ಅತಿಥಿಗಳ ಎದುರು ಮುಜುಗರಕ್ಕೀಡಾದ ಮಹಿಳೆಯ ಕಥೆ ಇದು....

ದೃಶ್ಯ #1

ಇಂದು ಆಕೆಯ ಹುಟ್ಟುಹಬ್ಬವಾಗಿತ್ತು. ಇಂದಿನ ದಿನವನ್ನು ವಿಶೇಷವಾಗಿ ಆಚರಿಸಲು ಆಕೆಯ ಪತಿ ಆಕೆಗೆ ತಿಳಿಸದೇ ರಾತ್ರಿಯ ಊಟದ ಕೂಟವನ್ನು ರಹಸ್ಯವಾಗಿ ಏರ್ಪಡಿಸಿ ಆಕೆಗೆ ಅಚ್ಚರಿ ಮೂಡಿಸುವ ಯೋಜನೆ ಹಾಕಿದ.

ದೃಶ್ಯ #2

ಅಂದಿನ ದಿನ ಆಕೆ ಮನೆಯ ಒಳಗಣ ಕೋಣೆಯಲ್ಲಿದ್ದಂತೆಯೇ ಸದ್ದಿಲ್ಲದೇ ಹೊರಕೋಣೆಯಲ್ಲಿ ಔತಣಕೂಟದ ಸಿದ್ಧತೆ ನಡೆಯಿತು. ಇನ್ನೇನು ಔತಣಕ್ಕೆ ಕೊಂಚ ಹೊತ್ತು ಇದೆ ಎನ್ನುವಾಗ ಆಕೆಯ ಪತಿ ಒಳಬಂದು ನಿನಗೇನೋ ಅಚ್ಚರಿ ತೋರಿಸುತ್ತೇನೆ ಎಂದು ಕಣ್ಣುಗಳಿಗೆ ಪಟ್ಟಿ ಕಟ್ಟಿದ.

ದೃಶ್ಯ #3

ಆ ಹೊತ್ತಿಗೂ ಸುಮಾರು ಒಂದು ಗಂಟೆ ಮೊದಲು ಒಂದು ಭರ್ತಿ ತಟ್ಟೇ ಬೇಕ್ಡ್ ಬೀನ್ಸ್ ತಿಂದಿದ್ದ ಪರಿಣಾಮವಾಗಿ ಆಕೆಯ ಹೊಟ್ಟೆ ತುಂಬಿದಂತಾಗಿದ್ದು ವಾಯುಪ್ರಕೋಪ ತನ್ನ ಪರಿಣಾಮ ನಿಧಾನವಾಗಿ ಏರಿಸುತ್ತಿತ್ತು.

ದೃಶ್ಯ #4

ಹೊರಗಿದ್ದವರು ಈಗ ಕರೆತನ್ನಿ ಎಂದು ಆಕೆಯ ಪತಿಗೆ ಸೂಚನೆ ನೀಡಿದ ತಕ್ಷಣ ಆಕೆಯನ್ನು ಆ ಸ್ಥಿತಿಯಲ್ಲಿಯೇ ಕಣ್ಣುಗಳಿಗೆ ಬಟ್ಟೆ ಕಟ್ಟಿ ಹೊರತಂದ. ಎಲ್ಲಾ ಅತಿಥಿಗಳು ಅತ್ಯಂತ ಮೌನವನ್ನು ವಹಿಸಿದ್ದ ಕಾರಣ ಈ ಕೋಣೆಯಲ್ಲಿ ತಮ್ಮಿಬ್ಬರ ಹೊರತು ಬೇರಾರೂ ಇಲ್ಲವೆಂದು ಆಕೆ ತಿಳಿದಿದ್ದಳು.

ದೃಶ್ಯ #5

ಇನ್ನೇನು ಕಣ್ಣಿನ ಪಟ್ಟಿ ತೆರೆದು ಅಚ್ಚರಿಯನ್ನು ಪ್ರಕಟಿಸಬೇಕು ಎನ್ನುವ ಮೊದಲೇ ಹೊಟ್ಟೆಯೊಳಗಣ ವಾಯುಪ್ರಕೋಪ ಒತ್ತಡವನ್ನು ತಾಳಲಾರದೇ ಭಾರೀ ಸದ್ದಿನೊಂದಿಗೆ ಬಿಡುಗಡೆಗೊಂಡಿತು. ಇದರೊಂದಿಗೇ ಗೊಬ್ಬರವೂ ನಾಚುವ ಅತೀವ ಘಾಟು ಘ್ರಾಣವೂ ನೆರೆದವರ ಮೂಗುಗಳಿಗೆ ಅಪ್ಪಳಿಸಿತು.

ದೃಶ್ಯ #6

ಬಳಿಕ ಕಣ್ಣು ತೆರೆದು ನೋಡುತ್ತಾಳೆ, ಆಕೆಯ ಮನೆಯ ಹೊರಕೋಣೆ ಅತಿಥಿಗಳಿಂದ ತುಂಬಿದ್ದು ಆಕೆಯ ಆಪ್ತರೆಲ್ಲಾ ದಿಗ್ಭ್ರಮೆಗೊಂಡ ಕಣ್ಣುಗಳಿಂದ ಆಕೆಯನ್ನೇ ನೋಡುತ್ತಿದ್ದಾರೆ. ಹೆಚ್ಚಿನವರು ಮೂಗನ್ನೂ ಬಾಯಿಯನ್ನೂ ಮುಚ್ಚಿಕೊಂಡಿದ್ದಾರೆ. ಕಣ್ಣುಗಳು ಅಗಲವಾಗಿ ತೆರೆದಿವೆ.

ದೃಶ್ಯ #7

ಈ ಪರಿಯಿಂದ ಅತೀವ ಮುಜುಗರಕ್ಕೀಡಾದ ಮಹಿಳೆ ಜೀವಮಾನದಲ್ಲಿ ಇನ್ನೆಂದೂ ಬೇಕ್ಡ್ ಬೀನ್ಸ್ ತಿನ್ನಲಾರೆ ಎಂದು ಭೀಷ್ಮಪ್ರತಿಜ್ಞೆ ಮಾಡಿದಳಂತೆ...!