Just In
- 2 hrs ago ವಿಕಲಚೇತನರಿಗೆ ಸ್ಕೂಟಿ ಗಿಫ್ಟ್..! ಮನೆ ಕಟ್ಟಿಕೊಡುವ ಭರವಸೆ ನೀಡಿದ ನಟ ಲಾರೆನ್ಸ್..!
- 3 hrs ago ಗರಿ ಗರಿಯಾದ ಕೋಡುಬಳೆ ಮನೆಯಲ್ಲೇ ಮಾಡಿ.! 4 ವಸ್ತು ಇದ್ದರೆ ಸಾಕು
- 6 hrs ago Zero Shadow Day: ಬೆಂಗಳೂರಲ್ಲಿ ಇಂದು ಶೂನ್ಯ ನೆರಳು ದಿನ.! ಯಾವ ಸಮಯದಲ್ಲಿ ಗೊತ್ತಾ?
- 8 hrs ago ಹೋಟೆಲ್ ರುಚಿಯ ಪನೀರ್ ಪೆಪ್ಪರ್ ಫ್ರೈ ಮನೆಯಲ್ಲೇ ಮಾಡಿ..! 10 ನಿಮಿಷದಲ್ಲಿ ರೆಡಿ..!
Don't Miss
- Movies ಮದುವೆ ಆಗದೇ ಗರ್ಭಿಣಿಯಾಗಿದ್ರಾ ಮಾಧುರಿ ದಿಕ್ಷಿತ್? ವಿವಾದಾತ್ಮಕ ಟ್ವೀಟ್ಗೆ ಫ್ಯಾನ್ಸ್ ಆಕ್ರೋಶ!
- News Namma Metro Service Extension: ಲೋಕಸಭಾ ಚುನಾವಣೆಗಾಗಿ ಮೆಟ್ರೋ ಸೇವೆ ವಿಸ್ತರಣೆ, ಗಮನಿಸಿ
- Automobiles Hero: ಮಧ್ಯಮ ವರ್ಗದವರ ನೆಚ್ಚಿನ ಬೈಕ್.. ರೂ.75 ಸಾವಿರ ಬೆಲೆ.. ಮೈಲೇಜ್ನಲ್ಲಿ ಸರಿ ಸಾಟಿಯಿಲ್ಲ!
- Sports T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ!
- Technology Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು?
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಗರಗಳ ಬ್ಯಾಚುಲರ್ಸ್ ಗರ್ಲ್ಸ್ ರೂಂ ಸ್ಟೋರಿ ! ರೂಂನಲ್ಲಿ ಏನುಂಟು, ಏನಿಲ್ಲ?
ಮನೆಯಲ್ಲಿ ಬಡತನ, ದುಡಿಯುವ ಅನಿವಾರ್ಯತೆಯಿಂದಾಗಿ ಇನ್ನೂ ಓದುವ ಆಸೆಯಿದ್ದರೂ ಶಿಕ್ಷಣ ಅರ್ಧಕ್ಕೆ ನಿಲ್ಲಿಸಿ ಮಹಾನಗರಿ ಬೆಂಗಳೂರು ಸೇರಿಕೊಂಡೆ. ಬೆಂಗಳೂರು ಹೇಳಿ-ಕೇಳಿ ಮಹಾನಗರಿ ಇಲ್ಲಿ ಯಾರೂ ಗೊತ್ತಿಲ್ಲ, ಏನೂ ತಿಳಿದಿಲ್ಲ. ಬದುಕು ಕಟ್ಟಬೇಕೆಂಬ ಅದಮ್ಯ ಉತ್ಸಾಹ ಮಾತ್ರ ನನ್ನಲ್ಲಿ ಅಗಾಧವಾಗಿತ್ತು.
ನನಗಿಂತ ಮೊದಲೇ ನಮ್ಮೂರಿನ ಕೆಲವು ಹೆಣ್ಣು ಮಕ್ಕಳು ಮಾಯಾನಗರಿ ಸೇರಿದ್ದರು, ಅದಾಗಲೇ ಅವರೆಲ್ಲ ಇಲ್ಲಿನ ಪಿಜಿ(ಪೇಯಿಂಗ್ ಗೆಸ್ಟ್) ಒಂದರಲ್ಲಿ ವಾಸ್ತವ್ಯ ಹೂಡಿದ್ದರು. ತಿಂಗಳಿಗೆ ಎಲ್ಲ ಕಟ್ ಆಗಿ ಸಿಗುತ್ತಿದ್ದ ಸಂಬಳ 8 ಸಾವಿರ, ಅದರಲ್ಲಿ 4,500 ರೂ. ಪಿಜಿಗೆ ಕಟ್ಟಬೇಕಿತ್ತು, ಉಳಿದದ್ದು ಖರ್ಚಿಗೆ. ದುಡಿಯುವುದಕ್ಕೆ ಬಂದಿದ್ದರೂ ಉಳಿತಾಯ ಆಗುತ್ತಿರಲಿಲ್ಲ. ಇದರಿಂದ ನಮ್ಮೂರಿನ 4 ಹುಡುಗಿಯರು ಒಂದು ತೀರ್ಮಾನಕ್ಕೆ ಬಂದಿದ್ದರು.
ಸೋಡ ಹಾಕಿದ ಅನ್ನ ಸಾಕಿತ್ತು
ಎಲ್ಲರೂ ಸೇರಿ ಒಂದು ರೂಂ ಮಾಡಿದರೆ ಸ್ವಲ್ಪ ಹಣ ಉಳಿಸಬಹುದು ಅನ್ನುವುದು ಅವರ ಲೆಕ್ಕಾಚಾರ. ಜೊತೆಗೆ ಕೋಳಿ ಗೂಡಿನಂತ ರೂಂ ನಲ್ಲಿ, ಸೋಡ ಹಾಕಿದ ಅನ್ನ ತಿಂದು ಅವರಿಗೆ ಸಾಕಾಗಿ ಹೋಗಿತ್ತು. ಹೀಗಾಗಿ ತಮ್ಮದೇ ಒಂದು ರೂಂ ಮಾಡುವ ತೀರ್ಮಾನಕ್ಕೆ ಬಂದಿದ್ದರು.
ಅವರು ನಾಲ್ವರ ಜೊತೆ ಐದನೆಯವಳಾಗಿ ನನ್ನ ಎಂಟ್ರಿ ಆಯಿತು. ಒಂದು ಚಿಕ್ಕ ಹಾಲ್, ಒಂದು ರೂಂ, ಕಿಚನ್ ನಲ್ಲಿ ನಮ್ಮ ಸಂಸಾರ. ಬೆಳಗ್ಗೆ ಬೇಗ ಎದ್ದು ಎಲ್ಲರೂ ಸೇರಿ ತಿಂಡಿ, ಮಧ್ಯಾಹ್ನ ಬಾಕ್ಸ್ ಗೆ ರೆಡಿ ಮಾಡಿಕೊಂಡು ಹೊರಟರೆ ಮತ್ತೆ ಗೂಡು ಸೇರುವುದು ರಾತ್ರಿಯೇ, ಎಲ್ಲರೂ ಬೇರೆ ಬೇರೆ ಕಡೆ ಕೆಲಸ ಮಾಡುವವರೇ. ಕೆಲವರು ಬೇಗ ಮನೆ ತಲುಪಿದರೆ ಇನ್ನೂ ಕೆಲವರು ಬಹಳ ತಡವಾಗಿ ಬರುತ್ತಿದ್ದರು.
ಏನುಂಟು ಏನಿಲ್ಲ
ಬೇಗ ಬಂದವರು ರಾತ್ರಿ ಅಡುಗೆಗೆ ಸಿದ್ಧತೆ ನಡೆಸಿದರೆ, ಲೇಟಾಗಿ ಬಂದವರು ಪಾತ್ರೆ ತೊಳೆದು ಕ್ಲೀನ್ ಮಾಡುತ್ತಿದ್ದರು. ಬರುವುದು ಸ್ವಲ್ಪ ತಡವಾದರೂ ಫೋನ್, ಹುಷಾರಿಲ್ಲದಿದ್ದರೆ ಎಲ್ಲರ ಆರೈಕೆ, ಬೇಸರವಾದರೆ ಸಮಾಧಾನದ ಮಾತುಗಳು, ಕಷ್ಟ ಬಂದರೆ ಜೊತೆ ನಿಲ್ಲುವ ಗೆಳತಿಯರು, ಜೊತೆಗೆ ಶಾಪಿಂಗ್, ವಾರದಲ್ಲೊಮ್ಮೇ ಸ್ಪೈಸಿ ಚಿಕನ್, ಒಬ್ಬರ ಬಟ್ಟೆ ಇನ್ನೊಬ್ಬರು ಹಾಕಿಕೊಳ್ಳುವುದು, ಚಪ್ಪಲಿ ಎಕ್ಸಚೇಂಜ್, ಹುಡುಗ ಪ್ರಪೋಸ್ ಮಾಡಿದರೆ ಸಲಹೆ, ಒಂದಷ್ಟು ಕಾಮಿಡಿ ಮಾತುಗಳು ಏನುಂಟು ಏನಿಲ್ಲ, ನಮ್ಮದೇ ಲೋಕವಾಗಿತ್ತು.
ಕುಟುಂಬಕ್ಕಿಂತ ಹೆಚ್ಚಿನ ಪ್ರೀತಿಯನ್ನೇ ಪಡೆದೆ
ಒಂದು ಕುಟುಂಬ ಕೊಡಬಹುದಾದ್ದಕ್ಕಿಂತ ಹೆಚ್ಚಿನದನ್ನು ನಾನು ಪಡೆದುಕೊಂಡಿದ್ದು ನನ್ನ ಗೆಳತಿಯರ ರೂಂನಲ್ಲೇ. ನಮ್ಮಲ್ಲಿ ಮುನಿಸು ಇರಲಿಲ್ಲವೆಂದಲ್ಲ, ಆದರೆ ಎಲ್ಲರೂ ಬೇಗ ಸರಿ ಹೋಗುತ್ತಿದ್ದೆವು. ತಿಂಗಳ ರೇಷನ್, ಹಾಲು, ತರಕಾರಿ, ಬಾಡಿಗೆ, ಕರೆಂಟ್ ಬಿಲ್, ಗ್ಯಾಸ್ ಅಬ್ಬಾ ಒಂದಾ ಎರಡಾ ಮನೆ ಎಲ್ಲಾ ಜವಬ್ದಾರಿ ನಮ್ಮ ಮೇಲೆ, ಆದರೂ ಏನೋ ಒಂಥರ ಖುಷಿ.
ಮತ್ತೆ ದಿನ ಬೇಕೆಂದು ದೇವರಲ್ಲಿ ಕೇಳುವೆ
ತಿಂಗಳ ಸಂಬಳ ನಂತರ ಮಾಡುವ ಶಾಪಿಂಗ್, ಹೊಸದಾಗಿ ಕಲಿತ ಅಡುಗೆ, ರಾತ್ರಿಇಡೀ ಆಡಿದ ಮಾತುಗಳು ನೆನಪುಗಳು ಅತೀ ಮಧುರ. ಆ ರೂಂನಲ್ಲಿ ಕಳೆದ ಪ್ರತಿ ಕ್ಷಣ ಸುಂದರ ಅನುಭೂತಿ. ಈಗಲೂ ಆ ರೂಂ ಇದೆ, ಆದರೆ ನಾವಿಲ್ಲ ಅಷ್ಟೇ. ಎಲ್ಲರೂ ಜೀವನದಲ್ಲಿ ಮುನ್ನಡೆದಿದ್ದೇವೆ, ನಮ್ಮ ನಮ್ಮ ಕುಟುಂಬದ ಜೊತೆ ಆದರೆ ಸ್ನೇಹ, ಸಂಬಂಧ, ನೆನಪುಗಳು ಮಾತ್ರ ಇಂದಿಗೂ ಹಸಿರಾಗಿದೆ. ದೇವರೇನಾದರೂ ನನ್ನೆದುರು ಬಂದು ನಿಂಗೇನು ಬೇಕು ಕೇಳಿದರೆ ಮತ್ತೆ ಅದೇ ರೂಂ, ಅದೇ ಗೆಳತಿಯರು, ಅದೇ ಜೀವನದ ಬೇಡಿಕೆ ಇಡುವೆ.