ಯುಗಾದಿ ರಾಶಿಫಲ 2023 ರ ಪ್ರಕಾರ ಹೊಸ ಸಂವತ್ಸರ ಕನ್ಯಾ ರಾಶಿಯವರಿಗೆ ಹೇಗಿರಲಿದೆ?

ಕನ್ಯಾ ರಾಶಿಯವರ ಮೇಲೆ ಗ್ರಹಗತಿಗಳ ಪ್ರಭಾವ

ಕನ್ಯಾ ರಾಶಿಯವರಲ್ಲಿ ನಾಲ್ಕು ಪ್ರಮುಖ ಗ್ರಹಗಳ ಸ್ಥಾನ ನೋಡುವುದಾದರೆ ಗುರು ಮತ್ತು ರಾಹು ನಿಮ್ಮ 8ನೇ ಮನೆಯಲ್ಲಿ ಇರಲಿದೆ. ಏಪ್ರಿಲ್‌ 22ಕ್ಕೆ ಗುರು ನಿಮ್ಮ ರಾಶಿಯ 8ನೇ ಮನೆಗೆ ಬಂದರೆ ಅಕ್ಟೋಬರ್‌ 29ರವರೆಗೆ ರಾಹು ನಿಮ್ಮ ರಾಶಿಯ 8ನೇ ಮನೆಯಲ್ಲಿ ಇರಲಿದೆ. ಕುಂಭ ರಾಶಿಗೆ ಶನಿ ಸಂಚರಿಸಿರುವುದರಿಂದ ನಿಮ್ಮ ರಾಶಿಯಲ್ಲಿ ಹಾಗೂ ಕೇತು 3ನೇ ಮನೆಯಲ್ಲಿ ಇರಲಿದೆ.

ಈ ಗ್ರಹಗಳ ಸ್ಥಾನ ಮಿಶ್ರಫಲ ನೀಡಲಿದೆ.

ಈ ನಾಲ್ಕು ಗ್ರಹಗಳ ಸ್ಥಾನಗಲ್ಲಿ ರಾಹು-ಗುರು ನಿಮಗೆ ತುಂಬಾ ಅನುಕೂಲಕರವಲ್ಲ, ಆದ್ದರಿಂದ ಈ ಅವಧಿಯಲ್ಲಿ ಮಿಶ್ರಫಲ ಅನುಭವಿಸುತ್ತೀರಿ. ಈ ಅವಧಿ ನಿಮಗೆ ಮಿಶ್ರಫಲ. ರಾಹು-ಗುರು ಅಶುಭ ಫಲ ನೀಡಲಿದೆ, ಶನಿ ಶುಭ ಫಲ ನೀಡಿದೆ.

ಉದ್ಯೋಗ

ಶನಿಯು ಕರ್ಮದ ಗ್ರಹವಾಗಿರುವುದರಿಂದ ಶನಿಯ ಈ ಸ್ಥಾನ ನಿಮಗೆ ಉದ್ಯೋಗ ಕ್ಷೇತ್ರದಲ್ಲಿ ಪ್ರಗತಿಯನ್ನು ನೀಡಲಿದೆ. ಈ ಯುಗಾದಿ ಬಳಿಕ ನೀವು ಕೆಲಸದಲ್ಲಿ ಬದಲಾವಣೆ ಬಯಸುವುದಾದರೆ ಒಳ್ಳೆಯ ಗೌರವ ಪಡೆಯುತ್ತೀರಿ. ನೀವು ನಿಮ್ಮ ಪ್ರತಿಭೆ ತಕ್ಕ ಅವಕಾಶ ಪಡೆಯುವಿರಿ. ನಿಮ್ಮ ಕೆಲಸವು ಗುರುತಿಸಿಕೊಳ್ಳುತ್ತದೆ. ನೀವು ಪಂಚಮ ಶನಿಇಂದ ಬಿಡುಗಡೆಯಾಗಿರುವುದರಿಂದ ನಿಮಗೆ ನೆಮ್ಮದಿ ಇರಲಿದೆ. ನಿಮ್ಮ ಕೆಲಸ ಕಾರ್ಯಗಳಿಗೆ ಸ್ನೇಹಿತರ ಬೆಂಬಲ ಸಿಗಲಿದೆ.

ಗುರು ಚಂಡಾಲ ಯೋಗದ ಪ್ರಭಾವ

ಕನ್ಯಾ ರಾಶಿಯವರಲ್ಲಿ ಅಷ್ಟಮದಲ್ಲಿ ಗುರು ಚಂಡಾಲ ಯೋಗವಿದೆ. ಈ ಕಾರಣದಿಂದ ಸಂಸಾರದಲ್ಲಿ, ಕುಟಂಬಸ್ಥರ ನಡುವೆ ಭಿನ್ನಾಭಿಪ್ರಾಯ. ಸತಿ-ಪತಿಯಲ್ಲಿ ಭಿನ್ನಾಭಿಪ್ರಾಯ ಹೆಚ್ಚಲಿದೆ. ನೀವು ಪಾಲುದಾರಿಕೆಯಲ್ಲಿ ವ್ಯವಹಾರ ಮಾಡಿದರೆ ಮೋಸ ಹೋಗಬಹುದು, ಈ ವರ್ಷ ಹಣದಲ್ಲಿ ಮೋಸ ಹೋಗುವ ಸಾಧ್ಯತೆ ತುಂಬಾ ಇದೆ. ಆದ್ದರಿಂದ ನೀವು ಏನಾದರೂ ಹೂಡಿಕೆ ಮಾಡುವುದಾದರೆ ತುಂಬಾನೇ ಎಚ್ಚರವಹಿಸಬೇಕು.

ಎಷ್ಟೇ ಆಪ್ತರಿರಲಿ ನೀವು ಸಾಲ ಕೊಟ್ಟರೆ ಆ ಹಣ ಮರಳಿ ಬರುವುದಿಲ್ಲ. ಅಲ್ಲದೆ ಬೇರೆಯವರ ಸಾಲಕ್ಕೆ ಶ್ಯೂರಿಟಿ ಕೂಡ ನಿಲ್ಲಬೇಡಿ, ಇಲ್ಲದಿದ್ದರೆ ಆರ್ಥಿಕ ಸಂಕಷ್ಟ ಎದುರಿಸಬೇಕಾಗುವುದು. ನಿಮ್ಮ ಅಮೂಲ್ಯ ವಸ್ತುಗಳನ್ನು ಜಾಗ್ರತೆಯಿಂದಿಡಬೇಕು.

ಆರೋಗ್ಯ

ಯಗಾದಿ ರಾಶಿ ಭವಿಷ್ಯ 2023ರ ಕನ್ಯಾ ರಾಶಿಯವರಿಗೆ ಈ ವರ್ಷ ಆರೋಗ್ಯ ಸಮಸ್ಯೆ ಎದುರಾಗಬಹುದು. ನೀವು ನಿಮ್ಮ ಆರೋಗ್ಯದ ಕಡೆಗೆ ತುಂಬಾನೇ ಗಮನಹರಿಸಿ. ಆರೋಗ್ಯಕರ ಆಹಾರ ಶೈಲಿ ಹಾಗೂ ಜೀವನಶೈಲಿಯಿಂದ ಆರೋಗ್ಯ ಕಾಪಾಡಬಹುದು

ಗುರುವಿಗೆ ಪರಿಹಾರ ಮಾಡಿ

* ಗುರು ಚಂಡಾಲ ಯೋಗ ಇರುವುದರಿಂದ ಅದು ನೀಡುವ ಕಷ್ಟಗಳು, ಸಮಸ್ಯೆಗಖ ನಿವಾರಣೆ ಗುರು ಬೀಜ ಮಂತ್ರ ಪಠಿಸಿ

*ಪ್ರತಿನಿತ್ಯ ಹನುಮಾನ್ ಚಾಲೀಸ ಪಠಿಸಿ.