ವೃತ್ತಿ ಜೀವನಕ್ಕೂ-ಪಾದರಕ್ಷೆಗಳಿಗೂ ಎತ್ತಿಂದೆತ್ತ ಸಂಬಂಧ?

#1

ನಿಮ್ಮ ಪಾದರಕ್ಷೆಗಳು ಎಂದಿಗೂ ನಿಮ್ಮ ಸ್ವಂತ ಗಳಿಕೆಯಿಂದ ಖರೀದಿಸಿದ್ದವೇ ಆಗಿರಬೇಕು. ಉಡುಗೊರೆಯಾಗಿ ಸಿಕ್ಕಿದ ಅಥವಾ ಕಳುವು ಮಾಡಿದ ಪಾದರಕ್ಷೆಗಳನ್ನು ತೊಡುವ ಮೂಲಕ ನೀವೆಂದಿಗೂ ನಿಮ್ಮ ವೃತ್ತಿಜೀವನದಲ್ಲಿ ಉನ್ನತಿಗೇರಲು ಸಾಧ್ಯವಿಲ್ಲ. ಏಕೆಂದರೆ ಈ ಪಾದರಕ್ಷೆಗಳು ತಮ್ಮ ಋಣಾತ್ಮಕ ಶಕ್ತಿಯಿಂದ ಏಳ್ಗೆಯನ್ನು ತಡೆಯುತ್ತವೆ.

#2

ಒಂದು ವೇಳೆ ನೀವು ಸಂದರ್ಶನಕ್ಕೆ ಹೋಗುವುದಾದರೆ ಎಂದಿಗೂ ಹರಿದ ಅಥವಾ ಭಾರೀ ಸವೆದ ಪಾದರಕ್ಷೆಗಳನ್ನೆಂದೂ ತೊಡಬಾರದು. ಪ್ರಾಚೀನ ನಂಬಿಕೆಯ ಪ್ರಕಾರ ಈ ಪಾದರಕ್ಷೆಗಳು ನಿಮಗೆ ಲಭ್ಯವಾಗಲಿರುವ ಸುಯೋಗದ ದೆಸೆಯನ್ನು ವಿರುದ್ಧ ದಿಕ್ಕಿನಲ್ಲಿ ಬದಲಿಸಬಲ್ಲವು. ಹರಿದ ಪಾದರಕ್ಷೆ ನಿಮ್ಮ ಏಳ್ಗೆಗೆ ಅಡ್ಡಗಾಲು ಹಾಕುತ್ತದೆ ಎಂದು ನಂಬಲಾಗುತ್ತದೆ.

#3

ಒಂದು ನಂಬಿಕೆಯ ಪ್ರಕಾರ ವೃತ್ತಿಪ್ರದೇಶದಲ್ಲಿ ಎಂದಿಗೂ ಕಂದುಬಣ್ಣದ ಪಾದರಕ್ಷೆಗಳನ್ನು ತೊಡಬಾರದು. ಏಕೆಂದರೆ ಈ ಬಣ್ಣದ ಪಾದರಕ್ಷೆಗಳು ಪರಿಸ್ಥಿತಿಯನ್ನು ವ್ಯತಿರಿಕ್ತವಾಗಿಸಬಹುದು.

#4

ಒಂದು ವೇಳೆ ನೀವು ವೈದ್ಯಕೀಯ ರಂಗದಲ್ಲಿದ್ದು ಅನಿವಾರ್ಯವಲ್ಲದೇ ಇದ್ದ ಹೊರತು ಬಿಳಿಬಣ್ಣದ ಪಾದರಕ್ಷೆಗಳನ್ನೆಂದೂ ತೊಡಬಾರದು. ಏಕೆಂದರೆ ಒಂದು ನಂಬಿಕೆಯ ಪ್ರಕಾರ ಈ ಪಾದರಕ್ಷೆಗಳು ಅದೃಷ್ಟವನ್ನು ದೂರ ಮಾಡುತ್ತವೆ.

#5

ಪಾದರಕ್ಷೆಗಳನ್ನು ಧರಿಸಿದ್ದೇ ಊಟ ಮಾಡುವುದು ಉತ್ತಮವಲ್ಲ ಎಂದು ಹೇಳಲಾಗುತ್ತದೆ. ಏಕೆಂದರೆ ಈ ಮೂಲಕ ಋಣಾತ್ಮಕ ಶಕ್ತಿಯನ್ನು ತಾವಾಗಿಯೇ ಆಹ್ವಾನಿಸಿದಂತಾಗುತ್ತದೆ. ಆದ್ದರಿಂದ ಊಟ ಮಾಡುವಾಗ ಪಾದರಕ್ಷೆಗಳನ್ನು ಕಳಚಿಡುವುದೇ ಉತ್ತಮ.

#6

ನಿಮ್ಮ ಮನೆಯ ಪಾದರಕ್ಷೆಗಳನ್ನು ಒಂದು ವೇಳೆ ಈಶಾನ್ಯ ದಿಕ್ಕಿನೆಡೆ ಇಟ್ಟಿದ್ದರೆ ತಕ್ಷಣ ಇದನ್ನು ಬದಲಿಸಿ. ಏಕೆಂದರೆ ಬೆಳಗ್ಗಿನ ಪ್ರಥಮ ಕಿರಣಗಳು ಕಳಚಿಟ್ಟ ಪಾದರಕ್ಷೆಗಳ ಮೇಲೆ ಬೀಳುವ ಕಾರಣ ಇದು ಋಣಾತ್ಮಕ ಶಕ್ತಿಯನ್ನು ಮನೆಯೊಳಗೆ ಹಾಯಿಸಿಲು ಅನುವುಮಾಡಿಕೊಟ್ಟಂತಾಗುತ್ತದೆ.

#7

ಮನೆಯೊಳಗೆ ಪಾದರಕ್ಷೆಗಳನ್ನೆಂದಿಗೂ ನೇತು ಹಾಕಬಾರದು. ಏಕೆಂದರೆ ಇದು ಸಾವನ್ನು ಆಹ್ವಾನಿಸುವ ಸಂಕೇತವಾಗಿದೆ ಎಂದು ನಂಬಲಾಗಿದೆ. ಅಷ್ಟೇ ಅಲ್ಲ, ಈ ಪಾದರಕ್ಷೆ ಮನೆಯ ಸದಸ್ಯರಲ್ಲಿ ಅನಾರೋಗ್ಯ, ದುರಾದೃಷ್ಟವನ್ನು ತರುತ್ತದೆ.

#8

ಓರ್ವ ವ್ಯಕ್ತಿಯ ಮರಣಾನಂತರ ಆತನ ಪಾದರಕ್ಷೆಗಳನ್ನೆಂದೂ ಬಳಸಬಾರದು. ಒಂದು ವೇಳೆ ಉಪಯೋಗಕ್ಕೆ ಉತ್ತಮವೆನಿಸಿದರೆ ಅಗತ್ಯವುಳ್ಳವರಿಗೆ ದಾನ ಮಾಡಬೇಕು ಅಥವಾ ತ್ಯಜಿಸಿಬಿಡಬೇಕು. ಎಂದಿಗೂ ಮನೆಯಲ್ಲಿ ಇರಿಸಕೂಡದು. ಇದು ಅತಿ ಹೆಚ್ಚಿನ ಋಣಾತ್ಮಕ ಶಕ್ತಿಯನ್ನು ಮನೆಗೆ ತರುತ್ತದೆ.