ಅಪಘಾತದಿಂದ ಕ್ಷಣಾರ್ಧದಲ್ಲಿ ಮಗುವಿನ ರಕ್ಷಿಸಿ, ತಾಯಿಯ ಮೊಬೈಲ್‌ ಪುಡಿ ಮಾಡಿದ ಸೈನಿಕ: ಸೈನಿಕನ ಕಾರ್ಯಕ್ಕೆ ನೆಟ್ಟಿಗರು ಫುಲ್‌ ಫಿದಾ

ಟ್ವಿಟರ್‌ನಲ್ಲಿ ಶೇರ್‌ ಮಾಡಲಾದ ಆ ವೀಡಿಯೋ ನೋಡುವಾಗ ಎಂಥವರಿಗೂ ಮೈ ಝುಂ ಎನ್ನುತ್ತೆ, ಇನ್ನೇನು ಮಗುವಿಗೆ ಕಾರು ಬಂದು ಗುದ್ದುವುದರಲ್ಲಿತ್ತು, ಅಷ್ಟರಲ್ಲಿ ರಾಕೆಟ್ ಸ್ಪೀಡ್‌ನಲ್ಲಿ ಬಂದ ಸೈನಿಕ ಮಗುವನ್ನು ಕಾಪಾಡುತ್ತಾರೆ.

ಅಷ್ಟ ಬೇಗ ಅಪಾಯವನ್ನು ಊಹಿಸಿ, ಕ್ಷಣಾರ್ಧದಲ್ಲಿ ಮಗುವನ್ನು ಕಾಪಾಡಿರುವ ಆ ವೀಡಿಯೋ ನಮ್ಮ ಯೋಧರು ಎಷ್ಟು ಚುರಾಗಿ ಕಾರ್ಯ ಪ್ರವೃತ್ತರಾಗಿ ನಮ್ಮನ್ನು ರಕ್ಷಣೆ ಮಾಡುತ್ತಾರೆ ಎಂಬುವುದಕ್ಕೆ ಒಂದು ಚಿಕ್ಕ ಉದಾಹರಣೆ.

ದೇಶ ಹಾಗೂ ದೇಶದ ಜನತೆ ಅಂತ ಬಂದಾಗ ಅವರು ತಮ್ಮ ಪ್ರಾಣವನ್ನು ಒತ್ತೆ ಇಟ್ಟು ನಮ್ಮ ರಕ್ಷಣೆಗೆ ನಿಲ್ಲುತ್ತಾರೆ. ಅವರು ಬರೀ ರಕ್ಷಣೆಯಷ್ಟೇ ಮಾಡುವುದಿಲ್ಲ, ನಮ್ಮ ನಿರ್ಲಕ್ಷ್ಯಕ್ಕೆ ತಕ್ಕ ಪಾಠನೂ ಕಲಿಸುತ್ತಾರೆ

ಈ ವೀಡಿಯೋದಲ್ಲಿ ನೀವು ನೋಡಬಹುದು ತಾಯಿ ಜೊತೆ ಮಗು ನಿಂತಿರುತ್ತದೆ, ಆ ತಾಯಿ ಫೋನ್‌ನಲ್ಲಿ ಫುಲ್‌ ಬ್ಯುಸಿ, ಎಷ್ಟು ಬ್ಯುಸಿಯೆಂದರೆ ಮಗು ರಸ್ತೆ ಮಧ್ಯ ಹೋಗಿರುವುದನ್ನೂ ಅವಳು ಗಮನಿಸಿರುವುದಿಲ್ಲ, ಅಷ್ಟರಲ್ಲಿ ಕಾರೊಂದು ವೇಗವಾಗಿ ಬರುತ್ತಿರುತ್ತದೆ. ಇನ್ನೇನು ಆ ಮಗುವಿಗೆ ಆ ಕಾರು ಡಿಕ್ಕಿ ಹೊಡೆಯಬೇಕು, ಅಷ್ಟರಲ್ಲಿ ದೇವಧೂತನಂತೆ ಮಿಂಚಿನ ವೇಗದಲ್ಲಿ ಬಂದ ಸೈನಿಕ ಮಗುವನ್ನು ಎತ್ತಿ ಆ ಕಡೆ ಓಡಿ ಬಿಡುತ್ತಾರೆ.

ಸೈನಿಕ ಕಾರು ಚಾಲಕನತ್ತ ಕೈ ತೋರಿಸಿ ಏನೋ ಬೈಯುತ್ತಿರುರುವುದನ್ನು ಕಾಣಬಹುದು, ಆದರೆ ಅಷ್ಟಕ್ಕೆ ಅವರ ಕೋಪ ನಿಲ್ಲುವುದಿಲ್ಲ, ಸೀದಾ ಹೋಗಿ ಆ ತಾಯಿಯ ಮೊಬೈಲ್ ಕಿತ್ತು ರೋಡ್‌ಗೆ ಎಸೆದು ಪುಡಿ ಮಾಡುತ್ತಾರೆ.

ಆ ಸೈನಿಕ ಆ ಕ್ಷಣದಲ್ಲಿ ಬಂದಿದ್ದಕ್ಕೆ ಆಯ್ತು ಇಲ್ಲದಿದ್ದರೆ... ಪೋಷಕರೇ ಮಕ್ಕಳ ಬಗ್ಗೆ ಎಷ್ಟು ಜಾಗ್ರತೆ ವಹಿಸಿದರೂ ಸಾಲದು, ಹೊರಗಡೆ ಹೋದಾಗ ಮೈಯೆಲ್ಲಾ ಕಣ್ಣಾಗಿ ಅವರನ್ನು ನೋಡಬೇಕಾಗುತ್ತೆ, ಸ್ವಲ್ಪ ನಿರ್ಲಕ್ಷ್ಯ ದೊಡ್ಡ ಅಪಾಯ ತರಬಹುದು ಹುಷಾರ್!