For Quick Alerts
ALLOW NOTIFICATIONS  
For Daily Alerts

ಡಿಸೆಂಬರ್‌ನಲ್ಲಿ ಹುಟ್ಟಿದವರ ಗುಣಸ್ವಭಾವ ಹೇಗಿರುತ್ತದೆ, ಇವರ ವಿಶೇಷತೆಗಳೇನು ಗೊತ್ತೆ?

|

ಮೊನ್ನೆಮೊನ್ನೆ ಅಷ್ಟೇ ಹೊಸ ವರ್ಷದ ಸಂಭ್ರಮಾಚರಣೆಯಲ್ಲಿದ್ದೆವೇನೋ ಅನ್ನುವಷ್ಟರಲ್ಲಿ ಈ ವರ್ಷದ ಕೊನೆಯ ತಿಂಗಳು ಬಂದೇ ಬಿಟ್ಟಿದೆ. ಹೌದು 2019ರ ಡಿಸೆಂಬರ್ ತಿಂಗಳಿಗೆ ನಾವು ಕಾಲಿಟ್ಟಿದ್ದೇವೆ. ಡಿಸೆಂಬರ್ ನಲ್ಲಿ ಹುಟ್ಟಿದವರ ಹುಟ್ಟುಹಬ್ಬದ ಸಂಭ್ರಮಕ್ಕೆ ಕ್ಷಣಗಣನೆ ಆರಂಭವಾಗಿದೆ. ನಿಮ್ಮ ಸುತ್ತಲೂ ಕೂಡ ಈ ತಿಂಗಳು ಹುಟ್ಟಿದ ವ್ಯಕ್ತಿಗಳು ಇರಬಹುದು. ಇವರು ಹೇಗಿರುತ್ತಾರೆ ಗೊತ್ತಾ? ಡಿಸೆಂಬರ್ ನಲ್ಲಿ ಜನಿಸಿದ ವ್ಯಕ್ತಿಗಳ ಗುಣಸ್ವಭಾವ ಹೇಗಿರುತ್ತದೆ ಗೊತ್ತಾ?

ಪ್ರತಿಯೊಂದು ತಿಂಗಳಿಗೂ ಅದರದ್ದೇ ಆದ ವೈಶಿಷ್ಟ್ಯತೆಯಿದೆ. ಆಯಾ ತಿಂಗಳು, ದಿನಾಂಕ, ಘಳಿಗೆ ಇವೆಲ್ಲವುಗಳ ಆಧಾರದ ಮೇಲೆ ವ್ಯಕ್ತಿಯ ಜೀವನ ಮತ್ತು ಸ್ವಭಾವ ಅವಲಂಬಿತವಾಗಿರುತ್ತದೆ ಎಂಬುದೊಂದು ನಂಬಿಕೆ. ಹಾಗೇಯೇ ಡಿಸೆಂಬರ್ ನಲ್ಲಿ ಹುಟ್ಟಿದ ವ್ಯಕ್ತಿಗಳಲ್ಲೂ ಕೂಡ ಕೆಲವು ವಿಶೇಷ ಗುಣಲಕ್ಷಣಗಳಿರುತ್ತದೆ. ನಾವಿಲ್ಲಿ ಡಿಸೆಂಬರ್ ತಿಂಗಳಲ್ಲಿ ಹುಟ್ಟಿದವರು ಗುಣಸ್ವಭಾವ ಹೇಗಿರುತ್ತದೆ ಎಂಬ ಬಗ್ಗೆ ಕೆಲವು ಪ್ರಮುಖ ಅಂಶಗಳನ್ನು ತಿಳಿಸಿಕೊಡುತ್ತಿದ್ದೇವೆ. ನಿಮಗೆ ತಿಳಿದಿರುವವರು ಯಾರಾದರೂ ಡಿಸೆಂಬರ್ ತಿಂಗಳಲ್ಲಿ ಹುಟ್ಟಿದ್ದರೆ ಅವರ ಗುಣಸ್ವಭಾವಗಳು ಹೀಗಿವೆಯೇ ಎಂದು ಪರೀಕ್ಷಿಸಿಕೊಳ್ಳಿ.

ಯಾರಿಗೇನು ಕಮ್ಮಿ ಇಲ್ಲ!

ಯಾರಿಗೇನು ಕಮ್ಮಿ ಇಲ್ಲ!

ಡಿಸೆಂಬರ್ ನಲ್ಲಿ ಹುಟ್ಟಿದವರಿಗೆ ಉದಾರ ಹೃದಯವಿರುತ್ತದೆ. ಲಾಸ್ಟ್ ಬಟ್ ನಾಟ್ ಲೀಸ್ಟ್ ಅನ್ನುವ ಮಾತಿನಂತೆ ಕೊನೆಯ ತಿಂಗಳಿನಲ್ಲಿ ಹುಟ್ಟಿದವರೇ ಆಗಿದ್ದರೂ ಕೂಡ ಇವರು ಉತ್ತಮರು. ಡಿಸೆಂಬರ್ ನಲ್ಲಿ ಹುಟ್ಟಿದ ಯಾವುದೇ ವ್ಯಕ್ತಿಯ ಪರಿಚಯ ನಿಮಗಿದ್ದಲ್ಲಿ ಅದು ಸಕಾರಾತ್ಮಕವಾಗಿರುತ್ತದೆ. ಸರಳವಾಗಿರುತ್ತಾರೆ ಮತ್ತು ಆಕರ್ಷಕವಾಗಿರುತ್ತಾರೆ. ಈ ವ್ಯಕ್ತಿಗಳು ಬುದ್ಧಿವಂತಿಕೆಯಿಂದ ಯೋಚಿಸಲು ಸಹಾಯ ಮಾಡುತ್ತಾರೆ ಮತ್ತು ಯಾವಾಗಲೂ ಸರಿಯಾದುದನ್ನೇ ಆಯ್ಕೆ ಮಾಡುತ್ತಾರೆ. ಇದೆಲ್ಲವನ್ನು ಹೊರತು ಪಡಿಸಿ ಇನ್ನೂ ಹಲವು ಗುಣಲಕ್ಷಣಗಳು ಡಿಸೆಂಬರ್ ನಲ್ಲಿ ಹುಟ್ಟಿದವರಲ್ಲಿ ಇರುತ್ತದೆ. ಈ ಗುಣಲಕ್ಷಣಗಳು ಅವರನ್ನು ಭೂಮಿಯ ಮೇಲಿನ ಶುದ್ಧ ಹೃದಯಿಗಳನ್ನಾಗಿ ಮಾಡುತ್ತದೆ. ಹಾಗಾದ್ರೆ ಡಿಸೆಂಬರ್ ನಲ್ಲಿ ಹುಟ್ಟಿದ ವ್ಯಕ್ತಿಗಳ ಆಶ್ಚರ್ಯಕರವಾಗಿರುವ ಗುಣಲಕ್ಷಣಗಳು ಯಾವುವು ಎಂಬ ಬಗ್ಗೆ ಮುಂದೆ ಓದಿ.

1 – ಪ್ರಾಮಾಣಿಕ

1 – ಪ್ರಾಮಾಣಿಕ

ಪ್ರಾಮಾಣಿಕತೆಯ ಬಗ್ಗೆ ಸಾಕಷ್ಟು ನಂಬಿಕೆಯನ್ನು ಇವರು ಇಟ್ಟುಕೊಂಡಿರುತ್ತಾರೆ. ಇವರು ಯಾವಾಗಲೂ ಸತ್ಯದ ಪರವಾಗಿರುತ್ತಾರೆ ಮತ್ತು ಮೋಸಗಾರರಿಗೆ ಎಂದಿಗೂ ಹೆಗಲು ನೀಡುವುದಿಲ್ಲ. ಖಂಡಿತ ನಾವು ಡಿಸೆಂಬರ್ ನಲ್ಲಿ ಹುಟ್ಟಿದ ವ್ಯಕ್ತಿಗಳಿಂದ ಕಲಿಯಬೇಕಾಗಿರುವ ಪ್ರಮುಖ ಅಂಶ ಇದಾಗಿದೆ. ಅದೇ ಕಾರಣಕ್ಕೆ ಡಿಸೆಂಬರ್ ನಲ್ಲಿ ಹುಟ್ಟಿದ ವ್ಯಕ್ತಿಗಳಿಂದ ಕಲಿಯಬೇಕಾಗಿರುವ ಮೊದಲ ಅತ್ಯುತ್ತಮ ಗುಣಸ್ವಭಾವ ಇದಾಗಿದೆ.

2 – ಸಂಘಟಿತರಾಗಿರುತ್ತಾರೆ

2 – ಸಂಘಟಿತರಾಗಿರುತ್ತಾರೆ

ಇವರು ಅತ್ಯುತ್ತಮ ಸಂಘಟನಾಕಾರರು, ಇವರು ಯಾವತ್ತೂ ಗಡಿಬಿಡಿ ಮಾಡುವುದಿಲ್ಲ. ವೇಳಾಪಟ್ಟಿಯ ಪ್ರಕಾರ ಇವರು ತಮ್ಮ ಪ್ರತಿಯೊಂದು ನಡೆಯನ್ನೂ ಕೂಡ ಯೋಜಿಸಿರುತ್ತಾರೆ. ತಮ್ಮ ಸುತ್ತಮುತ್ತಲಿನ ಪ್ರದೇಶ ಸ್ವಚ್ಛ ಮತ್ತು ಅಚ್ಚುಕಟ್ಟಾಗಿ ಇರಬೇಕು ಎಂದು ಇವರು ಬಯಸುತ್ತಾರೆ. ಸಂಘಟಿತರಾಗಿರುವ ಇವರ ಈ ಸ್ವಭಾವ ಅವರ ಜೀವನದ ಸ್ಥಳವನ್ನು ಕಾಪಾಡಿಕೊಳ್ಳುವುದಕ್ಕೆ ಸಹಾಯ ಮಾಡುತ್ತದೆ.

3 –ಆಧ್ಯಾತ್ಮಿಕ

3 –ಆಧ್ಯಾತ್ಮಿಕ

ಜೀವನದಲ್ಲಿ ಆಧ್ಯಾತ್ಮಿಕವಾಗಿರುವುದು ಎಂದರೆ ಯಾವುದೇ ಜಪಮಣಿಯನ್ನು ಹಿಡಿದುಕೊಂಡು ಮಂತ್ರ ಫಠಿಸುತ್ತಲೇ ಇರುವುದು ಎಂದರ್ಥವಲ್ಲ. ಬದಲಾಗಿ ದೇವರ ಮೇಲೆ ನಂಬಿಕೆ ಇಟ್ಟುಕೊಳ್ಳುವುದು ಮತ್ತು ಉತ್ತಮ ಕರ್ಮಗಳನ್ನು ಅಂದರೆ ಕೆಲಸವನ್ನು ಮಾಡುವುದು ಎಂದರ್ಥ. ಇದೊಂದು ಗುಣವನ್ನು ಡಿಸೆಂಬರ್ ನಲ್ಲಿ ಹುಟ್ಟಿದವರಲ್ಲಿ ನೀವು ಸಾಮಾನ್ಯವಾಗಿ ಗಮನಿಸುತ್ತೀರಿ. ದೇವರೊಂದಿಗಿನ ಅವರ ನಿಕಟತೆಯು ಅವರನ್ನು ಶುದ್ಧ ಆತ್ಮದವರನ್ನಾಗಿ ಮಾಡುತ್ತದೆ ಮತ್ತು ಇದು ಅವರ ಸುತ್ತಲೂ ಸಕಾರಾತ್ಮಕತೆಯನ್ನು ಹೆಚ್ಚಿಸುತ್ತದೆ. ಅಷ್ಟೇ ಅಲ್ಲ ಅವರ ವ್ಯಕ್ತಿತ್ವಕ್ಕೆ ಹೊಳಪನ್ನು ನೀಡುತ್ತದೆ.

4 – ಹತ್ತಿದ ಏಣಿಯನ್ನು ಮರೆಯಲಾರರು

4 – ಹತ್ತಿದ ಏಣಿಯನ್ನು ಮರೆಯಲಾರರು

ಜನರು ಕೆಲವೊಮ್ಮೆ ಅವರು ನಡೆದು ಬಂದ ದಾರಿಯನ್ನು ಮರೆತುಬಿಡುತ್ತಾರೆ. ಆದರೆ ಡಿಸೆಂಬರ್ ನಲ್ಲಿ ಹುಟ್ಟಿದ ಮಂದಿ ಎಷ್ಟೇ ಯಶಸ್ಸು ಗಳಿಸಿದರೂ ಅವರ ಹಿಂದಿನ ಬದುಕನ್ನು ಮರೆಯಲಾರರು. ಖಂಡಿತವಾಗಲೂ ಈ ಗುಣಸ್ವಭಾವವನ್ನು ಪ್ರತಿಯೊಬ್ಬರೂ ಕಲಿತುಕೊಳ್ಳಬೇಕು. ವರ್ಷದ ಕೊನೆಯ ತಿಂಗಳಲ್ಲಿ ಹುಟ್ಟಿದ ವ್ಯಕ್ತಿಗಳ ಅತ್ಯುತ್ತಮ ಗುಣಗಳಲ್ಲಿ ಇದೂ ಕೂಡ ಒಂದಾಗಿದೆ.

5 – ಬಲವಾಗಿರುತ್ತಾರೆ, ಮುಖ್ಯಸ್ಥರಾಗಿರುತ್ತಾರೆ ಮತ್ತು ನಿರ್ಧರಿತವಾಗಿರುತ್ತಾರೆ

5 – ಬಲವಾಗಿರುತ್ತಾರೆ, ಮುಖ್ಯಸ್ಥರಾಗಿರುತ್ತಾರೆ ಮತ್ತು ನಿರ್ಧರಿತವಾಗಿರುತ್ತಾರೆ

ಇವರ ಮನಸ್ಸನ್ನು ಮುರಿಯುವುದು ಬಹಳ ಕಷ್ಟ. ಗುರಿಯೆಡೆಗಿನ ಇವರ ಪ್ರಯತ್ನವನ್ನು ಖಂಡಿತ ಮೆಚ್ಚಬೇಕು ಮತ್ತು ಇನ್ನೊಬ್ಬರು ಕಲಿತುಕೊಳ್ಳಲೇಬೇಕು. ಇವರ ಬಲಾಢ್ಯತೆಯು ಪರಿಸ್ಥಿತಿಯನ್ನು ಅರ್ಥೈಸಿಕೊಳ್ಳುವುದಕ್ಕೆ ಅನುವು ಮಾಡಿಕೊಡುತ್ತದೆ. ಅದು ಅವರ ನಿರ್ಧಾರಗಳಲ್ಲಿ ಕಾಣಿಸುತ್ತದೆ. ಇವರು ತಮ್ಮ ಭಾವನೆಗಳನ್ನು ಹಿಡಿದಿಟ್ಟುಕೊಳ್ಳುವ ಶಕ್ತಿಯನ್ನು ಹೊಂದಿರುತ್ತಾರೆ. ಹಾಗಾಗಿ ಇವರು ದುಃಖ, ಸಂತೋಷ, ಖುಷಿ, ನೋವು ಎಲ್ಲವನ್ನೂ ನಿಭಾಯಿಸುವುದರಲ್ಲಿ ಪ್ರವೀಣರು.

6 – ಸಹಾಯ ಹಸ್ತ ಚಾಚುವ ಗುಣಸ್ವಭಾವ

6 – ಸಹಾಯ ಹಸ್ತ ಚಾಚುವ ಗುಣಸ್ವಭಾವ

ಈಗಿನ ಕಾಲದ ಜನರು ಸ್ವಲ್ಪ ಸ್ವಾರ್ಥಿಗಳಾಗಿರುತ್ತಾರೆ. ಆದರೆ, ಡಿಸೆಂಬರ್ ನಲ್ಲಿ ಹುಟ್ಟಿದ ವ್ಯಕ್ತಿಗಳು ಸಹಾಯ ಹಸ್ತ ಚಾಚುವ ಸ್ವಭಾವವನ್ನು ಹೊಂದಿರುತ್ತಾರೆ. ಯಾವುದೇ ಪ್ರತಿಫಲಾಪೇಕ್ಷೆ ಇಲ್ಲದೆ ಇವರು ಮಾಡುವ ಸಹಾಯವು ಹಲವರ ಹೃದಯ ಗೆಲ್ಲುವುದಕ್ಕೆ ಕಾರಣವಾಗುತ್ತದೆ. ಇವರ ಈ ವರ್ತನೆಯು ಅನೇಕ ಜನರಿಗೆ ಪ್ರಯೋಜನಕಾರಿಯಾಗಿರುತ್ತದೆ. ಡಿಸೆಂಬರ್ ನಲ್ಲಿ ಹುಟ್ಟಿದವರು ಬೇರೆ ವ್ಯಕ್ತಿಗಳು ಒಂಟಿತನ ಮತ್ತು ದ್ವೇಷಕ್ಕೆ ಕಾರಣವಾಗುವ ತಪ್ಪುಗಳನ್ನು ಮಾಡದಂತೆ ತಡೆಯುತ್ತಾರೆ.

7 – ಅದೃಷ್ಟವಂತರು

7 – ಅದೃಷ್ಟವಂತರು

ಯಾವುದೇ ವ್ಯಕ್ತಿಯ ಜೀವನದಲ್ಲಿ ಅದೃಷ್ಟ ಅನ್ನುವುದು ಬಹಳ ಮುಖ್ಯವಾದ ಪಾತ್ರವನ್ನು ವಹಿಸುತ್ತದೆ. ಹಾಗಾಗಿ ಡಿಸೆಂಬರ್ ನಲ್ಲಿ ಹುಟ್ಟಿದ ವ್ಯಕ್ತಿಗಳು ಹುಟ್ಟುತ್ತಲೇ ಅದೃಷ್ಟವಂತರಾಗಿರುತ್ತಾರೆ. ಅದೃಷ್ಟವು ಇತರರಿಗಿಂತ ಹೆಚ್ಚು ಇವರ ಕೈಹಿಡಿಯುವುದರಿಂದಾಗಿ ಅನೇಕ ವಿಷಯಗಳನ್ನು ಸಾಧಿಸುವುದಕ್ಕೆ ಸಾಧ್ಯವಾಗುತ್ತದೆ.

8 – ಹೆಚ್ಚು ಶಕ್ತಿಶಾಲಿಗಳು

8 – ಹೆಚ್ಚು ಶಕ್ತಿಶಾಲಿಗಳು

ಹೆಚ್ಚಿನ ಆಟಗಾರರು ಡಿಸೆಂಬರ್ ನಲ್ಲಿ ಜನಿಸಿರುವುದರ ಬಗ್ಗೆ ನಿಮಗೆ ತಿಳಿದಿರಬಹುದು. ಇದು ಯಾಕೆಂದರೆ ವರ್ಷದ ಕೊನೆಯ ತಿಂಗಳು ಡಿಸೆಂಬರ್ ನಲ್ಲಿ ಹುಟ್ಟಿದ ಮಂದಿ ಸಾಕಷ್ಟು ಶಕ್ತಿಶಾಲಿಗಳಾಗಿರುತ್ತಾರೆ. ನಿಜ ಹೇಳಬೇಕು ಎಂದರೆ ಈ ತಿಂಗಳಲ್ಲಿ ಹುಟ್ಟಿದ ಮಂದಿ ತಮ್ಮ ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ಹೊಂದಿರುವವರಾಗಿರುತ್ತಾರೆ. ಅದೇ ಕಾರಣಕ್ಕೆ ಅವರು ಪ್ರತಿದಿನ ವರ್ಕ್ ಔಟ್ ಮಾಡುವುದು ಮತ್ತು ಸದೃಢರಾಗಿರುವುದಕ್ಕೆ ಏನು ಮಾಡಬೇಕು ಎಂಬ ಬಗ್ಗೆ ಪ್ರತಿದಿನ ಕೆಲಸ ಮಾಡುತ್ತಾರೆ.

9 – ಬುದ್ಧಿಜೀವಿಗಳು

9 – ಬುದ್ಧಿಜೀವಿಗಳು

ಡಿಸೆಂಬರ್ ನಲ್ಲಿ ಹುಟ್ಟಿದ ವ್ಯಕ್ತಿಗಳಿಗೆ ಸಾಕಷ್ಟು ಜ್ಞಾನವಿರುತ್ತದೆ ಮತ್ತು ಆ ಜ್ಞಾನವನ್ನು ಜಗತ್ತಿನೊಂದಿಗೆ ಹಂಚಿಕೊಳ್ಳುವುದಕ್ಕೆ ಅವರು ಬಯಸುತ್ತಾರೆ. ಜನರಿಗೆ ಕಲಿಯಲು ಸಹಾಯ ಮಾಡುವ ಅವರ ಉತ್ಸಾಹ ಅಥವಾ ಸ್ವಭಾವವು ಸಮಾಜದಲ್ಲಿ ಧನಾತ್ಮಕ ಶಕ್ತಿಯ ಪಸರಿಸುವಿಕೆಗೆ ಅನುಕೂಲ ಮಾಡಿಕೊಡುತ್ತದೆ.

10 – ಅರ್ಥಮಾಡಿಕೊಳ್ಳುವ ಸ್ವಭಾವದವರು

10 – ಅರ್ಥಮಾಡಿಕೊಳ್ಳುವ ಸ್ವಭಾವದವರು

ಕೆಲವು ವ್ಯಕ್ತಿಗಳು ಇನ್ನೊಬ್ಬರನ್ನು ಚೆನ್ನಾಗಿ ಅರ್ಥೈಸಿಕೊಳ್ಳಬಲ್ಲರು. ಅದೃಷ್ಟವಶಾತ್ ಈ ತಿಂಗಳಲ್ಲಿ ಹುಟ್ಟಿದ ವ್ಯಕ್ತಿಗಳಿಗೆ ತಿಳುವಳಿಕೆಯ ಸ್ವಭಾವವಿರುತ್ತದೆ. ಈ ವರ್ತನೆಯಿಂದಾಗಿ ಜನರಲ್ಲಿ ಘರ್ಷಣೆ ಅಥವಾ ತಪ್ಪು ತಿಳುವಳಿಕೆಯನ್ನು ಕಡಿಮೆ ಮಾಡುವುದಕ್ಕೆ ಅನುಕೂಲವಾಗುತ್ತದೆ. ಸಂಕ್ಷಿಪ್ತವಾಗಿ ಹೇಳುವುದೇ ಆದಲ್ಲಿ ಡಿಸೆಂಬರ್ ನಲ್ಲಿ ಹುಟ್ಟಿದ ವ್ಯಕ್ತಿಗಳು ತಮ್ಮ ಸುತ್ತಲಿನ ವಾತಾವರಣ ಮತ್ತು ವ್ಯಕ್ತಿಗಳನ್ನು ಹೆಚ್ಚು ಅರ್ಥೈಸಿಕೊಂಡು ತಿಳಿಯಾದ ವಾತಾವರಣದ ನಿರ್ಮಾಣಕ್ಕೆ ಕಾರಣೀಕರ್ತರಾಗಿರುತ್ತಾರೆ.

ಡಿಸೆಂಬರ್ ನಲ್ಲಿ ಹುಟ್ಟಿದ ವ್ಯಕ್ತಿಗಳಲ್ಲಿ ನಂಬಿಕಸ್ಥ, ಪ್ರಾಮಾಣಿಕ ಮತ್ತು ಕಾಳಜಿಯುಳ್ಳ ಸ್ವಭಾವವನ್ನು ಹೊಂದಿರುತ್ತಾರೆ. ಇವರು ಹೇರಳವಾದ ಜ್ಞಾನವನ್ನು ಹೊಂದಿರುತ್ತಾರೆ ಮತ್ತು ಇತರರಿಗಿಂತ ಹೆಚ್ಚು ದೇವರಲ್ಲಿ ನಂಬಿಕೆಯುಳ್ಳವರಾಗಿರುತ್ತಾರೆ. ಶುದ್ಧ ಹೃದಯ ಮತ್ತು ಆತ್ಮ ಹೊಂದಿರುವವರಿಗೆ ಅದೃಷ್ಟ ಅನ್ನುವುದು ದೇವರು ಇವರಿಗೆ ನೀಡುವ ಕೊಡುಗೆಯಾಗಿರುತ್ತದೆ.

English summary

These Are the Traits of December Born People

December born people – December is the last month of every year. Also, the people born in this month have a generous heart. It won’t be wrong to say that they are last but not the least. So, if you know any December born people then it’s a sign of having positivity around.
X