ತುಟಿಗಳ ಬಗ್ಗೆ ನೀವು ತಿಳಿದಿರದ ಇಂಟರೆಸ್ಟಿಂಗ್ ಸಂಗತಿಗಳು

ವಾಸ್ತವ #1

ಮಾನವ ದೇಹದಲ್ಲಿರುವ ಅತ್ಯಂತ ಸೂಕ್ಷ್ಮ ಅಂಗಗಳಲ್ಲಿ ತುಟಿ ಒಂದಾಗಿದೆ. ಲಕ್ಷಾಂತರ ನರಗಳು ಬಂದು ತುಟಿಗಳಲ್ಲಿ ಅಂತ್ಯವನ್ನು ಕಾಣುತ್ತದೆ. ಆದರೆ ಇದರ ರಕ್ಷಣೆಗೆ ಯಾವುದೇ ರೀತಿಯ ಪದರವಿಲ್ಲವೆಂದು ಅಧ್ಯಯನಗಳು ಹೇಳಿವೆ.

ವಾಸ್ತವ #2

ತುಟಿಗಳಲ್ಲಿ ಯಾವುದೇ ರೀತಿಯ ಬೆವರಿನ ನಾಳಗಳು ಇರದೆ ಇರುವ ಕಾರಣ ತುಟಿಗಳಲ್ಲಿ ಬೆವರು ಬರುವುದಿಲ್ಲ. ದೇಹದ ಇತರ ಭಾಗಕ್ಕಿಂತ ತುಂಬಾ ಬೇಗನೆ ತುಟಿಗಳು ಒಣಗುತ್ತದೆ.

ವಾಸ್ತವ #3

ಬೆರಳ ಗುರುತಿನಂತೆ ತುಟಿಗಳು ಕೂಡ ತುಂಬಾ ವಿಶೇಷವಾಗಿರುವಂತದ್ದಾಗಿದೆ. ವ್ಯಕ್ತಿಗಳಿಬ್ಬರ ತುಟಿಗಳ ಗುರುತು ಒಂದೇ ರೀತಿಯಾಗಿರಲು ಸಾಧ್ಯವಿಲ್ಲ.

ವಾಸ್ತವ #4

ಒಳಗಡೆ ಹಾಗೂ ಹೊರಗಡೆ ವಿಸ್ತರಣೆಯಾಗುವ ದೇಹದ ಒಂದು ಭಾಗವೆಂದರೆ ಅದು ತುಟಿಗಳು. ಬಾಯಿಯ ಒಳಗಡೆ ಉಂಟುಮಾಡುವ ಲೋಳೆಯ ಪೊರೆ ಮತ್ತು ಹೊರಭಾಗದಲ್ಲಿ ಉಂಟಾಗುವ ಲೋಳೆಯ ಪೊರೆ ಸಮಾನವಾಗಿದೆ.

ವಾಸ್ತವ #5

ವ್ಯಕ್ತಿಗೆ ವಯಸ್ಸಾಗುತ್ತಾ ಹೋದಂತೆ ತುಟಿಗಳು ತೆಳುವಾಗುತ್ತಾ ಹೋಗುತ್ತದೆ. ವಯಸ್ಸಾಗುತ್ತಿರುವ ಕಾರಣ ಮತ್ತು ದೇಹದಲ್ಲಿ ಕಾಲಜನ್ ಬಿಡುಗಡೆ ಕಡಿಮೆಯಾಗುವ ಕಾರಣದಿಂದಾಗಿ ಹೀಗೆ ಆಗುತ್ತದೆ. ಕಾಲಜನ್ ಕಡಿಮೆಯಾಗುವ ಕಾರಣದಿಂದಾಗಿ ತುಟಿಗಳು ತೆಳುವಾಗುತ್ತಾ ಹೋಗುತ್ತದೆ.

ವಾಸ್ತವ #6

ಲೈಂಗಿಕತೆಯ ರಹಸ್ಯ ತುಟಿಗಳಲ್ಲಿ ಅಡಗಿದೆ ಎಂದು ನಿಮಗೆ ತಿಳಿದಿದೆಯಾ? ಮಹಿಳೆ ಬೇಗನೆ ಅಥವಾ ತಡವಾಗಿ ಪರಾಕಾಷ್ಠೆಗೆ ತಲುಪುತ್ತಾಳೆಯಾ ಎಂದು ತುಟಿಗಳನ್ನು ನೋಡಿ ತಿಳಿದುಕೊಳ್ಳಬಹುದು ಎಂದು ಅಧ್ಯಯನಗಳು ಕಂಡುಕೊಂಡಿವೆ.

ವಾಸ್ತವ #7

ತುಟಿಗಳು ಕೂಡ ಪಾರ್ಶ್ವವಾಯುವಿಗೆ ತುತ್ತಾಗಬಹುದು. ಮುಖದ ಈ ರೀತಿಯ ಪಾರ್ಶ್ವವಾಯುವನ್ನು ಬೆಲ್ಸ್ ಪಾರ್ಶ್ವವಾಯು ಎನ್ನಲಾಗುತ್ತದೆ. ಮುಖದಲ್ಲಿನ ನರಗಳು ಹಾನಿಗೊಳಗಾಗುವುದರಿಂದ ಹೀಗೆ ಆಗಬಹುದು.