ಸ್ತನಪಾನ ಮಾಡಿಸುತ್ತಿರುವ ತಂದೆ, ವೀಡಿಯೊ ಆಯ್ತು ವೈರಲ್

Trends N Style

oi-Reena TK

By Reena Tk

Updated: Wednesday, November 20, 2019, 16:38 [IST]

ಇಲ್ಲೊಬ್ಬ ತಂದೆ ಮಾಡಿರುವ ಕಾರ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಮಗುವನ್ನು ಸಮಧಾನ ಮಾಡಿಸಲು ತಂದೆಯಂದಿರು ಹಲವಾರು ರೀತಿಯ ಸರ್ಕಸ್‌ ಮಾಡಿರುವ ತಮಾಷೆಯ ವೀಡಿಯೋಗಳನ್ನು ನೋಡಿರುತ್ತೀರಿ, ಆದರೆ ಇಲ್ಲೊಬ್ಬ ತಂದೆ ಒಂದು ಹೆಜ್ಜೆ ಮುಂದೆ ಹೋಗಿ ಸ್ತನಪಾನ ಮಾಡಿಸಿದ್ದಾರೆ. ಏನು ತಂದೆ ಸ್ತನಪಾನ ಮಾಡಿಸುವುದೇ? ಎಂದು ಅಚ್ಚರಿಗೊಳಗಾಗಬೇಡಿ. ಇದರ ಹಿಂದೆ ಸುಂದರವಾದ ಕತೆಯಿದೆ.

ತಂದೆ ಬಳಿ ಮಗು ಬಿಟ್ಟು ತಾಯಿ ಹೊರಗಡೆ ಹೋಗಿರುತ್ತಾಳೆ, ತಂದೆ ಜತೆ ಆಟವಾಡುತ್ತಿದ್ದ ಮಗುವಿಗೆ ಹಸಿವಾಗಿ ಅಳಲು ಪ್ರಾರಂಭಿಸುತ್ತದೆ. ತಂದೆ ಮಗಳಿಗೆ ಬಾಟಲಿನಲ್ಲಿ ಹಾಲು ಹಾಕಿ ಕುಡಿಸಲು ಹೋದರೆ ಮಗು ಬಾಟಲಿ ಹಾಲು ಕುಡಿಯುವುದನ್ನು ನಿರಾಕರಿಸಿ ಮತ್ತಷ್ಟು ಅಳಲು ಶುರು ಮಾಡುತ್ತದೆ, ಆಗ ತಂದೆಗೆ ಹೊಳೆದಿದ್ದೇ ಈ ಐಡಿಯಾ. ತನ್ನ ಟೀ ಶರ್ಟ್‌ ಒಳಗೆ ಬಾಟಲಿ ಹಾಕಿ ಕುಡಿಯಲುಕೊಟ್ಟರೆ ಮಗು ಹಾಲು ಕುಡಿಯಲಾರಂಭಿಸುತ್ತದೆ.

ಇದನ್ನು ವೀಡಿಯೋ ಮಾಡಿ ಸಾಮಾಜಿಕತಾಣದಲ್ಲಿ ಅಪ್ಲೋಡ್‌ ಮಾಡಿದ್ದೇ ತಡ ಆ ವೀಡಿಯೋ ವೈರಲ್ ಆಗಿ ಬಿಟ್ಟಿದೆ. ಕೆಲವರು ಅಪ್ಪನ ಆಲೋಚನೆಗೆ ಮೆಚ್ಚಿದರೆ, ಮತ್ತೆ ಕೆಲವರು ನೀನು ಈ ವರ್ಷದ ಬೆಸ್ಟ್ ಡ್ಯಾಡ್‌ ಎಂದು ಹೊಗಳುತ್ತಿದ್ದಾರೆ.

ಏನೇ ಆಗಲಿ ಮನೆಯಲ್ಲಿ ಅಮ್ಮ ಇಲ್ಲದಿದ್ದಾಗ ಮಗು ಅತ್ತರೆ ಏನು ಮಾಡಬೇಕೆಂದು ಅಪ್ಪಂದಿರಿಗೆ ಸಕತ್‌ ಐಡಿಯಾ ನೀಡಿದ್ದಾರೆ ಇವರು ಅಲ್ವಾ?