ಪ್ರತಿಯೊಬ್ಬರ ರಾಶಿಯಲ್ಲೂ ಈ ರಹಸ್ಯ ಗುಣಗಳು ಅಡಗಿರುತ್ತದೆ- ನಿಮ್ಮದೂ ಪರಿಶೀಲಿಸಿ

ಮೇಷ

ಇವರು ಆಶಾವಾದಿಗಳು. ಕರಾಳವಾದ ಕತ್ತಲಲ್ಲೂ ಬೆಳಕನ್ನು ಹುಡುಕುವ ಸ್ವಭಾವದವರಾಗಿರುತ್ತಾರೆ. ಈ ಗುಣವು ಅವರಿಗೆ ಹುಟ್ಟಿನಿಂದಲೇ ಆಶೀರ್ವದಿಸಲ್ಪಟ್ಟಿರುವ ಉಡುಗೊರೆ ಎಂದು ಹೇಳಬಹುದು. ಪ್ರತಿಯೊಂದು ಸನ್ನಿವೇಶದಲ್ಲೂ ಸಕಾರಾತ್ಮಕ ಭಾವನೆಯನ್ನೇ ತೋರುತ್ತಾರೆ. ಕಷ್ಟವನ್ನು ಎದುರಿಸುತ್ತಿರುವ ವ್ಯಕ್ತಿಯಲ್ಲಿ ಆಶಾವಾದ ಭಾವನೆಯನ್ನು ಮೂಡುವಂತೆ ಮಾಡುವರು. ಅಲ್ಲದೆ ಈ ರಾಶಿಯ ಜನರು ಸಾಮಾನ್ಯವಾಗಿ ದಿಟ್ಟರೂ, ಹುರುಪುಳ್ಳವರೂ ಆತ್ಮವಿಶ್ವಾಸವುಳ್ಳವರೂ ಆಗಿರುತ್ತಾರೆ. ಯಾವುದೇ ಹೊಸ ಕಾರ್ಯವನ್ನು ಇವರು ಥಟ್ಟನೇ ಕೈಗೊಳ್ಳದೇ, ಇದರ ಸಾಧಕ ಬಾಧಕಗಳನ್ನು ಪರಿಗಣಿಸಿಯೇ ಮುಂದುವರೆಯುವಷ್ಟು ತಾಳ್ಮೆಯನ್ನು ತೋರುತ್ತಾರೆ. ಸರಿ ಎನಿಸಿದ ಬಳಿಕವೇ ಧೈರ್ಯದಿಂದ ಮುನ್ನುಗ್ಗುತ್ತಾರೆ.

ವೃಷಭ

ಇವರು ಉತ್ತಮ ಸಾಮರ್ಥ್ಯ ಉಳ್ಳವರು. ಎಂತಹ ಸಂದರ್ಭಗಳಿದ್ದರೂ ಅದನ್ನು ಸಮರ್ಥವಾದ ರೀತಿಯಲ್ಲಿ ಎದುರಿಸಬಲ್ಲ ಸಾಮರ್ಥ್ಯವನ್ನು ಹೊಂದಿದವ ರಾಗಿರುತ್ತಾರೆ. ಅಧಿಕಾರ ಎನ್ನುವ ವಿಶಿಷ್ಟ ಸಾಮರ್ಥ್ಯದಿಂದ ಆಶೀರ್ವದಿಸಲ್ಪಟ್ಟವರಾಗಿರುತ್ತೀರಿ. ಎಂತಹ ಸಂದರ್ಭವಾದರೂ ಅದನ್ನು ನಿಭಾಯಿಸುವ ಸಾಮರ್ಥ್ಯ ನಿಮಗಿದೆ ಎನ್ನುವುದನ್ನು ತೋರಿಸಿಕೊಡುವಿರಿ.

ಮಿಥುನ

ಇವರು ಹುಟ್ಟಿನಿಂದಲೇ ಉತ್ತಮ ಸಂವಹನಕಾರರು ಎಂದು ಹೇಳಬಹುದು. ತಮ್ಮ ಸ್ನೇಹಿತರ ಗುಂಪಲ್ಲಿ ಅಥವಾ ಸಾಮಾಜಿಕ ಕ್ಷೇತ್ರದಲ್ಲಿ ಉತ್ತಮ ಸಂವಹನಕಾರರಾಗಿ ಮಿಂಚುವರು. ಇವರು ಸಾಮಾಜಿಕ ಸಂಘಟನೆಗಳಲ್ಲಿ ಏಳಿಗೆಗಾಗಿ ಒಲವನ್ನು ತೋರುತ್ತಾರೆ. ಈ ರಾಶಿಯವರು ಎಲ್ಲಾ ವಿಷಯದಲ್ಲಿ ತಮ್ಮ ಕುತೂಹಲವನ್ನು ಪ್ರಕಟಿಸಿ ತಾವು ಎಲ್ಲೆಲ್ಲೂ ಸಲ್ಲುವವರು ಎಂಬ ಭಾವನೆಯನ್ನು ಹೊಂದಿರುತ್ತಾರೆ. ಆದರೆ ಯಾವುದೇ ಒಂದು ವಿಷಯದಲ್ಲಿ ತಮ್ಮ ಕುತೂಹಲವನ್ನು ಕೇಂದ್ರೀಕರಿಸಲು ವಿಫಲರಾಗುತ್ತಾರೆ. ಇವರಿಗೆ ಅತಿ ಆಕರ್ಷಕವಾಗಿ ಕಂಡ ವಿಷಯದಲ್ಲಿ ಮುನ್ನುಗ್ಗಲು ಇವರು ಧೈರ್ಯ ತೋರುತ್ತಾರೆ. ಹೆಚ್ಚಿನ ಸಂದರ್ಭಗಳಲ್ಲಿ ಇವರು ಯಾರೂ ಮುನ್ನುಗ್ಗದೆಡೆ ಮುನ್ನುಗ್ಗುವ ಧೈರ್ಯವನ್ನೂ ತೋರುತ್ತಾರೆ.

ಕರ್ಕ

ಇವರ ವಿಶೇಷ ಗುಣ ನಿಷ್ಠಾವಂತರಾಗಿರುವುದು. ನಿಮ್ಮ ನಡುವೆ ಇರುವವರು ನಿಮ್ಮ ಈ ಗುಣವನ್ನು ಬಹಳ ವಿಶೇಷವೆಂದು ಗುರುತಿಸುವರು. ಇವರಿಗೆ ಇವರ ನಿಷ್ಠೆಯ ಗುಣ ಅತ್ಯಂತ ಪ್ರಮುಖವಾದದ್ದು ಎಂದು ಪರಿಗಣಿಸುವರು. ತಮ್ಮ ಪ್ರೀತಿ ಪಾತ್ರರಿಗೆ ಹೆಚ್ಚು ನಿಷ್ಠಾವಂತರಾಗಿ ಇರುವವರು.

ಸಿಂಹ

ಇವರು ಸದಾ ಸಾಧನೆಯನ್ನು ಬಯಸುತ್ತಿರುವವರಾಗಿರುತ್ತಾರೆ. ಅನೇಕ ಗುರಿಯನ್ನು ಸಾಧಿಸುವ ಉದ್ದೇಶವನ್ನು ಹೊಂದಿರುತ್ತಾರೆ. ಎಲ್ಲವನ್ನೂ ಒಂದೇ ಸಮಯದಲ್ಲಿ ಪೂರ್ಣಗೊಳಿಸುವಲ್ಲಿ ಯಶಸ್ಸನ್ನು ಪಡೆದುಕೊಳ್ಳುತ್ತಾರೆ. ನಿಮ್ಮ ಬದ್ಧತೆಯ ಮೌಲ್ಯದಿಂದ ಮೌಲ್ಯವನ್ನು ಅರ್ಥಮಾಡಿಕೊಳ್ಳುವಿರಿ. ಈ ರಾಶಿಯ ಜನರು ಜನ್ಮತಃ ನಾಯಕತ್ವದ ಗುಣಗಳನ್ನು ಹೊಂದಿರುತ್ತಾರೆ. ಇವರು ಸದಾ ಆಕರ್ಷಣೆಯ ಕೇಂದ್ರವಾಗಿರಬೇಕು ಎಂದು ಆಶಿಸುತ್ತಾರೆ. ಎಲ್ಲರೂ ಇವರನ್ನು ಇಷ್ಟಪಡಬೇಕು ಎಂದು ಬಯಸುತ್ತಾರೆ. ಇದೇ ಕಾರಣಕ್ಕೆ ಇವರು ತಮ್ಮ ಮನಸ್ಸಿನ ಭಾವನೆಗಳನ್ನು ಸ್ಪಷ್ಟವಾಗಿ ಹೊರಗೆಡವುವ ಧೈರ್ಯ ತೋರುತ್ತಾರೆ.

ಕನ್ಯಾ

ಇವರಲ್ಲಿ ಹೊಂದಾಣಿಕೆಯ ಗುಣ ವಿಶೇಷವಾದದ್ದು. ಎಂತಹ ಸಂದರ್ಭ ಬಂದರೂ ಅದಕ್ಕೆ ತಕ್ಕವರಂತೆ ಹೊಂದಿಕೊಂಡು ನಡೆಯುವಿರಿ. ಜೀವನದಲ್ಲಿ ಎಲ್ಲಾ ವಿಚಾರಕ್ಕೂ ನಿಮ್ಮ ನಮ್ಯತೆಯ ಸ್ವಭಾವವನ್ನು ಅನ್ವಯಿಸಲು ಸಾಧ್ಯವಾಗುತ್ತದೆ. ಅದೇ ನಿಮಗೆ ಹೆಚ್ಚು ಸಂತೋಷವನ್ನು ಕೊಡುವ ಸಂಗತಿಯಾಗಿರುತ್ತದೆ. ಈ ರಾಶಿಯ ಜನರು ಶಿಸ್ತುಬದ್ಧರಾಗಿದ್ದು ತಮ್ಮ ನಿತ್ಯದ ಚಟುವಟಿಕೆಯಲ್ಲಿ ಒಪ್ಪ ಓರಣಗಳನ್ನೇ ಬಯಸುತ್ತಾರೆ. ಇವರಿಗೆ ತಮ್ಮ ಕೆಲಸದಲ್ಲಿಯೇ ಆಗಲಿ ಸಂಬಂಧಪಟ್ಟ ಇತರರಿಂದ ಪಡೆಯುವ ಸಹಾಯಗಳೇ ಆಗಲಿ ಓರಣವಾಗಿರಬೇಕು. ಇದಕ್ಕಾಗಿ ಇವರು ಕಠಿಣ ಕ್ರಮಗಳನ್ನು ಕೈಗೊಳ್ಳುವ ಧೈರ್ಯವನ್ನು ಪ್ರಕಟಿಸುತ್ತಾರೆ.

ತುಲಾ

ಇವರು ಎಲ್ಲಾ ಸಂದರ್ಭದಲ್ಲೂ ನ್ಯಾಯ ಬದ್ಧರಾಗಿರಲು ಇಷ್ಟ ಪಡುತ್ತಾರೆ. ಎಲ್ಲಾ ವಿಚಾರವನ್ನೂ ನ್ಯಾಯಯುತವಾಗಿಯೇ ನಿರ್ಣಯಿಸಲು ಇಷ್ಟಪಡುತ್ತಾರೆ. ಸಮಾಜದಲ್ಲಿರುವ ಇತರ ವ್ಯಕ್ತಿಗಳು ನಿಮ್ಮನ್ನು ನ್ಯಾಯಾಧೀಶರು ಎನ್ನುವ ರೀತಿಯಲ್ಲಿಯೇ ನೋಡುತ್ತಾರೆ. ಈ ರಾಶಿಯ ಜನರು ಶಿಸ್ತುಬದ್ದರಾಗಿದ್ದು ತಮ್ಮ ನಿತ್ಯದ ಚಟುವಟಿಕೆಯಲ್ಲಿ ಒಪ್ಪ ಓರಣಗಳನ್ನೇ ಬಯಸುತ್ತಾರೆ. ಇವರಿಗೆ ತಮ್ಮ ಕೆಲಸದಲ್ಲಿಯೇ ಆಗಲಿ ಸಂಬಂಧಪಟ್ಟ ಇತರರಿಂದ ಪಡೆಯುವ ಸಹಾಯಗಳೇ ಆಗಲಿ ಓರಣವಾಗಿರಬೇಕು. ಇದಕ್ಕಾಗಿ ಇವರು ಕಠಿಣ ಕ್ರಮಗಳನ್ನು ಕೈಗೊಳ್ಳುವ ಧೈರ್ಯವನ್ನು ಪ್ರಕಟಿಸುತ್ತಾರೆ.

ವೃಶ್ಚಿಕ

ಇವರು ಹೆಚ್ಚು ಭಾವೋದ್ರಿಕ್ತ ವ್ಯಕ್ತಿಗಳು ಎನ್ನಬಹುದು. ನೀವು ಜೀವನದಲ್ಲಿ ಬರುವ ಎಲ್ಲಾ ಸಮಯ ಹಾಗೂ ಸಂಗತಿಗಳಿಗೂ ಹೆಚ್ಚು ಉತ್ಸುಕರಾಗಿ ವರ್ತಿಸುತ್ತೀರಿ. ನೀವು ಪಡೆದುಕೊಂಡ ವಿಚಾರದ ಬಗ್ಗೆ ಹೆಚ್ಚು ಭಾವೋದ್ರಿಕ್ತರಾಗಿರುತ್ತೀರಿ. ಇವರ ಉತ್ಸಾಹವೇ ಇವರ ಜೀವನದುದ್ದಕ್ಕೂ ಮಾರ್ಗದರ್ಶನ ಹಾಗೂ ಯಶಸ್ಸನ್ನು ತಂದುಕೊಡುತ್ತದೆ. ಈ ರಾಶಿಯ ಜನರು ವಿವಿಧ ಗುಣಗಳನ್ನು ಹೊಂದಿದ್ದು ಧೈರ್ಯವಂತರಾಗಿರುವುದು ಇದರಲ್ಲೊಂದು. ಸಾಮಾನ್ಯವಾಗಿ ತಮ್ಮ ಚಟುವಟಿಕೆಯ ಬಗ್ಗೆ ಇವರು ಗೌಪ್ಯತೆಯನ್ನು ಕಾಪಾಡಿಕೊಂಡು ಬರುತ್ತಾರೆ. ಇದೇ ಕಾರಣಕ್ಕೆ ಇವರು ಜೀವನದ ಇನ್ನೊಂದು ಮಗ್ಗುಲಿನ ಸಂತೋಷವನ್ನು ಕಳೆದುಕೊಳ್ಳುತ್ತಾರೆ. ಹೀಗೆ ಕಳೆದುಕೊಂಡಿರುವುದನ್ನು ಪಡೆಯಲು ಇವರು ಮುನ್ನುಗ್ಗಲು ಹೆಚ್ಚಾಗಿ ಯತ್ನಿಸುವುದಿಲ್ಲ.

ಧನು

ಇವರು ಹೆಚ್ಚು ಮೌಲ್ಯಯುತರು ಎನ್ನಬಹುದು. ಸುತ್ತಲಿನ ಸಂಗತಿಯನ್ನು ಸೂಕ್ತರೀತಿಯಲ್ಲಿ ಮೌಲ್ಯಮಾಪನ ಮಾಡುತ್ತಾರೆ. ಇವರು ಸದಾ ತಮ್ಮ ನಿರೀಕ್ಷೆಗಿಂತ ಹೆಚ್ಚಿನ ಮೌಲ್ಯವನ್ನು ಹೊಂದಲು ಬಯಸುತ್ತಾರೆ. ಇವರು ಜೀವನದಲ್ಲಿ ಹೆಚ್ಚು ಸಾಧನೆ ಮಾಡುವ ಅವಕಾಶವನ್ನು ಪಡೆದುಕೊಳ್ಳುತ್ತಾರೆ. ಈ ರಾಶಿಯವರು ಸಾಮಾನ್ಯವಾಗಿ ಎಲ್ಲಕೂ ಸೈ ಎನ್ನುವ ಮನೋಭಾವ ಹೊಂದಿರುತ್ತಾರೆ. ಇಲ್ಲ, ಸಾಧ್ಯವಿಲ್ಲ ಎಂದು ಹೇಳುವುದನ್ನು ಇವರು ಇಷ್ಟಪಡುವುದಿಲ್ಲ. ಹೀಗೆ ಹೇಳಬೇಕಾದರೆ ಏಕಾಗಿ ಹೇಳಬೇಕಾಗಿ ಬಂತು? ಇದನ್ನು ಹೇಳದಿರಲು ಏನು ಮಾಡಬಹುದು ಎಂಬತ್ತ ಅವರ ಚಿಂತನೆ ಹರಿಯುತ್ತದೆ ಹಾಗೂ ಈ ನಿಟ್ಟಿನಲ್ಲಿ ಮುಂದುವರೆಯುವ ಧೈರ್ಯವನ್ನು ಪ್ರಕಟಿಸುತ್ತಾರೆ.

ಮಕರ

ಇವರು ಮಾಡುವ ಪ್ರತಿಯೊಂದು ಕೆಲಸದಲ್ಲೂ ಯಶಸ್ಸನ್ನು ಸಾಧಿಸುತ್ತಾರೆ. ಸ್ವಾಭಾವಿಕವಾಗಿ ಹೆಚ್ಚು ಯಶಸ್ಸನ್ನು ಹೊಂದಿರುವ ವ್ಯಕ್ತಿ ಎಂತಲೇ ಕರೆಯುತ್ತಾರೆ. ಯಶಸ್ಸಿಗೆ ಸಂಬಂಧಿಸಿದಂತೆ ಅನೇಕ ವಿಚಾರವನ್ನು ತಿಳಿದುಕೊಳ್ಳಲು ಜನ ನಿಮ್ಮೆಡೆಗೆ ಆಕರ್ಷಿತರಾಗುತ್ತಾರೆ. ಈ ರಾಶಿಯ ಜನರು ಸಾಮಾನ್ಯವಾಗಿ ನಿಯಮಗಳನ್ನು ಪಾಲಿಸುವವರಾಗಿದ್ದು ಉತ್ತಮ ಪ್ರೇಮಿಗಳೂ ಆಗಿರುತ್ತಾರೆ. ಇವರು ಸಂಪ್ರದಾಯಸ್ಥರೂ, ಹಠಮಾರಿಗಳೂ ಆಗಿರುತ್ತಾರೆ. ಹೊಸ ವಿಷಯಕ್ಕೆ ಇವರನ್ನು ಒಲಿಸುವುದು ಮತ್ತು ಬದಲಿಸುವುದೇ ಬಹಳ ತ್ರಾಸದಾಯಕ ಕಾರ್ಯವಾಗಿದೆ.

ಕುಂಬ

ಇವರು ಇವರದ್ದೇ ಆದ ವಿಶೇಷವಾದ ರೀತಿಯಲ್ಲಿ ವ್ಯಕ್ತಪಡಿಸಲು ಸಮರ್ಥರಾಗಿರುತ್ತಾರೆ. ಇದು ಇವರಿಗೆ ಹಿಟ್ಟಿನಿಂದಲೇ ಬಂದ ಕಲೆ ಎನ್ನಬಹುದು. ಇವರು ಸದಾ ವಿಶಿಷ್ಟ ವ್ಯಕ್ತಿತ್ವದವರನ್ನು ಹುಡುವ ಪ್ರಯತ್ನದಲ್ಲಿರುತ್ತಾರೆ. ನಿಮ್ಮ ವಿಶೇಷವಾದ ಗುಣ ಹಾಗೂ ಅದನ್ನು ವ್ಯಕ್ತ ಪಡಿಸುವ ಪರಿ ಎಲ್ಲರನ್ನು ಸೆಳೆದು ಕೊಳ್ಳುವಂತಿರುತ್ತದೆ.ಈ ರಾಶಿಯ ಜನರು ತಮ್ಮ ಮೆದುಳು ಮತ್ತು ಭಾವನೆಗಳಿಗೆ ಹೆಚ್ಚಿನ ಆದ್ಯತೆ ನೀಡುತ್ತಾರೆ. ಅಂದರೆ ಭಾವನಾತ್ಮಕವಾದ ಯಾವುದೇ ವಿಷಯವನ್ನು ಇವರು ಎದುರಿಸಲು ಸಮರ್ಥರಾಗಿದ್ದು ಇದಕ್ಕಾಗಿ ಧೈರ್ಯದಿಂದ ಮುನ್ನುಗ್ಗಲು ಸದಾ ಸಿದ್ಧರಿರುತ್ತಾರೆ.

ಮೀನ

ಇವರು ಕನಸುಗಾರರಾಗಿರುತ್ತಾರೆ. ಸದಾ ಹೆಚ್ಚಿನ ನಿರೀಕ್ಷೆಯೊಂದಿಗೆ ಇರುತ್ತಾರೆ. ನೀವು ಆಶೀರ್ವದಿಸಲ್ಪಟ್ಟ ಅಂತರ್ಗತ ಸಾಮರ್ಥ್ಯದಲ್ಲಿ ಇದೂ ಒಂದು.ನೀವು ನೈಸರ್ಗಿಕವಾಗಿಯೇ ಉತ್ತಮ ಕನಸುಗಾರರು ಎಂದು ಹೇಳಬಹುದು. ಇವರು ಜೀವನದಲ್ಲಿ ಏನನ್ನು ಪಡೆದುಕೊಂಡಿದ್ದಾರೆ? ಮುಂದೆ ಏನನ್ನು ಪಡೆದು ಕೊಳ್ಳಬೇಕು? ಎನ್ನುವ ವಿಚಾರದ ಕುರಿತು ಸದಾ ಕನಸು ಕಾಣುತ್ತಿರುತ್ತಾರೆ. ಈ ರಾಶಿಯ ಜನರು ಸಾಮಾನ್ಯವಾಗಿ ತಮ್ಮ ಹಿಂದಿನ ದಿನಗಳ ದುಃಖವನ್ನೇ ಮೆಲುಕು ಹಾಕುತ್ತಾ ಋಣಾತ್ಮಕ ಭಾವನೆಯನ್ನು ಪ್ರಕಟಿಸುತ್ತಿರುತ್ತಾರೆ. ಇವರು ವಾಸ್ತವವನ್ನು ಎದುರಿಸಲು ಪುಕ್ಕಲುತನ ತೋರುತ್ತಾರೆ. ಇತರ ರಾಶಿಗಳಿಗೆ ಹೋಲಿಸಿದರೆ ಹೊಸ ವಿಷಯದತ್ತ ಒಲವು ತೋರಲು ಇವರು ಧೈರ್ಯವನ್ನು ಎಲ್ಲರಿಗಿಂತ ಕಡೆಗೆ ಪ್ರಕಟಿಸುತ್ತಾರೆ.