ನಂಬಿಕೆಯೇ ಬರುತ್ತಿಲ್ಲ, ಇಂತಹ ಜನರೂ ಜಗತ್ತಿನಲ್ಲಿ ಇದ್ದಾರೆಯೇ?

ಖೌದಿಯಾ ದಿಯೋಪ್ (Khoudia Diop)

ಸೆನೆಗಲ್ ರಾಷ್ಟ್ರದ ನಿವಾಸಿಯಾಗಿರುವ ಈ ಮಹಿಳೆಗೆ ಅವರ ಚರ್ಮದ ಬಣ್ಣದ ಕಾರಣಕ್ಕಾಗಿಯೇ ಎಲ್ಲೆಡೆ ಅವಹೇಳನ ಎದುರಿಸಬೇಕಾಗಿ ಬಂದಿತ್ತು. ಏಕೆಂದರೆ ಕೂದಲಿನಷ್ಟೇ ಗಾಢವಾದ ಕೃಷ್ಣವರ್ಣೆಯಾಗಿರುವ ಈಕೆ ಸೆನೆಗಲ್ ನ ಗಾಢವರ್ಣೀಯರ ನಡುವೆಯೂ ಇನ್ನಷ್ಟು ಗಾಢವಾಗಿ ಕಾಣುತ್ತಿದ್ದರೆ. ಆದರೆ ಧೃತಿಗೆಡದ ಇವರು ತಮ್ಮ ಹದಿನೇಳನೇ ವಯಸ್ಸಿನಲ್ಲಿ ತಮ್ಮ ಕೃಷ್ಣವರ್ಣವನ್ನೇ ಬಂಡವಾಳವಾಗಿಟ್ಟುಕೊಂಡು ಮಾಡೆಲಿಂಗ್ ಕ್ಷೇತ್ರಕ್ಕೆ ಇಳಿದರು. ಇಂದು ತಮ್ಮ ವರ್ಣದ ಮೂಲಕ ವಿಶ್ವವಿಖ್ಯಾತಿಯನ್ನು ಗಳಿಸಿರುವುದು ಮಾತ್ರವಲ್ಲ ಸಾಕಷ್ಟು ಹಣ ಮತ್ತು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ 235,000ಕ್ಕೂ ಹೆಚ್ಚು ಹಿಂಬಾಲಕರನ್ನೂ ಪಡೆದಿದ್ದಾರೆ.

Image courtesy

ಫ್ರಿಟ್ಜ್ ಲೀಡ್ಕೆ (Fritz Liedtke)ಯವರ ಖ್ಯಾತ ಮಚ್ಚೆಮುಖಗಳು

ಖ್ಯಾತ ಛಾಯಾಚಿತ್ರಕಾರ ಫ್ರಿಟ್ಜ್ ಲೀಡ್ಕೆ (Fritz Liedtke) ಯವರು ನೂರಾರು ರೂಪದರ್ಶಿಯರ ಚಿತ್ರಗಳನ್ನು ತೆಗೆದಿದ್ದರೂ ಮುಖದ ಮೇಲೆ ಬಹುವಾಗಿಯೇ ಮಚ್ಚೆಗಳುಳ್ಳ ವ್ಯಕ್ತಿಗಳ ಚಿತ್ರಗಳನ್ನು ಅವರು "ಅದ್ಭುತ ಕಲಾವಂತಿಕೆಯ ಮಚ್ಚೆಗಳು" ಎಂದು ವರ್ಣಿಸಿದ್ದಾರೆ. ತಾವು ತೆಗೆದ ಚಿತ್ರಗಳಲ್ಲಿ ಈ ಮುಖಗಳು ಅತ್ಯುತ್ತಮವಾದ ಚಿತ್ರಗಳಾಗಿವೆ ಎಂದು ಅವರು ಉದ್ಗರಿಸಿದ್ದಾರೆ.

Image Courtesy

ಕೋನಿ ಚಿಯು (Connie Chiu)

ಹಾಂಕಾಂಗ್ ನಗರವಾಸಿಯಾದ ಈ ಮಹಿಳೆ Jean-Paul Gaultier ಎಂಬ ವಸ್ತ್ರವಿನ್ಯಾಸಕರೊಂದಿಗೆ ಕೆಲಸ ಮಾಡುತ್ತಿದ್ದರು. ಆಲ್ಬಿನಿಸಂ ಎಂಬ ಅಪರೂಪದ ಕಾಯಿಲೆ ಇರುವ ಈ ಮಹಿಳೆಯ ಕೂದಲು, ಚರ್ಮ ಎಲ್ಲವೂ ಅಪ್ಪಟ ಬಿಳಿಯಾಗಿದೆ. ಇವರಿಗೆ ಸೂರ್ಯನ ಬೆಳಕು ಅಸಹನೀಯವಗಿರುತ್ತದೆ. ಆದರೆ ತಮ್ಮ ಚರ್ಮದ ವರ್ಣವನ್ನು ಅವರು ಲೆಕ್ಕಿಸದೇ ತಮ್ಮಲ್ಲಿರುವ ಹಾಡುಗಾರಿಕಾ ಕಲೆಯಿಂದ ಉತ್ತಮ ಗಾಯಕಿ ಎಂಬ ಬಿರುದನ್ನು ಪಡೆದಿದ್ದಾರೆ.

Image courtesy

ನಿಕಿಯಾ ಫೀನಿಕ್ಸ್

ಕ್ಯಾರೋಲಿನಾ ರಾಜ್ಯದ ನಿವಾಸಿಯಾಗಿರುವ ಈ ಮಹಿಳೆ ಮೊದಲು ವಾರ್ತಾ ತಾಣದ ನಿರ್ವಾಹಕಿಯಾಗಿದ್ದರು. ಆದರೆ ಇವರ ಮುಖದ ಮೇಲೆ ಇರುವ ಗಾಢವಾದ ಮಚ್ಚೆಗಳು ಇವರನ್ನು ಗುಂಪಿನಲ್ಲಿ ಸುಲಭವಾಗಿ ಗುರುತಿಸಲು ಸಾಧ್ಯವಾಗುವಂತೆ ಮಾಡಿರುವ ಕಾರಣ ಇದನ್ನೇ ಅವರು ತಮ್ಮ ವೃತ್ತಿಯಾಗಿಸಿಕೊಂಡರು. ಇಂದು ಇವರೊಬ್ಬ ಖ್ಯಾತ ರೂಪದರ್ಶಿಯಾಗಿದ್ದಾರೆ.

Image Courtesy