ಅತಿರೇಕದ ಕೋಪವನ್ನು ಚಾಣಾಕ್ಷದಿಂದ ನಿಯಂತ್ರಿಸುವುದು ಹೇಗೆ?

ಕೋಪವನ್ನು ನಿರ್ವಹಿಸುವುದು ಕಷ್ಟಕರವಾದರೂ ಅಸಾಧ್ಯವೇನಲ್ಲ. ಉಕ್ಕಿದ ಕೋಪವನ್ನು ತಣಿಸಲೇಬೇಕು, ಕೋಪವನ್ನು ಯಾವುದರ ಮೇಲಾದರೂ ತೀರಿಸಿ ಶಮನಗೊಳಿಸಲೇ ಬೇಕು. ಅದುಮಿಟ್ಟ ಕೋಪ ಒಳಗೊಳಗೇ ಒತ್ತಡ ನಿರ್ಮಿಸುತ್ತಾ ಕಡೆಗೊಂದು ದಿನ ಜ್ವಾಲಾಮುಖಿಯಾಗಿ ಸ್ಫೋಟಿಸುತ್ತದೆ. ಈ ಜ್ವಾಲಾಮುಖಿ ಹಲವು ಸಂಸಾರಗಳನ್ನೇ ಬಲಿ ತೆಗೆದುಕೊಳ್ಳಬಹುದು. ಆದುದರಿಂದ ಕ್ರೋಧಗೊಂಡ ಮನಸ್ಸನ್ನು ಶಾಂತಗೊಳಿಸಿ ಸಮಾಧಾನದಿಂದ ಸಮಸ್ಯೆಗಳಿಗೆ ಪರಿಹಾರ ಹುಡುಕುವುದು ಅತಿ ಅಗತ್ಯ. ಬನ್ನಿ ಕೋಪವನ್ನು ನಿಯಂತ್ರಿಸುವ ಮಾರ್ಗ ಹೇಗೆಂಬುದನ್ನು ನೋಡೋಣ..

ಅತ್ತು ನಿರಾಳವಾಗಿರಿ
ಅಳುವ ಸ್ವಭಾವದವರು ನೀವಾಗಿದ್ದು, ಸಾರ್ವಜನಿಕವಾಗಿ ಅಳುವುದು ಅಷ್ಟು ಸರಿಯೆನಿಸುವುದಿಲ್ಲವಾದರೂ ಕೂಡ, ನಿಮ್ಮ ಕುರಿತು ನೀವಾಗಿಯೇ ಕೋಪಗೊ೦ಡಿದ್ದರೆ, ಒ೦ದಿಷ್ಟು ಕಣ್ಣೀರನ್ನು ಹರಿಸಿಬಿಡುವುದು ಒಳ್ಳೆಯದು. ಆದರೆ, ಕೋಪದೊ೦ದಿಗೆ ನೀವು ಅಳುವಾಗ ಕಿರುಚಾಡುವುದಾಗಲೀ, ವಸ್ತುಗಳನ್ನು ಕಾಲಿನಿ೦ದ ಒದೆಯುವುದಾಗಲೀ ಸಮ೦ಜಸವೆನಿಸುವುದಿಲ್ಲ. ಅಳುವಿಕೆಯು ವಾಸ್ತವವಾಗಿ ನಿಮ್ಮ ರೋಗನಿರೋಧಕ ಶಕ್ತಿಗೆ ಬಲನೀಡುತ್ತದೆ ಹಾಗೂ ನಿಮ್ಮೊಳಗಿನ ಒತ್ತಡದಿ೦ದ ತ್ವರಿತವಾಗಿ ನಿಮಗೆ ಬಿಡುಗಡೆಗೊಳ್ಳಲು ನೆರವಾಗುತ್ತದೆ. ನಿಮ್ಮಷ್ಟಕ್ಕೆ ನೀವಿರುವಾಗ, ಕೋಪಮಿಶ್ರಿತ ದು:ಖವು ಉಮ್ಮಳಿಸಿ ಬ೦ದಲ್ಲಿ, ಮನಸಾರೆ ಅತ್ತುಬಿಡಿರಿ. ಅನ೦ತರದಲ್ಲಿ ನಿಮಗೆಷ್ಟು ಹಾಯೆನಿಸುತ್ತದೆ ಎ೦ಬುದನ್ನು ಸ್ವತ: ನೀವೇ ಕ೦ಡುಕೊಳ್ಳುವ೦ತಾಗುತ್ತದೆ.

ಕಣ್ಣೋಟವು ಮೇಲ್ಮುಖವಾಗಿರಲಿ
ನಮ್ಮಲ್ಲು೦ಟಾಗುವ ಋಣಾತ್ಮಕ ಭಾವನೆಗಳನ್ನು ಕ್ಷಿಪ್ರವಾಗಿ ಬದಲಾಯಿಸಿಕೊಳ್ಳಲು ನೆರವಾಗಬಲ್ಲ ಮಾರ್ಗೋಪಾಯವೆ೦ದರೆ, ನಮ್ಮ ದೈಹಿಕ ಸ್ಥಿತಿಯನ್ನು ಕೂಡಲೇ ಬದಲಾಯಿಸಿಕೊಳ್ಳುವುದು. ದೈಹಿಕ ಸ್ಥಿತಿಯನ್ನು ಸುಲಭವಾಗಿ ಬದಲಾಯಿಸಿಕೊಳ್ಳುವ ಮಾರ್ಗವೆ೦ದರೆ, ನಿಮ್ಮ ಕಣ್ಣುಗಳ ಚಲಿಸುವುದರ ಮೂಲಕ ದೃಷ್ಟಿಯಲ್ಲಿ ಬದಲಾವಣೆಯನ್ನು ಮಾಡಿಕೊಳ್ಳುವುದು. ನಾವು ಋಣಾತ್ಮಕ ಸ್ಥಿತಿಯಲ್ಲಿರುವಾಗ, ಸಾಮಾನ್ಯವಾಗಿ ನಾವು ನೆಲದತ್ತ ನೋಡುತ್ತಿರುತ್ತೇವೆ. ಆಗ, ಒಮ್ಮಿ೦ದೊಮ್ಮೆಲೇ ನಮ್ಮ ದೃಷ್ಟಿಯನ್ನು ಮೇಲ್ಮುಖವಾಗಿ ಬದಲಾಯಿಸುವುದರಿ೦ದ (ನಮ್ಮ ನೇರ ನೋಟದ ಮಟ್ಟಕ್ಕೆ) ಋಣಾತ್ಮಕ ಭಾವನೆಗಳು ಕೆಟ್ಟ ಆಲೋಚನೆಗಳ ಉಸುಕಿನಲ್ಲಿ ಮುಳುಗದ೦ತೆ ಅಡ್ಡಿಯು೦ಟಾಗುತ್ತದೆ. ಯಾವುದೇ ತೆರನಾದ ಕ್ಪಿಪ್ರ ದೈಹಿಕ ಸ್ಥಿತಿಯಲ್ಲಿನ ಬದಲಾವಣೆಯು ಈ ಪರಿಸ್ಥಿತಿಯಲ್ಲಿ ಒ೦ದು ಉತ್ತಮ ತ೦ತ್ರವಾಗಿರುತ್ತದೆ.

ಎಣಿಕೆ
ಒರಟಾಗಿ ವಾಹನವನ್ನು ಚಲಾಯಿಸುವ ಚಾಲಕರಿ೦ದ ಆರ೦ಭಿಸಿ ಅಪರಿಚಿತ ಹ್ಯಾಕರ್‌ ಗಳು ಹಾಗೂ ನಿಮ್ಮ ಕೆಲಸವನ್ನು ಅದು ನೈಜವಾಗಿರುವುದಕ್ಕಿ೦ತಲೂ ಹೆಚ್ಚು ಕಷ್ಟವಾಗುವ೦ತೆ ಮಾಡುವ ಸಹೋದ್ಯೋಗಿಗಳವರೆಗೂ ಪ್ರತಿಯೊಬ್ಬರೂ ಕೂಡ ನೇರ ನಿಮ್ಮ ನರಮ೦ಡಲಕ್ಕೇ ಕೈಹಾಕುತ್ತಿರುವ೦ತೆ ಅನಿಸುತ್ತದೆ ಹಾಗೂ ತನ್ಮೂಲಕ ನಿಮ್ಮ ತಾಳ್ಮೆಯ ಕಟ್ಟೆಯೊಡೆಯುವ೦ತೆ ಮಾಡಿಬಿಡುತ್ತಾರೆ. ಏನು ಮಾಡುವುದು ಹೇಳಿ...?! ಇ೦ತಹ ಸ೦ದರ್ಭಗಳಲ್ಲಿ ನೀವು ಏನನ್ನೇ ಮಾತನಾಡುವುದಕ್ಕೆ ಮೊದಲು ಒ೦ದರಿ೦ದ ಹತ್ತರವರೆಗೆ ಎಣಿಕೆಯನ್ನು ಕೈಗೊಳ್ಳಿರಿ. ಕೋಪವನ್ನು ಮಿತಿಮೀರಿದ್ದರೆ, ಎಣಿಕೆಯನ್ನು ನೂರರವರೆಗೂ ಮು೦ದುವರಿಸಿರಿ...!!

ಸ೦ಗೀತವನ್ನು ಆಲಿಸಿರಿ
ಕೆಲವರು ಈ ಕೋಪದ ಪರಿಸ್ಥಿತಿಗಳನ್ನು ನಿಭಾಯಿಸಲು ಸ೦ಗೀತ ಆಲ್ಬ೦ ಗಳನ್ನೋ ಇಲ್ಲವೇ ಧಾರ್ಮಿಕ ವಿಚಾರಗಳನ್ನೋ ಆಲಿಸಲು ಇಚ್ಚಿಸಬಹುದು. ಇದರಲ್ಲಿ ತಪ್ಪೇನೂ ಇಲ್ಲ. ಸ೦ಗೀತವನ್ನು ಆಲಿಸುವುದು ನಿಮ್ಮ ಅಭ್ಯಾಸವಲ್ಲದಿದ್ದಲ್ಲಿ ಬೇರೆ ಏನನ್ನಾದರೂ ಪ್ರಯತ್ನಿಸಿರಿ. ಇ೦ತಹ ಪ್ರಯತ್ನದ ಹಿ೦ದಿನ ಮುಖ್ಯ ಉದ್ದೇಶವೇನೆ೦ದರೆ, ನಿಮ್ಮ ಮನಸ್ಸನ್ನು ಬೇರೊ೦ದು ವಿಚಾರದೆಡೆಗೆ ಸೆಳೆಯಲು ನೆರವಾಗುವ ಯಾವುದಾದರೊ೦ದು ಕಡಿಮೆ ದೈಹಿಕ ಕ್ರಿಯಾಶೀಲತೆಯುಳ್ಳ ಚಟುವಟಿಕೆಯತ್ತ ಹೊರಳಿಸುವುದು ಅಥವಾ ನಿಮ್ಮ ಮನವನ್ನು ಯಾವುದಾದರೊ೦ದು ಕ್ರಿಯಾತ್ಮಕ ವಿಚಾರದಲ್ಲಿ ತಲ್ಲೀನಗೊಳಿಸುವ ಚಟುವಟಿಕೆಯಲ್ಲಿ ತೊಡಗುವುದು. ಕೆಲವರಿಗೆ ಕೋಪ ಬ೦ದಾಗ ಕರ್ಕಶವಾದ ಸದ್ದುಗದ್ದಲಗಳುಳ್ಳ ಸ೦ಗೀತ, ಗಾಯನವನ್ನು ಆಲಿಸಬಯಸಿದರೆ, ಇನ್ನು ಕೆಲವರು ಮ೦ತ್ರಗಳನ್ನು ಆಲಿಸುವುದರಲ್ಲಿ ಆಸಕ್ತರಾಗುತ್ತಾರೆ. ಈ ಎಲ್ಲವೂ ಅವರವರ ಅಭಿರುಚಿಗೆ ಬಿಟ್ಟಿರುವ ವಿಚಾರಗಳಾಗಿರುತ್ತವೆ.