75 ವರ್ಷದ ಹಿಂದಿನ 'ದ್ವೀಪ'ದ ಭಯಾನಕ ಸಂಗತಿ!

ಇದು ಗ್ರುಯೆನಾರ್ಡ್ ದ್ವೀಪ

ಈ ದ್ವೀಪವನ್ನು ಗ್ರುಯೆನಾರ್ಡ್ ದ್ವೀಪವೆಂದು ಕರೆಯಲಾಗುತ್ತದೆ. ಇದು ಸ್ಕಾಟ್ಲೆಂಡ್ ನಿಂದ ಸುಮಾರು 0.6 ಕಿ.ಮೀ. ವಾಯುವ್ಯದಲ್ಲಿದೆ. ಅಂಡಾಕಾರದಲ್ಲಿರುವ ಈ ದ್ವೀಪವು ಗೈರ್ಲೊಚ್ ಮತ್ತು ಉಲ್ಲಪೂಲ್ ನ ಮಧ್ಯದಲ್ಲಿರುವ ಗ್ರುಯೆನಾರ್ಡ್ ತೀರದಲ್ಲಿದೆ.

ಎರಡನೇ ಮಹಾಯುದ್ಧದ ವೇಳೆ

ಎರಡನೇ ಮಹಾಯುದ್ಧದ ವೇಳೆ ಈ ದ್ವೀಪವನ್ನು ಬ್ರಿಟಿಷ್ ಸೈನಿಕರು ಕೆಲವೊಂದು ಪರೀಕ್ಷೆಗಳನ್ನು ಮಾಡಲು ಬಳಸಿಕೊಳ್ಳುತ್ತಾ ಇದ್ದರು. ಶತ್ರುಗಳ ವಿರುದ್ಧ ಪ್ರಯೋಗಿಸಲು ಅಂತ್ರಾಕ್ಸ್ ಅನ್ನು ಇಲ್ಲಿಯೇ ಪರೀಕ್ಷಿಸಲಾಗಿತ್ತು. ಈ ದ್ವೀಪವು ಬ್ರಿಟನ್ ಸೇನೆಯ ಪರೀಕ್ಷೆಗಳಿಗೆ ತಾಣವಾಗಿತ್ತು.

ಅಪಾಯಕಾರಿ ಬ್ಯಾಕ್ಟೀರಿಯಾ ಪರೀಕ್ಷೆ

1942ರಲ್ಲಿ ವಿಜ್ಞಾನಿಗಳು ಅಂತ್ರಾಕ್ಸ್ ಯಾನೆ ವೊಲ್ಲುಮ್ 14578 ಎನ್ನುವ ತುಂಬಾ ಅಪಾಯಕಾರಿ ಬ್ಯಾಕ್ಟೀರಿಯಾವನ್ನು ಪರೀಕ್ಷಿಸಿದರು. ಬಾಂಬ್‌ಗಳಿಗೆ ಇದನ್ನು ತುಂಬಿಸಿಕೊಂಡು ಪರೀಕ್ಷೆ ನಡೆಸಲಾಗುತ್ತಿತ್ತು.

ಕುರಿಗಳ ಮೇಲೆ ಪ್ರಯೋಗ

ಈ ದ್ವೀಪದಲ್ಲಿ ಬ್ಯಾಕ್ಟೀರಿಯಾದ ಫಲಿತಾಂಶವನ್ನು ಸರಿಯಾಗಿ ತಿಳಿದುಕೊಳ್ಳಲು ಸುಮಾರು 80 ಕುರಿಗಳನ್ನು ಬಳಸಿಕೊಳ್ಳಲಾಯಿತು. ಅಂತ್ರಾಕ್ಸ್ ತುಂಬಿದ್ದ ಬಾಂಬ್‌ಗಳನ್ನು ದ್ವೀಪದ ಮೇಲೆ ಹಾಕಲಾಗುತ್ತಿತ್ತು. ಈ ವೇಳೆ ಕುರಿಗಳು ಕೆಲವೇ ದಿನಗಳಲ್ಲಿ ಸಾವನ್ನಪ್ಪುತ್ತಿದ್ದವು. ಪ್ರಾಣಿಗಳ ಮೇಲೆ ಇದರ ಪರಿಣಾಮವನ್ನು ತಿಳಿದುಕೊಳ್ಳಲು ಇದನ್ನು 16 ಎಂಎಂ ಕಲರ್ ಚಿತ್ರವನ್ನಾಗಿ ಮಾಡಲಾಗಿತ್ತು.

ಕಹಿ ಸತ್ಯ ಬಿಚ್ಚಿಟ್ಟ ಅಧ್ಯಯನ

ಇಲ್ಲಿ ತಯಾರಿಸಿ ಪರೀಕ್ಷಿಸಿದಂತಹ ಅಂತ್ರಾಕ್ಸ್ ಜನರನ್ನು ಕೊಲ್ಲಲಿಲ್ಲ. ಆದರೆ ಈ ದ್ವೀಪದಲ್ಲಿ ಜನರು ವಾಸಿದಂತಹ ವಾತಾವರಣವನ್ನು ನಿರ್ಮಾಣ ಮಾಡಿದೆ.

ಯುದ್ಧದ ಬಳಿಕ ದ್ವೀಪ ಮರಳಿ ಕೇಳಿದ ಯಜಮಾನ

ಯುದ್ಧದ ಬಳಿಕ ಈ ದ್ವೀಪವನ್ನು ಬಳಸಬೇಕೆಂದು ಅದರ ಯಜಮಾನ ಕೇಳಿದ. ಆದರೆ ಅಲ್ಲಿನ ಸರಕಾರವು ಇದನ್ನು ನಿರಾಕರಿಸಿತು. ಈ ಪ್ರದೇಶದಲ್ಲಿ ವಿಷಕಾರಿ ಅಂಶಗಳು ತುಂಬಿರುವ ಕಾರಣದಿಂದ ಇದನ್ನು ಬಳಸುವಂತಿಲ್ಲ. ಇದನ್ನು ಸ್ವಚ್ಛ ಮಾಡಿದ ಬಳಿಕ ಜೀವಿಸಲು ಯೋಗ್ಯವೆಂದು ಘೋಷಿಸಲಾಗುವುದು ಎಂದು ಸರಕಾರವು ಹೇಳಿತ್ತು. ಆದರೆ ಕಳೆದ 75 ವರ್ಷಗಳಿಂದ ಈ ದ್ವೀಪವು ಅನಾಥವಾಗಿಯೇ ಬಿದ್ದುಕೊಂಡಿದೆ.ಇದರ ಬಗ್ಗೆ ನಿಮ್ಮ ಅನಿಸಿಕೆ ಅಭಿಪ್ರಾಯಗಳನ್ನು ಕಮೆಂಟ್ ಬಾಕ್ಸ್‌ನಲ್ಲಿ ಹಾಕಲು ಮರೆಯದಿರಿ.