ನೀವು 10 ಅಡಿಯ ಈ ದೋಸೆ 40 ನಿಮಿಷದಲ್ಲಿ ತಿಂದರೆ ಸಿಗುತ್ತೆ ಎಪ್ಪತ್ತೊಂದು ಸಾವಿರ!

ನೀವು ದೋಸೆ ಪ್ರಿಯರೇ, ಹಾಗಾದರೆ ದೋಸೆ ಜೊತೆಗೆ ದುಡ್ಡನ್ನೂ ಗೆಲ್ಲುವ ಅವಕಾಶವೊಂದಿದೆ. ಅದಕ್ಕಾಗಿ ನೀವು ದೆಹಲಿ ಹೋಗಬೇಕಾಗಬಹುದು, ನೀವು ದೆಹಲಿಯಲ್ಲೇ ಇದ್ದರೆ ಇನ್ನೂ ಒಳ್ಳೆಯದು, ಇಲ್ಲಾ ದೆಹಲಿ ಟ್ರಿಪ್‌ನಲ್ಲಿದ್ದರೆ ಈ ದೋಸೆ ತಿನ್ನುವ ಸಾಹಸಕ್ಕೆ ಕೈ ಹಾಕಬಹುದು ನೋಡಿ.

ದೆಹಲಿಯ ಉತ್ತಮ್‌ ನಗರದಲ್ಲಿರುವ ಸ್ವಾಮಿ ಶಕ್ತಿ ಸಾಗರ್ ರೆಸ್ಟೋರೆಂಟ್‌ ಇಂಥದ್ದೊಂದು ಅಫರ್ ನೀಡಿದೆ. ನೀವು ಸವಾಲು ಸ್ವೀಕರಿಸಲು ರೆಡಿಯಾದರೆ ಅವರು ನಿಮಗೆ 10 ಅಡಿಯ ದೋಸೆ ಮಾಡಿ ಕೊಡುತ್ತಾರೆ, ಕಂಡೀಷನ್‌ ಅಂದರೆ ನೀವು ಅದನ್ನು 40 ನಿಮಿಷದಲ್ಲಿ ಮುಗಿಸಬೇಕು.

'ನಾವು ಮೊದಲಿಗೆ ಸಾಧಾರಣ ಗಾತ್ರದ ದೋಸೆ ಮಾಡುತ್ತಿದ್ದೆವು, ನಂತರ ದೊಡ್ಡ ದೋಸೆ ಮಾಡೋಣ ಅಂತ ಯೋಚಿಸಿದೆವು, 5 ಅಡಿ, 6 ಅಡಿ, 8 ಅಡಿಯ ತವಾ ಇವೆ, ನಾವು ಸ್ವಲ್ಪ ಭಿನ್ನವಾಗಿರಲಿ ಎಂದು ಇನ್ನೂ ದೊಡ್ಡ ತವಾ ತರಿಸಿ ಮಾಡುವ ಎಂದು ಯೋಚಿಸಿ, ಈ ರೀತಿ ಚಾಲೆಂಜ್ ನೀಡಿದ್ದೇವೆ' ಎಂದು ರೆಸ್ಟೋರೆಂಟ್ ಮಾಲೀಕ ಕುಮಾರ್ ಹೇಳಿದ್ದಾರೆ.

ಇದುವರೆಗ 25-26 ಜನ ಈ ಚಾಲೆಂಜ್‌ ಟ್ರೈ ಮಾಡಿದ್ದಾರೆ ಅಂತೆ, ಆದರೆ ಯಾರೂ ಈ ಚಾಲೆಂಜ್ ಗೆದ್ದಿಲ್ಲ, ನೀವು ಟ್ರೈ ಮಾಡುತ್ತೀರಾ ಹೇಗೆ?