ಲಗ್ನ ರಾಶಿ ಮೇಷದವರು ಇಂತಹ ಹರಳನ್ನು ಧರಿಸಬೇಡಿ, ಕಷ್ಟದ ಮೇಲೆ ಕಷ್ಟ ಬರಬಹುದು!

ಲಗ್ನ ರಾಶಿಗೆ ಅನುಗುಣವಾಗಿ ಯಾವ ಹರಳುಗಳನ್ನು ಧರಿಸಬಹುದು?

ಯಾವುದನ್ನು ಧರಿಸಬಾರದು? ಎನ್ನುವುದನ್ನು ಬಹು ಮುಖ್ಯವಾಗಿ ತಿಳಿದುಕೊಳ್ಳಬೇಕು. ಆಗಲೇ ಉತ್ತಮ ಫಲಿತಾಂಶವನ್ನು ಪಡೆದು ಕೊಳ್ಳಬಹುದು. ಈ ನಿಟ್ಟಿನಲ್ಲಿಯೇ ಲಗ್ನ ರಾಶಿ ಮೇಷದವರು ಯಾವ ರತ್ನಗಳನ್ನು ಧರಿಸಬೇಕು? ಯಾವುದನ್ನು ಧರಿಸಬಾರದು ಎನ್ನುವುದನ್ನು ಈ ಮುಂದಿನ ವಿವರಣೆಯಲ್ಲಿ ವಿವರಿಸಲಾಗಿದೆ.

ಲಗ್ನ ರಾಶಿ ಮೇಷದವರು ಯಾವ ಹರಳನ್ನು ಧರಿಸಬಾರದು?

ಜನ್ಮ ಕುಂಡಲಿಯಲ್ಲಿ ಸಾಮಾನ್ಯವಾಗಿ 12 ಮನೆಗಳಿರುತ್ತವೆ. ಅವುಗಳಲ್ಲಿ ಹುಟ್ಟಿದ ಸಮಯಕ್ಕೆ ಅನುಗುಣವಾಗಿ ಒಂದೊಂದು ವಿಶೇಷ ರಾಶಿಗಳು ಲಗ್ನರಾಶಿಯಾಗಿರುತ್ತವೆ. ಅಲ್ಲದೆ ಜನ್ಮ ಕುಂಡಲಿಯಲ್ಲಿ ಮೇಲ್ಮನೆ ಹಾಗೂ ಕೆಳಮನೆ ಎಂದು ವಿಂಗಡಿಸಲಾಗುವುದು. ರತ್ನ ದೇವತೆಯು ಕೆಳಮನೆಯಲ್ಲಿ ಕುಳಿತುಕೊಳ್ಳಬಾರದು ಎನ್ನುವುದನ್ನು ಎಲ್ಲರೂ ನೆನಪಿಟ್ಟುಕೊಳ್ಳಬೇಕು. ಉದಾಹರಣೆಗೆ: ಋಣಾತ್ಮಕ ಪರಿಣಾಮ ಬೀರುವ ಗ್ರಹಗಳು 3, 6, 8 ಮತ್ತು 12ರ ಮನೆಯಲ್ಲಿ ಕುಳಿತು ಕೊಂಡಿದ್ದರೆ ಆ ಗ್ರಹಗಳಿಗೆ ಸಂಬಂಧಿಸಿದ ರತ್ನ ಅಥವಾ ಹರಳುಗಳನ್ನು ಧರಿಸಬಾರದು.

ಮೇಷ ಲಗ್ನದಲ್ಲಿ ಇರುವವರು ಮಕ್ರ್ಯುರಿ ಕಲ್ಲನ್ನು ಧರಿಸಬಾರದು

ಮೇಷ ಲಗ್ನದಲ್ಲಿ ಇರುವವರು ಮಕ್ರ್ಯುರಿ ಕಲ್ಲನ್ನು ಧರಿಸಬಾರದು. ಮಕ್ರ್ಯುರಿಗೆ ಸಂಬಂಧಿಸಿದ ಹರಳು ಎಂದರೆ ಪಚ್ಚೆ. ಅಲ್ಲದೆ ಇವರು ಡೈಮಂಡ್, ಬಿಳಿ ನೀಲಮಣಿ, ಕ್ಷೀರ ಸ್ಪಟಿಕ ಹರಳುಗಳನ್ನು ಧರಿಸಬಾರದು ಎಂದು ಹೇಳಲಾಗುವುದು.

ಲಗ್ನ ರಾಶಿ ಮೇಷದವರು ಧರಿಸಬಹುದಾದ ಹರಳು ಯಾವುದು?

ರಾಶಿಚಕ್ರಗಳಲ್ಲಿ ಮೊದಲನೆ ಮನೆಯನ್ನು ಹೊಂದಿರುವ ರಾಶಿ ಮೇಷ. ಮೇಷ ರಾಶಿಯವರಾಗಿದ್ದರೆ ಇವರನ್ನು ಆಳುವ ಗ್ರಹ ಮಂಗಳ. ಮಂಗಳ ಗ್ರಹಕ್ಕೆ ಶುಭಕರವಾದ ಹರಳು ಎಂದರೆ ಕೆಂಪು ಹವಳ. ಲಗ್ನದಲ್ಲಿ ಮೇಷವನ್ನು ಹೊಂದಿದವರು ಕೆಂಪು ಹವಳವನ್ನು ಧರಿಸಬಹುದು. ಇದರಿಂದ ಹೆಚ್ಚು ಅದೃಷ್ಟ ಹಾಗೂ ಶ್ರೇಯಸ್ ದೊರೆಯುವುದು ಎಂದು ಹೇಳಲಾಗುತ್ತದೆ.

ಸೂರ್ಯನ ರತ್ನದ ಮಾಣಿಕ್ಯವನ್ನು ಧರಿಸಬಹುದು

ಇವರು ರೂಬಿ ಎಂದು ಕರೆಯಲ್ಪಡುವ ಸೂರ್ಯನ ರತ್ನದ ಮಾಣಿಕ್ಯವನ್ನು ಧರಿಸಬಹುದು. ಇದು ವ್ಯಕ್ತಿಗೆ ಸಕಾರಾತ್ಮಕ ಫಲಿತಾಂಶವನ್ನು ನೀಡುವುದು. ಇವರು ಗುರು ರತ್ನವನ್ನು ಧರಿಸಬಹುದು. ಗುರು ಮತ್ತು ಪುಖ್ರಾಜ್ ರತ್ನದ ಕಲ್ಲುಗಳನ್ನು ಧರಿಸಬಹುದು. ಹಳದಿ ನೀಲಮಣಿಗೆ ಹೀಗೆಂದು ಕರೆಯುತ್ತಾರೆ. ಮೇಷ ಲಗ್ನದವರಿಗೆ ಇನ್ನೊಂದು ಆಯ್ಕೆಯೆಂದರೆ ಚಂದ್ರಮಾ ರತ್ನ.

ಯೋಗ್ಯ ರೀತಿಯ ಹರಳನ್ನು ಧರಿಸಿ...

ಜನ್ಮ ಕುಂಡಲಿಗೆ ಅನುಸಾರವಾಗಿ ಲಗ್ನಾಧಿ ಪತಿಗೆ ಹೊಂದುವಂತಹ ರತ್ನಗಳ ಆಯ್ಕೆ ಮಾಡಿಕೊಳ್ಳಬೇಕು. ಯೋಗ್ಯ ರೀತಿಯ ಹರಳನ್ನು ಧರಿಸುವುದರಿಂದ ಜೀವನದಲ್ಲಿ ಸಕಾರಾತ್ಮಕ ಸಂದರ್ಭಗಳು ಕೈಗೂಡಿ ಬರುತ್ತವೆ. ಶ್ರೇಯಸ್ಸು ಹಾಗೂ ಜೀವನದಲ್ಲಿ ಏಳಿಗೆಯೂ ಅನಿರೀಕ್ಷಿತವಾಗಿ ಸಂಭವಿಸುವುದು. ಜೊತೆಗೆ ಜೀವನದಲ್ಲಿ ಸಾಕಷ್ಟು ನೆಮ್ಮದಿ ದೊರೆಯುವುದು ಎಂದು ಜ್ಯೋತಿಷ್ಯ ಶಾಸ್ತ್ರ ಹೇಳುತ್ತದೆ.