ಈ ಹಿಂದೂ ದೇವಾಲಯದಲ್ಲಿ ದಿನನಿತ್ಯ ಮುಸ್ಲಿಂ ಮಹಿಳೆಯನ್ನು ಪೂಜಿಸುತ್ತಾರೆ!

ಇಲ್ಲಿರುವ ದೇವತೆ ಮುಸ್ಲಿಂ!

ಭಾರತದಲ್ಲಿರುವ ಅತ್ಯಂತ ವಿಶೇಷವಾಗಿರುವ ಮಂದಿರವೇ ಡೋಲಾ ಮಾತಾ ಮಂದಿರ. ಇಲ್ಲಿ ಮುಸ್ಲಿಂ ಮಹಿಳೆಯನ್ನು ಪೂಜಿಸಲಾಗುವುದು. ಮುಸ್ಲಿಂ ಮಹಿಳೆಯಾಗಿರುವ ಡೋಲಾ ಇಲ್ಲಿನ ಜನರಿಗೆ ಆಶೀರ್ವಾದ ನೀಡುತ್ತಾಳೆಂದು ನಂಬಲಾಗಿದೆ. ಪುರಾತನ ಕಥೆಗಳ ಪ್ರಕಾರ ಝಲಸನ್ ಮೇಲೆ ದರೋಡೆಕೋರರು ದಾಳಿ ಮಾಡಿದ ಸಂದರ್ಭದಲ್ಲಿ ಡೋಲಾ ಎನ್ನುವ ಮುಸ್ಲಿಂ ಮಹಿಳೆ ಅವರ ವಿರುದ್ಧ ಧೈರ್ಯದಿಂದ ಹೋರಾಡಿದ್ದಳು. ದರೋಡೆಕೋರರ ವಿರುದ್ಧ ಹೆಚ್ಚು ಸಮಯ ಕಾದಾಡಲು ಸಾಧ್ಯವಾಗದೆ ಆಕೆ ಪ್ರಾಣ ಕಳಕೊಂಡಿದ್ದಳು.

ಮಂದಿರ ನಿರ್ಮಿಸಿದರು

ಡೋಲಾ ತನ್ನ ಕೊನೆಯುಸಿರೆಳುತ್ತಿದ್ದಂತೆ ಆಕೆಯ ದೇಹವು ಹೂ ಆಗಿ ಪರಿವರ್ತೆನೆ ಗೊಂಡಿತ್ತು ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ಧೈರ್ಯವಂತೆ ಡೋಲಾಗೆ ಗೌರವ ಸೂಚಕವಾಗಿ ಇಲ್ಲಿನ ಜನರು ಮಂದಿರ ನಿರ್ಮಾಣ ಮಾಡಲು ನಿರ್ಧರಿಸಿದರು. ಇಲ್ಲಿ ಈಗ ಡೋಲಾಳನ್ನು ಪೂಜಿಸಲಾಗುತ್ತದೆ. ಈ ಮಂದಿರವನ್ನು ಡೋಲಾ ಮಾತಾ ಮಂದಿರವೆನ್ನಲಾಗುತ್ತದೆ.

ಯಾವುದೇ ಮೂರ್ತಿಯಿಲ್ಲ

ಈ ಮಂದಿರದಲ್ಲಿ ಯಾವುದೇ ರೀತಿಯ ಮೂರ್ತಿಯಿಲ್ಲ. ಆದರೆ ಒಂದು ಕಲ್ಲಿಗೆ ಸೀರೆ ಸುತ್ತಲಾಗಿದೆ. ಈ ಕಲ್ಲನ್ನು ಪವಿತ್ರವೆಂದು ಪರಿಗಣಿಸಿ ಜನರು ಪೂಜಿಸುವರು. ಈ ಮಂದಿರದ ಕಡೆ ಜನರಿಗೆ ಎಷ್ಟರ ಮಟ್ಟಿಗೆ ನಂಬಿಕೆಯಿದೆಯೆಂದರೆ ಸುಮಾರು ನಾಲ್ಕು ಕೋಟಿ ರೂ.ಗಳಲ್ಲಿ ಈ ಮಂದಿರವನ್ನು ಜೀರ್ಣೋದ್ಧಾರ ಮಾಡಲು ಮುಂದಾಗಿದ್ದಾರೆ.

ಈ ಗ್ರಾಮವು ಜನಪ್ರಿಯ

ಗ್ರಾಮವು ಜನಪ್ರಿಯವಾಗಿರುವುದು ಈ ಮಂದಿರದಿಂದ ಮಾತ್ರವಲ್ಲ. ಇದು ಭಾರತದ ಪ್ರಥಮ ಅಂತರಿಕ್ಷ ಯಾನಿ ಸುನಿತಾ ವಿಲಿಯಮ್ಸ್ ಅವರು ಹುಟ್ಟೂರು. ಸುನಿತಾ ವಿಲಿಯಮ್ಸ್ ತನ್ನ ತಂದೆಯೊಂದಿಗೆ ಡೋಲಾ ಮಾತಾ ಮಂದಿರಕ್ಕೆ ಪ್ರಾರ್ಥನೆ ಸಲ್ಲಿಸಲು ಬಂದಾಗ ಈ ಮಂದಿರ ಜನಪ್ರಿಯವಾಗಿತ್ತು. ಸುನಿತಾ ಈ ಸಣ್ಣ ಗ್ರಾಮದಲ್ಲಿ ಜನಿಸಿರುವುದಕ್ಕೆ ಇಲ್ಲಿನ ಜನರು ಹೆಮ್ಮೆ ಪಡುತ್ತಿದ್ದಾರೆ. ಈ ಗ್ರಾಮದಲ್ಲಿ ಸುನಿತಾ ತಂದೆ 22 ವರ್ಷ ವಾಸವಾಗಿದ್ದರು ಎಂದು ತಿಳಿದುಬಂದಿದೆ.

ಮಂದಿರದಲ್ಲಿ ಭಕ್ತರ ಇಷ್ಟಾರ್ಥ ಸಿದ್ಧಿಯಾಗುವುದು

ವಿದೇಶದಲ್ಲಿ ನೆಲೆಸಿರುವಂತಹ ಈ ಗ್ರಾಮದ ಜನರು ತಮ್ಮ ಇಷ್ಟಾರ್ಥ ಸಿದ್ಧಿಸಿಕೊಳ್ಳಲು ಇಲ್ಲಿ ಪ್ರಾರ್ಥನೆ ಸಲ್ಲಿಸುವರು. ಈ ಗ್ರಾಮದ ಏಳು ಸಾವಿರ ಜನರಲ್ಲಿ ಒಂದುವರೆ ಸಾವಿರ ಜನರು ಅಮೆರಿಕಾದಲ್ಲಿ ವಾಸವಾಗಿದ್ದಾರೆ. ಅವರು ಭಾರತಕ್ಕೆ ಮರಳಿದಾಗ ಡೋಲಾ ಮಾತಾ ಮಂದಿರಕ್ಕೆ ಭೇಟಿ ನೀಡುವರು.