ಭಾರತದಲ್ಲಿರುವ ಕೆಲವೊಂದು ವಿಲಕ್ಷಣ ಆಚರಣೆಗಳು

ಎಲ್ಲಾ ಸಮಸ್ಯೆಗಳಿಗೆ ಪರಿಹಾರ

ಇದು ಶತಮಾನಗಳಿಂದ ಭಾರತದಲ್ಲಿ ಆಚರಿಸಿಕೊಂಡು ಬರುತ್ತಿರುವಂತಹ ಆಚರಣೆ. ದೇವಸ್ಥಾನದಲ್ಲಿ ಬ್ರಾಹ್ಮಣರು ತಿಂದುಳಿದ ಬಾಲೆಎಳೆಯ ಮೇಲೆ ಇತರ ಜಾತಿ, ಧರ್ಮದವರು ಮಡಸ್ನಾನ ಹಾಕುವುದು. ಹೀಗೆ ಮಾಡುವುದರಿಂದ ಎಲ್ಲಾ ರೋಗಗಳು ಮತ್ತು ಸಮಸ್ಯೆಗಳು ಪರಿಹಾರವಾಗುತ್ತದೆ ಎನ್ನುವ ನಂಬಿಕೆ.

ಬಿಶನೊಯಿ ನಂಬಿಕೆ

ರಾಜಸ್ಥಾನದಲ್ಲಿರುವ ಪ್ರಕೃತಿ ಪ್ರೇಮಿ ಬುಡಕಟ್ಟು ಜನಾಂಗವೇ ಬಿಶನೊಯಿ. ಮರವನ್ನು ಅಪ್ಪಿ ಹಿಡಿಯುವ ಮನೋಭಾವ ಅಥವಾ ಪ್ರಾಣಿಗಳ ಬಗ್ಗೆ ಇರುವ ಪ್ರೀತಿಯ ಬಗ್ಗೆ ಯಾವುದೇ ಸಂಶಯವಿಲ್ಲ. ಈ ಬುಡಕಟ್ಟು ಜನಾಂಗದ ಮಹಿಳೆಯರು ಜಿಂಕೆ ಮರಿಗಳಿಗೆ ಹಾಲು ಕುಡಿಸಿ ಅದರ ಪ್ರಾಣ ಕಾಪಾಡುತ್ತಾರೆ.

ಭಾರತದ ಅಘೋರಿಗಳು

ಅತ್ಯಂತ ವಿಚಿತ್ರ ಆಚರಣೆ ಹಾಗೂ ಸಂಪ್ರದಾಯವನ್ನು ಪಾಲಿಸುವ ಭಾರತದಲ್ಲಿರುವ ಒಂದು ಗುಂಪೇ ಅಘೋರಿಗಳು. ಶಿವನನ್ನು ಆರಾಧಿಸುವ ಅಘೋರಿಗಳು ಕೆಲವೊಂದು ವಿಚಿತ್ರ ಆಚರಣೆ ಮಾಡುತ್ತಾರೆ. ಅಘೋರಿಗಳು ಸತ್ತ ಮನುಷ್ಯರ ಮಾಂಸ ತಿನ್ನುವುದು ಮತ್ತು ಅವರ ತಲೆಬುರುಡೆಯಲ್ಲಿ ನೀರು ಕುಡಿಯುತ್ತಾರೆ.

ಚರ್ಮಕ್ಕೆ ಕೊಕ್ಕೆ ಸಿಕ್ಕಿಸುವುದು

ಚರ್ಮಕ್ಕೆ ಕೊಕ್ಕೆ ಸಿಕ್ಕಿಸಿಕೊಳ್ಳುವ ಸಂಪ್ರದಾಯ ದಕ್ಷಿಣ ಭಾರತದ ಕಾಳಿ ಮಂದಿರದಲ್ಲಿದೆ. ಇಲ್ಲಿ ಜನರು ಗರುಡನಂತೆ ಬಟ್ಟೆ ಧರಿಸಿ ತನ್ನ ಬೆನ್ನಿಗೆ ಕೊಕ್ಕೆ ಸಿಕ್ಕಿಸಿಕೊಂಡು ಭೂಮಿಯಿಂದ ಮೇಲಕೆತ್ತಲ್ಪಡುತ್ತಾರೆ. ತುಂಬಾ ದೀರ್ಘ ಸಮಯದಿಂದ ಆಚರಿಸಲ್ಪಡುತ್ತಿರುವ ಅತ್ಯಂತ ವಿಚಿತ್ರ ಆಚರಣೆ ಇದಾಗಿದೆ.

ಬಾಳೆ ಗಿಡಕ್ಕೆ ಮದುವೆ

ಮಂಗಲಿಕವನ್ನು ದೂರ ಮಾಡಲು ಭಾರತದಲ್ಲಿ ಆಚರಿಸಲ್ಪಡುವಂತಹ ಅತ್ಯಂತ ವಿಲಕ್ಷಣ ಆಚರಣೆ ಇದಾಗಿದೆ. ಗಂಡಿನ ಬದಲಿಗೆ ಬಾಳೆ ಗಿಡಕ್ಕೆ ಮದುವೆ ಮಾಡುವುದೇ ಈ ವಿಚಿತ್ರ ಆಚರಣೆ. ಮಂಗಲಿಕವಿರುವ ಹುಡುಗಿಗೆ ಮದುವೆಯಾದರೆ ಅದರಿಂದ ಮದುವೆ ಬಳಿಕ ಕೆಟ್ಟದಾಗುತ್ತದೆ ಎನ್ನುವುದು ಜ್ಯೋತಿಷಿಗಳ ಅಭಿಪ್ರಾಯ. ಬಾಳೆ ಗಿಡದೊಂದಿಗೆ ಮೊದಲು ಮದುವೆಯಾದರೆ ಆಗ ದುರಾದೃಷ್ಟವು ಬಾಳೆ ಗಿಡಕ್ಕೆ ಬರುತ್ತದೆ ಎಂದು ನಂಬಲಾಗಿದೆ. ಇದರ ಬಳಿಕ ಹುಡುಗಿ ಯಾವುದೇ ಸಮಸ್ಯೆಯಿಲ್ಲದೆ ಹುಡುಗನನ್ನು ಮದುವೆಯಾಗಬಹುದು.