ತಪ್ಪು ಎಂದೂ ಗೊತ್ತಿದ್ದರೂ ಕೂಡ, ವೇಶ್ಯೆಯರ ಸಹವಾಸ ಮಾಡುತ್ತಾರೆ!

ಮಾನಸಿಕ ವ್ಯಭಿಚಾರ

ಪುರುಷರು ಎಷ್ಟೇ ಏಕಪತ್ನಿ ವ್ರತಸ್ಥರಾಗಿದ್ದರೂ ಮಾನಸಿಕವಾಗಿ ಕೊಂಚವಾದರೂ ವ್ಯಭಿಚಾರಿಗಳೇ ಆಗಿರುತ್ತಾರೆ. ಇವರು ಬದ್ಧತೆಯ ಬಂಧನದಲ್ಲಿ ಬಂಧಿತರಾಗಿದ್ದರೂ ಮಾನಸಿಕವಾಗಿ ತಮಗೆ ಅಪರಿಚಿತರಾಗಿರುವವರಲ್ಲಿ ಇನ್ನೇನೋ ಹೊಸದಿರಬಹುದೆಂಬ ಆಶಾಭಾವನೆ ಹೊಂದಿರುತ್ತಾರೆ. ಈ ಮಾನಸಿಕ ಸ್ಥಿತಿ ಕೆಲವೊಮ್ಮೆ ಪೇಟೆಯ ಹಾಲಿನ ರುಚಿ ನೋಡಲು ಪ್ರೇರೇಪಿಸುತ್ತದೆ!

ತಮ್ಮ ಪತ್ನಿಗಿಂತಲೂ ಆಕರ್ಷಕರಾಗಿರುವ ಮಹಿಳೆಯರ ಆಕರ್ಷಣೆ ಹೆಚ್ಚು!

ಸಾಮಾನ್ಯವಾಗಿ ಮಹಿಳೆಯರ ದೇಹಸೌಂದರ್ಯ ಅಥವಾ ಮೈಮಾಟ ಪುರುಷರ ಆಕರ್ಷಣೆಗೆ ಪ್ರಮುಖ ಕಾರಣವಾಗಿದ್ದು ತಮ್ಮ ಪತ್ನಿಗಿಂತಲೂ ಉತ್ತಮ ಮೈಮಾಟ ಹೊಂದಿರುವ ಮಹಿಳೆಯರ ಬಗ್ಗೆ ಹೆಚ್ಚು ಆಕರ್ಷಣೆ ಹೊಂದಿರುತ್ತಾರೆ. ಒಂದು ವೇಳೆ ಈ ಮೈಮಾಟ ಮಾರಾಟಕ್ಕಿದೆ ಎಂದು ತಿಳಿದರೆ ಇದನ್ನು ಖರೀದಿಸುವತ್ತ ಮನಸ್ಸು ಹೊರಳುತ್ತದೆ.

ತಮ್ಮ ಮನೋಕಾಮನೆಗಳನ್ನು ಪೂರೈಸಿಕೊಳ್ಳಲು

ಸಾಮಾನ್ಯವಾಗಿ ಕಾಮದ ವಿಷಯದಲ್ಲಿ ಪುರುಷರು ಹೆಚ್ಚಿನ ರಂಜನೆಯನ್ನು ಹೆಚ್ಚಿನ ವಿಧದಲ್ಲಿ ಪಡೆಯಲು ಇಚ್ಛಿಸುತ್ತಾರೆ. ಆದರೆ ಇದಕ್ಕೆ ಮನೆಯಲ್ಲಿ ಅವಕಾಶ ಸಿಗದಿದ್ದಲ್ಲಿ ನಿರಾಶರಾಗುತ್ತಾರೆ. ಒಂದು ವೇಳೆ ಅವಕಾಶ ಸಿಕ್ಕಿದರೆ ತಮ್ಮ ಬಯಕೆಯನ್ನು ತೀರಿಸಿಕೊಳ್ಳಲು ಅವರು ಖರ್ಚು ಮಾಡಲು ಹಿಂದೆ ನೋಡುವುದಿಲ್ಲ. ಈ ಮೂಲಕ ಹಣ ಕೊಟ್ಟು ತಮಗೆ ಬೇಕೆನಿಸಿದಂತಹ ಸೇವೆಯನ್ನು ಪಡೆದುಕೊಳ್ಳುತ್ತಾರೆ.

ತಕ್ಷಣವೇ ಶಯನಕ್ಕೆ ತಯಾರಾಗುವ ಕಾರಣ

ಕೆಲವು ಪುರುಷರಿಗೆ ತಾವು ಕರೆದಾಕ್ಷಣ ತಮ್ಮ ಕಾಮನೆಯನ್ನು ಪೂರೈಸಲು ಬರಬೇಕು ಎಂಬ ಬಯಕೆ ಇರುತ್ತದೆ. ಒಂದು ವೇಳೆ ಮನೆಯಲ್ಲಿ ಇದು ಸಾಧ್ಯವಾಗದೇ ಇದ್ದರೆ ಇವರು ಅವಮಾನವಾದಂತೆ ಅಥವಾ ತಮ್ಮನ್ನು ನಿರ್ಲಕ್ಷಿಸಲಾಗುತ್ತಿದೆ ಎಂದು ಭಾವಿಸುತ್ತಾರೆ. ಈ ನಿರ್ಲಕ್ಷ್ಯಕ್ಕೆ ಪ್ರತೀಕಾರದ ರೂಪದಲ್ಲಿ ಹಣಕೊಟ್ಟ ತಕ್ಷಣ ಶಯನಕ್ಕೆ ತಯಾರಾಗುವ ಸೇವೆಯನ್ನು ಪಡೆಯಲು ಇಚ್ಛಿಸುತ್ತಾರೆ.

ತಮ್ಮ ಬಗ್ಗೆ ತಪ್ಪು ಅಭಿಪ್ರಾಯ ಬರದೇ ಇರಲು

ಸಾಮಾನ್ಯವಾಗಿ ಪುರುಷರು ವರ್ಷದ ಎಲ್ಲಾ ದಿನಗಳಲ್ಲಿಯೂ ಕಾಮದ ವಿಷಯದಲ್ಲಿ ಆಸಕ್ತಿ ಹೊಂದಿರುತ್ತಾರೆ.ಆದರೆ ಮಹಿಳೆಯರಿಗೆ ಹಾಗಲ್ಲ, ಅವರಿಗೆ ತಿಂಗಳ ರಜಾದಿನ, ಮಾನಸಿಕ ತೊಳಲಾಟ, ದೈಹಿಕ ಸ್ವಾಸ್ಥ್ಯ ಮೊದಲಾದ ಹತ್ತು ಹಲವು ಕಾರಣಗಳಿಂದ ಇಲ್ಲ ಎನ್ನಬೇಕಾಗುತ್ತದೆ. ಈ ಸಮಯದಲ್ಲಿ ಇವರ ಬೇಡಿಕೆ ಬಂದರೆ 'ಸದಾಶಿವನಿಗೆ ಸದಾ ಅದೇ ಧ್ಯಾನ' ಎಂಬ ಹಣೆಪಟ್ಟಿ ಸುಲಭವಾಗಿ ದಕ್ಕಿಬಿಡುತ್ತದೆ. ಈ ಹಣೆಪಟ್ಟಿ ಪಡೆಯಲು ಸರ್ವಥಾ ಸಿದ್ಧರಿಲ್ಲದ ಪುರುಷರು ಯಾರಿಗೂ ಗೊತ್ತಾಗದಂತೆ ತಮ್ಮ ಕಾಮನೆಯನ್ನು ಹಣ ಕೊಟ್ಟು ಪೂರೈಸಿಕೊಂಡು ಮನೆಯಲ್ಲಿಯೂ ಯಾವುದೇ ಅನುಮಾನಕ್ಕೆ ಅವಕಾಶ ನೀಡದೇ ನಿರಾಳತೆ ಅನುಭವಿಸುತ್ತಾರೆ.

ಕೆಲವು ಹೊಸ ಪ್ರಯೋಗಗಳಿಗಾಗಿ

ಎಷ್ಟೋ ಪುರುಷರು ತಮ್ಮ ಜೀವನದಲ್ಲಿ ಸಾಧಿಸಬೇಕಾದ ಪಟ್ಟಿಯಲ್ಲಿ ಈ ವಿಷಯವನ್ನೂ ಸೇರಿಸಿರುತ್ತಾರೆ. ಇನ್ನೂ ಕೆಲವರು ತಮಗೆ ಮನೆಯಲ್ಲಿ ಮಾಡಲು ಅಸಾಧ್ಯವಾದ ಪ್ರಯೋಗಗಳನ್ನು ಸಾಧಿಸಲೇಬೇಕೆಂಬ ಛಲವಿರುತ್ತದೆ. ಈ ಕಾರಣಗಳೂ ಪೇಟೆಯ ಹಾಲನ್ನು ಖರೀದಿಸಲು ಪ್ರೇರಣೆ ನೀಡುತ್ತವೆ.