ್ತಲು ಪ್ರಾರಂಭವಾಗುವುದು. ಅಂದರೆ ಈ ದಿನ ಸೂರ್ಯನ ಬೆಳಕು ಈ ಭೂಮಿ ಮೇಲೆ 10 ಗಂಟೆ ಕಾಲ ಮಾತ್ರ ಇರುತ್ತದೆ.

ಡಿಸೆಂಬರ್ 22ರಂದು, ಭೂಮಿಯು ಓರೆಯಾದ ಅಕ್ಷದ ಮೇಲೆ ತಿರುಗುತ್ತದೆ. ಈ ಕಾರಣದಿಂದಾಗಿ, ಭಾರತಕ್ಕೆ ಡಿಸೆಂಬರ್ 22 ವರ್ಷದ ಅತ್ಯಂತ ಕಡಿಮೆ ದಿನ ಮತ್ತು ದೀರ್ಘ ರಾತ್ರಿಯಾಗಿದೆ.

22 ಡಿಸೆಂಬರ್ ದಿನದಂದು ಸೂರ್ಯನು ಕರ್ಕಾಟಕ ಸಂಕ್ರಾಂತಿಯಿಂದ ಮಕರ ರಾಶಿಗೆ ಹತ್ತಿರ ಬರುತ್ತಾನೆ. ಈ ದಿನದಿಂದ ಭಾರತದಲ್ಲಿ ಚಳಿಯ ಪ್ರಮಾಣ ಹೆಚ್ಚಾಗಲಿದೆ.

ಚಳಿಗಾಲದ ಅಯನ ಸಂಕ್ರಾಂತಿ
ಡಿಸೆಂಬರ್ 22ನ್ನು ಚಳಿಗಾಲದ ಅಯನ ಸಂಕ್ರಾಂತಿ ಎಂದೂ ಕರೆಯುತ್ತಾರೆ. ವಿಜ್ಞಾನದ ಭಾಷೆಯಲ್ಲಿ ಇದನ್ನು ದಕ್ಷಿಣಾಯನ ಎಂದೂ ಕರೆಯುತ್ತಾರೆ. ಈ ಸಮಯದಲ್ಲಿ ಉತ್ತರ ಧ್ರುವದಲ್ಲಿ ರಾತ್ರಿಯಾಗಿದ್ದರೆ, ದಕ್ಷಿಣ ಧ್ರುವದಲ್ಲಿ ಸೂರ್ಯನು ಬೆಳಗುತ್ತಲೇ ಇರುತ್ತಾನೆ. ಅಲ್ಲಿ ಹಗಲು ದೀರ್ಘವಾಗಿರಲಿದೆ.