ಇಷ್ಟೊಂದು ಮುದ್ದಾದ ಹುಡುಗಿಗೆ, ಆ ದೇವರು ಎಂತಹ ಶಿಕ್ಷೆ ಕೊಟ್ಟು ಬಿಟ್ಟ ನೋಡಿ...!

ಈ ಯುವತಿಗೆ ಮಾಸಿಕ ಸ್ರಾವವೇ ಆಗುತ್ತಿರಲಿಲ್ಲ

ಹದಿನೆಂಟಾದರೂ ಮಾಸಿಕ ಚಕ್ರವೇಕೆ ಪ್ರಾರಂಭವಾಗಿಲ್ಲ ಎಂಬ ಪ್ರಶ್ನೆಯೊಂದಿಗೆ ಸ್ತ್ರೀರೋಗತಜ್ಞ ವೈದ್ಯರ ಬಳಿ ತಪಾಸಣೆಗೆ ಬಂದ ಈ ಯುವತಿಯನ್ನು ಕೂಲಂಕುಷವಾಗಿ ಪರಿಶೀಲಿಸಿದ ವೈದ್ಯರಿಗೆ ಅವರ ಜೀವಮಾನದ ಆಶ್ಚರ್ಯ ಕಾದಿತ್ತು.

ಈ ಯುವತಿಗೆ ಅತ್ಯಪರೂಪದ ಕೊರತೆ ಇತ್ತು

ಅಮೇರಿಕಾದ ಅರಿಜೋನಾ ಪ್ರಾಂತದ ಗಿಲ್ಬರ್ಟ್ ನಗರದ ನಿವಾಸಿಯಾಗಿರುವ ಕೈಲೀ ಮೋವಾಟ್ಸ್ ಎಂಬ ಈ ಯುವತಿಗೆ Mayer Rokitansky Küster Hauser syndrome (MRKH) ಎಂಬ ಅತ್ಯಪರೂಪದ ಕಾಯಿಲೆ ಆವರಿಸಿತ್ತು. ಇದನ್ನು ಕಾಯಿಲೆ ಎನ್ನುವುದಕ್ಕಿಂತ ಕೊರತೆ ಎನ್ನುವುದೇ ಮೇಲು. ಈ ಕೊರತೆ ಹೊಂದಿರುವ ಮಹಿಳೆಯರಿಗೆ ಜನನದ್ವಾರ, ಗರ್ಭಕೋಶ ಅಥವಾ ಗರ್ಭನಾಳವೇ ಇರುವುದಿಲ್ಲ. ಅಂಡಾಣುಗಳೂ ಉತ್ಪತ್ತಿಯಾಗುವುದಿಲ್ಲ. ಪರಿಣಾಮವಾಗಿ ಮಾಸಿಕ ಋತುಚಕ್ರವೂ ಇಲ್ಲ!

ಈಕೆಯ ಸ್ಥಿತಿ ತಡವಾಗಿ ಬೆಳಕಿಗೆ ಬಂದಿತ್ತು

ಈ ತೊಂದರೆ ಇರುವುದುದು ತುಂಬಾ ತಡವಾಗಿ ಕಂಡುಬಂದಿತ್ತು. ಬಳಿಕವೂ ಆಕೆ ತಾನು ಋತುಮತಿಯಾಗದೇ ಇದ್ದ ದುಗುಡಕ್ಕೆ ಈ ಸ್ಥಿತಿಯೇ ಕಾರಣವೆಂದು ಗೊತ್ತಿದ್ದರೂ ಅಕ್ಕಪಕ್ಕದವರು ಏನು ಹೇಳುತ್ತಾರೋ ಎಂಬ ಆತಂಕದಿಂದ ಈಕೆ ತನ್ನ ದೇಹಸ್ಥಿತಿಯ ಬಗ್ಗೆ ಯಾರಲ್ಲಿಯೂ ಹೇಳಿಕೊಂಡೇ ಇರಲಿಲ್ಲ.

ಈಕೆಯ ಪ್ರಿಯಕಯರನೇ ಈಕೆಯ ಸರ್ವಸ್ವ

ಈಕೆ ಓದುತ್ತಿರುವ ಕಾಲೇಜಿನಲ್ಲಿಯೇ ಹಿರಿಯ ತರಗತಿಯಲ್ಲಿ ಓದುತ್ತಿರುವ ಹುಡುಗನೊಬ್ಬನನ್ನು ಆಕೆ ಮೆಚ್ಚಿ ಪ್ರಿಯಕರನ ರೂಪದಲ್ಲಿ ಆರಾಧಿಸ ತೊಡಗಿದ್ದಳು. ಆದರೆ ತನಗೆ ಈ ಸ್ಥಿತಿ ಇದೆ ಎಂದು ಆತನಲ್ಲಿ ತಿಳಿಸಲು ಹೇಳಲೋ ಬೇಡವೋ ಎಂಬ ದ್ವಂದ್ವದಲ್ಲಿ ಒಂದು ತಿಂಗಳೇ ಬೇಕಾಯಿತು. ಕಡೆಗೂ ಧೈರ್ಯ ಮಾಡಿ ಈ ಸ್ಥಿತಿಯ ಬಗ್ಗೆ ಸ್ಪಷ್ಟವಾಗಿ ಹೇಳಿದಳು. ಈ ವಾಸ್ತವವನ್ನು ಅರಿತ ಬಳಿಕ ಮೊದಲಿಗೆ ಈತ ವಿಚಲಿತನಾದರೂ ತನ್ನ ಪ್ರಿಯತಮೆಗೆ ಅಗತ್ಯವಿರುವ ಎಲ್ಲಾ ಸಹಕಾರ ಬೆಂಬಲಗಳನ್ನು ನೀಡುವ ಭರವಸೆಯನ್ನು ಆತ ನೀಡಿದ. ಈ ಸ್ಥಿತಿ ಇದ್ದರೂ ಇಲ್ಲದಿದ್ದರೂ ಆಕೆಯ ಕುರಿತಾದ ತನ್ನ ಪ್ರೇಮ ಬದಲಾಗುವುದಿಲ್ಲ ಎಂದೂ ಸ್ಪಷ್ಟಪಡಿಸಿದ.

ಈಗ ಈಕೆ ನಿಧಿಯನ್ನು ಸಂಗ್ರಹಿಸುತ್ತಿದ್ದಾಳೆ

ಈ ಸ್ಥಿತಿಗೆ ಶಸ್ತ್ರಕ್ರಿಯೆಯ ಮೂಲಕ ಪರಿಹಾರ ಒದಗಿಸಬಹುದು. ಆದರೆ ಇದು ತುಂಬಾ ದುಬಾರಿಯಾದ ಹಾಗೂ ಜಟಿಲವಾದ ಶಸ್ತ್ರಕ್ರಿಯೆಯಾಗಿದೆ. ಈ ಜೋಡಿಯ ಬಳಿ ಅಷ್ಟೊಂದು ಹಣವಿಲ್ಲದೇ ಇರುವ ಕಾರಣ ಸಾರ್ವಜನಿಕರಿಂದ ನಿಧಿ ಸಂಗ್ರಹಿಸುವ ಕ್ರೌಡ್ ಫಂಡಿಂಗ್ ಎಂಬ ವ್ಯವಸ್ಥೆಯ ಮೂಲಕ ಹಣವನ್ನು ಸಂಗ್ರಹಿಸಲು ಪ್ರಾರಂಭಿಸಿದ್ದು ಸಾರ್ವಜನಿಕರಲ್ಲಿ ನೆರವನ್ನು ಯಾಚಿಸಿದ್ದಾರೆ. ಈ ಯುವತಿಗೆ ಶೀಘ್ರವೇ ಹೆಣ್ತನ ಲಭಿಸಲಿ, ಈ ಜೋಡಿ ಸುಖವಾಗಿ ನೂರ್ಕಾಲ ಬಾಳಲಿ ಎಂದು ನಾವೆಲ್ಲಾ ಹಾರೈಸೋಣ.

Image Courtesy