ಯಾವ ಗಾತ್ರದ ಎದೆಗಾತಿಯರು ಪುರುಷರಿಗೆ ಅಚ್ಚುಮೆಚ್ಚು?

ಪುರುಷರು ದೊಡ್ಡ ವಕ್ಷಸ್ತಲವನ್ನೇಕೆ ಬಯಸುತ್ತಾರೆ?

ವಾಸ್ತವವಾಗಿ ಸೌಂದರ್ಯವೆನ್ನುವುದು ಆರಾಧಕನ ಕಣ್ಣಿನಲ್ಲಿದೆ. ಲೈಲಾ ಮಜನೂ ಜೋಡಿಯಲ್ಲಿ ಲೈಲಾ ಕಪ್ಪಗಿದ್ದು ಕುರೂಪಿಯಾಗಿದ್ದಳು. ತದ್ವಿರುದ್ಧವಾಗಿ ಮಜನೂ ಬೆಳ್ಳಗೆ ಸ್ಫುರದ್ರೂಪಿಯಾಗಿದ್ದು ಮನ್ಮಥನೂ ನಾಚಿಸುವಂತಿದ್ದ. ಆದರೆ ಆತನಿಗೆ ಆಕೆಯೇ ಸುಂದರಿ. ಲೈಲಾಳ ನಿಜವಾದ ಸೌಂದರ್ಯವನ್ನು ನೋಡಬೇಕಾದರೆ ಮಜನೂ ಕಣ್ಣುಗಳಿರಬೇಕು ಎಂಬ ಉಕ್ತಿ ಹೊರಟಿದ್ದೇ ಇಲ್ಲಿಂದ.

ಪುರುಷರು ದೊಡ್ಡ ವಕ್ಷಸ್ತಲವನ್ನೇಕೆ ಬಯಸುತ್ತಾರೆ?

ಅಂತೆಯೇ ಸಾಮಾನ್ಯವಾಗಿ ಜನರಲ್ಲಿ ದೊಡ್ಡ ವಕ್ಷಸ್ತಲ ಎಂದರೆ ಹೆಚ್ಚಿನ ಸೌಂದರ್ಯ ಎಂಬ ಭಾವನೆ ಬೇರೂರಿಬಿಟ್ಟಿದೆ. ದೊಡ್ಡ ವಕ್ಷಸ್ತಲದ ವ್ಯಕ್ತಿಗಳೊಂದಿಗಿದ್ದರೆ ತಮಗೂ ಹೆಚ್ಚಿನ ಪ್ರತಿಷ್ಠೆ ದೊರಕಬಹುದು, ತಾವೇನೋ ದೊಡ್ಡದನ್ನು ಸಾಧಿಸಿದ್ದೇವೆ ಎಂಬ ಭ್ರಮೆ ಪುರುಷರಲ್ಲಿರುತ್ತದೆ. ವಿಶೇಷವಾಗಿ ಅವಿವಾಹಿತರು.

ಪುರುಷರು ನಿಜವಾಗಿಯೂ ಬಯಸುವ ಗಾತ್ರ ಯಾವುದು?

ತಾತ್ಕಾಲಿಕ ಅವಧಿಗೆ ಹೆಚ್ಚಿನ ಪುರುಷರು ದೊಡ್ಡ ವಕ್ಷಸ್ತಲವನ್ನು ಬಯಸಿದರೂ ಜೀವನಸಂಗಾತಿಯಲ್ಲಿ ಮಾತ್ರ ಚಿಕ್ಕ ಗಾತ್ರದ, ಆದರೆ ಜೋತು ಬೀಳದ ವಕ್ಷಸ್ತಲವಿರುವ ಮಹಿಳೆಯರನ್ನೇ ಬಯಸುತ್ತಾರೆ.

ಪುರುಷರು ನಿಜವಾಗಿಯೂ ಬಯಸುವ ಗಾತ್ರ ಯಾವುದು?

ಇದೇಕೆ ಹೀಗೆ ಎಂಬ ಪ್ರಶ್ನೆಗೆ ಮನಃಶಾಸ್ತ್ರಜ್ಞರು ನೀಡುವ ವಿವರಣೆಯ ಪ್ರಕಾರ ದೊಡ್ಡ ವಕ್ಷಸ್ತಲಗಳು ಈ ಪುರುಷನನ್ನು ಹೇಗೆ ಸೆಳೆಯಿತೋ ಹಾಗೇ ಇತರರನ್ನೂ ಸೆಳೆಯಬಹುದಲ್ಲವೇ? ವಿವಾಹದ ಬಳಿಕ ತಮ್ಮ ಪತ್ನಿಯನ್ನು ಜಗತ್ತಿನ ಅಷ್ಟೂ ಪುರುಷರು ದುರುಗುಟ್ಟಿ ನೋಡುತ್ತಿರುವಾಗ ಪತಿಯಾದವನಿಗೆ ಹೇಗೆನಿಸಬಾರದು? ಪಾಪ!

ದೊಡ್ಡ ವಕ್ಷ ಫಲವಂತಿಕೆಯ ಸಂಕೇತ

ವಕ್ಷಸ್ತಲದ ಗಾತ್ರಕ್ಕೂ ಪುರುಷರ ಆಸಕ್ತಿಗೂ ನಂಟು ಕಂಡುಕೊಳ್ಳಲು ನಡೆಸಿದ ಹಲವಾರು ಸಂಶೋಧನೆಗಳ ಪ್ರಕಾರ ಸ್ತನಗಳ ಗಾತ್ರ ಹೆಚ್ಚಿದ್ದಷ್ಟೂ ಸಂತಾನಫಲ ಹೆಚ್ಚಿರುತ್ತದೆ ಎಂದು ಪುರುಷರು ಭಾವಿಸುತ್ತಾರೆ. ಆದ್ದರಿಂದ ಹೆಚ್ಚಿನ ಪುರುಷರು 34 ಸೈಜ್ ಕಂಚುಕ ತೊಡುವ ಮಹಿಳೆಯರನ್ನು ಹೆಚ್ಚು ಬಯಸುತ್ತಾರೆ.

ಇಂಪ್ಲಾಂಟ್ ಮಾಡಿದ ಸ್ತನಗಳಿಗೆ ಪುರುಷರ ಮನ್ನಣೆ ಇಲ್ಲ

ಇಂದು ಸ್ತನಗಳ ಗಾತ್ರವನ್ನು ಹೆಚ್ಚಿಸಲು ಅಂಗಾಂಶದ ಅಡಿಯಲ್ಲಿ ಇರಿಸಲಾಗುವ ಕೃತಕ ಸಿಲಿಕಾನ್ ದಿಂಬೊಂದನ್ನು ಶಸ್ತ್ರಚಿಕಿತ್ಸೆಯ ಮೂಲಕ ಇರಿಸಲಾಗುತ್ತದೆ. ಹಲವು ಬಾಲಿವುಡ್ ಹಾಲಿವುಡ್ ನಟಿಯರು ಈ ಶಸ್ತ್ರಕ್ರಿಯೆ ಮಾಡಿಸಿಕೊಂಡು ಎದೆಗಾತಿಯರಾಗಿದ್ದಾರೆ.

ಇಂಪ್ಲಾಂಟ್ ಮಾಡಿದ ಸ್ತನಗಳಿಗೆ ಪುರುಷರ ಮನ್ನಣೆ ಇಲ್ಲ

ಆದರೆ ಪುರುಷರಿಗೆ ನಿಜವಾದ ಸ್ತನಗಳೇ ಇಷ್ಟವೇ ಹೊರತು ಇದು ಶಸ್ತ್ರಚಿಕಿತ್ಸೆಯ ಮೂಲಕ ಬಲವಂತವಾಗಿ ಉಬ್ಬಿಸಿದವು ಎಂದು ಗೊತ್ತಾದರೆ ಆಕರ್ಷಣೆಯನ್ನೇ ಕಳೆದುಕೊಳ್ಳುತ್ತಾರೆ. ವಾಸ್ತವವಾಗಿ ಪ್ರೀತಿಸುವ ವ್ಯಕ್ತಿಯ ಸ್ತನಗಳ ಗಾತ್ರ ಯಾವುದೇ ಇರಲಿ, ಅವು ಪುರುಷನಿಗೆ ಇಷ್ಟವಾಗಿಯೇ ಆಗುತ್ತವೆ.

ಪ್ರತಿ ಪುರುಷರೂ ಸ್ತನಗಳನ್ನು ದಿಟ್ಟಿಸುತ್ತಾರೆ

ಮಹಿಳೆ ಎದುರಿಗೆ ಬಂದಾಗ ಯಾವುದೇ ಪುರುಷನಾದರೂ ಮೊದಲಿಗೆ ಗಮನಿಸುವುದೇ ಸ್ತನಗಳನ್ನು. ಇದು ಪುರುಷರ ವರ್ಣ ತಂತುಗಳಲ್ಲಿಯೇ ಇದೆ. ಚಿಕ್ಕವೇ ಇರಲಿ, ದೊಡ್ಡವೇ ಇರಲಿ ಒಟ್ಟಾರೆ ಎದೆಯನ್ನೇ ಗಮನಿಸುವುದು ಪುರುಷರ ಪೂರ್ವಜನ್ಮದ ಹಕ್ಕು. ಇದೇ ಕಾರಣಕ್ಕೆ ಭಾರತೀಯ ಸಂಸ್ಕೃತಿಯಲ್ಲಿ ಸೆರಗು, ದುಪಟ್ಟಾಗಳನ್ನು ನಮ್ಮ ಹಿರಿಯರು ಮಹಿಳೆಯರ ವಸ್ತ್ರದ ಭಾಗವಾಗಿಸಿದ್ದಾರೆ. ಆದರೆ ಈ ನೋಟ ತಾವು ಪ್ರೀತಿಸುವ ವ್ಯಕ್ತಿಯಿಂದ ಬಂದರೆ ಯಾವುದೇ ಮಹಿಳೆ ಇದನ್ನು ನಿರಾಕರಿಸಲಾರಳು.

ಅಂತಿಮ ನಿರ್ಣಯ

ಸ್ತನಗಳ ಗಾತ್ರ ಏನಿದ್ದರೂ ಪುರುಷರ ಪ್ರಥಮ ನೋಟವನ್ನು ಹಿಡಿಯಲು ಸಹಕಾರಿಯೇ ಹೊರತು ಆತನ ಗಮನವನ್ನಲ್ಲ. ಇನ್ನೂ ಮುಖ್ಯವಾದ ವಿಷಯವೆಂದರೆ ಪುರುಷರು ಮಹಿಳೆಯರನ್ನು ಗಮನಿಸಿದಾಗ ಕೇವಲ ವಕ್ಷಸ್ತಲವನ್ನು ಮಾತ್ರವಲ್ಲ, ಇತರ ಅಂಗಗಳನ್ನೂ ಕಣ್ಣಿನಿಂದಲೇ ಅಳತೆ ಮಾಡುತ್ತಾರೆ.

ಅಂತಿಮ ನಿರ್ಣಯ

ಅಂದರೆ ಚಿಕ್ಕವೇ ಇರಲಿ, ದೊಡ್ಡವೇ ಇರಲಿ, ಕೇವಲ ಅಳತೆಯ ಲೆಕ್ಕಾಚಾರಕ್ಕೆ ಮಾತ್ರವೇ ಹೊರತು ವ್ಯಕ್ತಿಯನ್ನು ಇಷ್ಟಪಡಲು ಇವೇ ಕಾರಣಗಳಲ್ಲ. ನಿಜವಾಗಿ ಪ್ರೀತಿಸುವ ವ್ಯಕ್ತಿ ತನ್ನ ಮಡದಿಯ ದೈಹಿಕ ಅಳತೆಗಳಿಗೂ ಮಿಗಿಲಾಗಿ ಆಕೆಯ ವ್ಯಕ್ತಿತ್ವವನ್ನು ಅಪಾರವಾಗಿ ಪ್ರೀತಿಸುತ್ತಾನೆ. ಇದಕ್ಕಾಗಿ ಯಾವುದೇ ಮಹಿಳೆ ನಿಸರ್ಗ ತನಗೆ ನೀಡಿದ ಮೈಮಾಟವನ್ನು ಬದಲಿಸುವ ಅಗತ್ಯವೇ ಇಲ್ಲ.