ಡಿಸೆಂಬರ್ 2021: ವಿವಾಹಕ್ಕೆ ಯೋಗ್ಯವಾಗಿರುವ ದಿನಾಂಕಗಳ ಪಟ್ಟಿ ಇಲ್ಲಿದೆ

ಯಾವುದೇ ಶುಭಕಾರ್ಯ ಮಾಡುವ ಮೊದಲು ಶುಭ ದಿನ ಹಾಗೂ ಮುಹೂರ್ತ ನೋಡುವುದು ಬಹಳ ಮುಖ್ಯ. ಅದರಲ್ಲೂ ಮದುವೆಯಂತಹ ಜೀವನದ ಪ್ರಮುಖ ಹಂತವನ್ನು ತಲುಪುವಾಗ ಒಳ್ಳೆಯ ದಿನ ನೋಡಲೇಬೇಕು. ಇದರಿಂದ ದಂಪತಿಗಳಿಬ್ಬರು ಸುಖವಾದ ಜೀವನ ನಡೆಸುತ್ತಾರೆ ಎಂಬ ನಂಬಿಕೆ.
ನೀವೇನಾದರೂ, ವರ್ಷದ ಕೊನೆಯ ತಿಂಗಳಾದ ಡಿಸೆಂಬರ್ನಲ್ಲಿ ಮದುವೆಯಾಗಲು ಉತ್ತಮ ದಿನಗಳನ್ನು ಹುಡುಕುತ್ತಿದ್ದರೆ, ನಾವಿಂದು 2021ರ ಡಿಸೆಂಬರ್ನಲ್ಲಿ ವಿವಾಹಕ್ಕಿರುವ ಶುಭ ದಿನಾಂಕಗಳು ಹಾಗೂ ಮುಹೂರ್ತಗಳ ಬಗ್ಗೆ ಮಾಹಿತಿ ನೀಡಲಿದ್ದೇವೆ.

2021 ಡಿಸೆಂಬರ್ನಲ್ಲಿ ಮದುವೆಗೆ ಶುಭದಿನಾಂಕ ಹಾಗೂ ಮುಹೂರ್ತಗಳ ಬಗ್ಗೆ ಈ ಕೆಳಗೆ ನೀಡಲಾಗಿದೆ:

ನಾವೀಗ ವರ್ಷದ ಕೊನೆಯ ತಿಂಗಳತ್ತ ಕಾಲಿಡುತ್ತೀದ್ದೇವೆ. ಡಿಸೆಂಬರ್ ಅಂದರೆ ನೆನಪಾಗೋದೇ ಚಳಿಗಾಲ ಜೊತೆಜೊತೆಗೆ ಮದುವೆ-ಮುಂಜಿ ಮೊದಲಾದ ಕಾರ್ಯಕ್ರಮಗಳ ಸರದಿ ಸಾಲು. ಮಾರ್ಗಶಿರ ಮಾಸ ಪ್ರಾರಂಭವಾಗುತ್ತಿದ್ದಂತೆ ಮದುವೆ ಕಾರ್ಯಕ್ರಮಗಳು ಹೆಚ್ಚೆಚ್ಚು ನಡೆಯುತ್ತವೆ. ಈ ಕಾಲ ವಿವಾಹಕ್ಕೆ ಅತೀ ಸೂಕ್ತ ಎಂದು ಹೇಳಲಾಗುತ್ತದೆ. ಅತ್ತ ಮಳೆಯ ಜಂಜಾಟವೂ ಇಲ್ಲದೇ, ಇತ್ತ ಬಿಸಿಲ ಬೇಗೆಯೂ ಇಲ್ಲದೇ, ಆರಾಮವಾಗಿ ಮದುವೆಯ ಸಂಭ್ರಮವನ್ನು ಅನುಭವಿಸಲು ಸಾಧ್ಯವಾಗುವುದು ಡಿಸೆಂಬರ್ನಲ್ಲಿ ಮಾತ್ರ. ಹಿಂದೂ ಕ್ಯಾಲೆಂಡರ್ ಪ್ರಕಾರ, ಈ ಡಿಸೆಂಬರ್ ತಿಂಗಳಲ್ಲಿ ಇರುವ ಉತ್ತಮ ವಿವಾಹ ದಿನಾಂಕಗಳ ಬಗ್ಗೆ ಈ ಕೆಳಗೆ ಮಾಹಿತಿಯಿದೆ.

ಡಿಸೆಂಬರ್ನಲ್ಲಿ ಮದುವೆಗೆ ಶುಭದಿನಾಂಕ ಹಾಗೂ ಮುಹೂರ್ತಗಳು:

ಡಿಸೆಂಬರ್ 1, 2021 ಬುಧವಾರ ಸಂಜೆ 6.47ರಿಂದ ಬೆಳಿಗ್ಗೆ 6.27ರವರೆಗೆ
ಡಿಸೆಂಬರ್ 2, 2021 ಗುರುವಾರ ಬೆಳಿಗ್ಗೆ 6.27ರಿಂದ ಸಂಜೆ 4.28ರವರೆಗೆ
ಡಿಸೆಂಬರ್ 6, 2021 ಸೋಮವಾರ ಬೆಳಿಗ್ಗೆ 2.19ರಿಂದ ಮರುದಿನ ಬೆಳಗ್ಗೆ 6.27ರವರೆಗೆ
ಡಿಸೆಂಬರ್ 7, 2021 ಮಂಗಳವಾರ ಬೆಳಿಗ್ಗೆ 6.29ರಿಂದ ಮಧ್ಯಾಹ್ನ 1.02ರವರೆಗೆ
ಡಿಸೆಂಬರ್ 11, 2021 ಶನಿವಾರ ರಾತ್ರಿ 10.32ರಿಂದ ಮರುದಿನ ಬೆಳಿಗ್ಗೆ 6.32ರವರೆಗೆ
ಡಿಸೆಂಬರ್ 13, 2021 ಸೋಮವಾರ ಬೆಳಿಗ್ಗೆ 6.33ರಿಂದ ಸಂಜೆ 7.34ರವರೆಗೆ