ಈತ ಕತ್ತರಿಯ ಬದಲು ಬೆಂಕಿಹಚ್ಚಿ ತಲೆಕೂದಲು ಕತ್ತರಿಸುತ್ತಾನೆ!

ಈ ತಂತ್ರಕ್ಕೇನು ಹೆಸರು?

ಯಾವುದೇ ಹೊಸತು ಬಂದರೂ ಅದಕ್ಕೊಂದು ಹೆಸರಿಡಬೇಕಲ್ಲಾ, ನಮ್ಮಲ್ಲಾದರೆ ಅಗ್ನಿಕ್ಷೌರ ಎಂದು ಕರೆಯಬಹುದಾಗಿತ್ತು. ಆದರೆ ಇದಕ್ಕೆ ಇವರು ಬ್ಲೋ ಟಾರ್ಚ್ (Blowtorch) ಎಂದು ಹೆಸರಿಟ್ಟಿದ್ದಾರೆ.

ಗಾಝಾದಲ್ಲಿ ಬ್ಲೋಟಾರ್ಚ್ ನದ್ದೇ ಈಗ ಬೋಲ್ ಬಾಲಾ

ಈ ಪರಿಯ ಕ್ಷೌರ ಮಾಡಿಸಿಕೊಳ್ಳಲು ಯುವಕರೆಲ್ಲಾ ಮುಗಿಬಿದ್ದಿದ್ದು ಹೆಚ್ಚಿನವರು ಇದನ್ನು ಕೇವಲ ಕುತೂಹಲಕ್ಕಾಗಿ ಮಾಡಿಸಿಕೊಳ್ಳುತ್ತಿದ್ದಾರೆ. ಗಾಝಾ ಪಟ್ಟಣದಲ್ಲಿ ಈ ಪರಿಯ ಕ್ಷೌರ ಮಾಡಿಸಿಕೊಳ್ಳದಿರುವುದೇ ಒಂದು ಬಗೆಯ ಕೀಳರಿಮೆಯ ವಿಷಯವಾಗಿಬಿಟ್ಟಿದೆ.

ಬೆಂಕಿ ಹತ್ತಿಕೊಳ್ಳುವ ದ್ರವರೂಪದ ಲೇಪನ!

ಕ್ಷೌರಿಕ ಈ ವಿಧಾನಕ್ಕಾಗಿ ಇದುವರೆಗೆ ಯಾವುದೆಂದು ಪ್ರಕಟಿಸದ ದ್ರವರೂಪದ ಲೇಪನವನ್ನು ಕೂದಲ ಮೇಲೆ ಚಿಮುಕಿಸುತ್ತಾನೆ. ಬಳಿಕ ಬಾಚಣಿಗೆಯಲ್ಲಿ ತನಗೆ ಬೇಕಿದ್ದಂತೆ ಬಾಚಿ ಬಳಿಕ ಲೈಟರ್ ಒಂದರಿಂದ ಅಗ್ನಿಸ್ಪರ್ಶ ಮಾಡುತ್ತಾನೆ. ನಂತರ ಬೆಂಕಿ ಕೂದಲನ್ನು ಹೆಚ್ಚು ಸುಡಲು ಬಿಡದೇ ಚಕಚಕನೇ ಬಾಚಣಿಗೆ ಕತ್ತರಿ ಬಳಸಿ ಕತ್ತರಿಸುತ್ತಾನೆ.

ಈ ಪರಿಯ ಅಪಾಯಕ್ಕೆ ಏನು ಪ್ರೇರಣೆ?

ಗಾಝಾ ಪಟ್ಟಣದ ಕ್ಷೌರಿಕರು ವಿಶ್ವದ ಇತರ ವೃತ್ತಿಪರ ಕ್ಷೌರಿಕರಿಗೇನೂ ಕಡಿಮೆಯಿಲ್ಲ ಎಂದು ಜಗತ್ತಿಗೆ ತೋರಿಸುವುದೇ ಇದರ ಉದ್ದೇಶ ಎಂದು ಈ ನಾಪಿತರು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಾರೆ. ಬನ್ನಿ, ಈ ಅಗ್ನಿ ಕ್ಷೌರದ ಪರಿ ಹೇಗಿರುತ್ತದೆ ಎಂಬುದನ್ನು ಕೆಳಗಿನ ವೀಡಿಯೋ ಮೂಲಕ ನೋಡೋಣ: