ಪತ್ನಿಯರು ಬಾಡಿಗೆಗೆ ಸಿಗ್ತಾರೆ..! ಸ್ಟಾಂಪ್ ಪೇಪರ್ ಬರೆಸಿಕೊಂಡು ನಡೆಯುತ್ತೆ ಒಪ್ಪಂದ !

ಭಾರತದಲ್ಲಿ ಕಾಣಸಿಗುವಷ್ಟು ವಿಚಿತ್ರ ಆಚರಣೆಗಳು, ಸಂಸ್ಕೃತಿಗಳು ಬೇರೆ ಯಾವ ದೇಶದಲ್ಲಿ ಬಹುಶಃ ಕಾಣಲು ಸಾಧ್ಯವಿಲ್ಲ ಏಕೆಂದರೆ ಇಲ್ಲಿ ಅಚ್ಚರಿ ಹುಟ್ಟಿಸುವ ಆಚರಣೆಗಳು ನಮ್ಮ ನಡುವೆ ಇವೆ. ಇನ್ನು ಮಧ್ಯ ಪ್ರದೇಶದಲ್ಲಿ ಇಂತಹ ಅಚ್ಚರಿಗೆ ಕಾರಣವಾಗುವಂತಹ ನೂರಾರು ಆಚರಣೆಗಳಿವೆ.

ಮಧ್ಯಪ್ರದೇಶ ಸಾಂಸ್ಕೃತಿಕ ಕಾರಣಗಳಿಂದಾಗಿ ವಿಶೇಷ ರಾಜ್ಯ ಎನಿಸಿಕೊಂಡಿದೆ. ಆದರೆ ಅಲ್ಲೊಂದು ಅಚ್ಚರಿ ಹುಟ್ಟಿಸುವ ಪದ್ಧತಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಅದೇನೆಂದರೆ ಇಲ್ಲೊಂದು ಕಡೆ ಹೆಂಡತಿಯರು ಸಹ ಬಾಡಿಗೆಗೆ ಸಿಗುತ್ತಾರೆ. ಹೌದು ಇದನ್ನು ಕೇಳಿದ್ರೆ ನಿಮಗೂ ಅಚ್ಚರಿಯಾಗಬಹುದು. ಇಂತಹದೊಂದು ಪದ್ಧತಿ ಅಲ್ಲಿ ರೂಢಿಯಲ್ಲಿದೆ.

ಮಧ್ಯಪ್ರದೇಶದ ಶಿವಪುರಿ ಜಿಲ್ಲೆಯಲ್ಲಿ 'ಧಾಡಿಚಾ' ಎಂಬ ಪದ್ಧತಿ ಆಚರಿಸಲಾಗುತ್ತದೆ. ಕನ್ಯೆಯರಿಂದ ಹಿಡಿದು ವಿವಾಹಿತ ಮಹಿಳೆಯರು ಬಾಡಿಗೆ ನೀಡುವ ವಿಚಿತ್ರ ಪದ್ಧತಿ ಇದಾಗಿದೆ. ಒಂದು ದಿನದಿಂದ ಹಿಡಿದು ಒಂದು ವರ್ಷದ ವರೆಗೂ ಒಪ್ಪಂದ ಮಾಡಿಕೊಂಡು ಆಕೆಯನ್ನು ಬಾಡಿಗೆಗೆ ಪಡೆಯಬಹುದು.

ಇದಕ್ಕಾಗಿ ಶ್ರೀಮಂತ ಕುಟುಂಬದ ಮಂದಿ 10 ರೂಪಾಯಿಯಿಂದ ಹಿಡಿದು 100 ರೂ.ವರೆಗಿನ ಸ್ಟಾಂಪ್ ಪೇಪರ್ ಒಪ್ಪಂದ ಮಾಡಿಕೊಳ್ಳುತ್ತಾರೆ. ಇಲ್ಲಿಗೆ ಬರುವ ಪುರುಷರು ತಮ್ಮ ನೆಚ್ಚಿನ ಮಹಿಳೆಯನ್ನು ನಿಗದಿತ ಅವಧಿಗೆ ನಿಗದಿತ ಮೊತ್ತವನ್ನು ಪಾವತಿಸಿ ಬಾಡಿಗೆಗೆ ತೆಗೆದುಕೊಳ್ಳುತ್ತಾರೆ.

ಪ್ರತಿ ವರ್ಷ ನಿಗದಿತ ಸಮಯದಲ್ಲಿ ಧಾಡಿಚಾ ಪದ್ಧತಿಯಲ್ಲಿ ಹರಾಜು ಪ್ರಕ್ರಿಯೆ ನಡೆಯುತ್ತದೆ. ಈ ಹರಾಜಿನಲ್ಲಿ ಭಾಗಿಯಾಗಲೆಂದು ದೂರದ ಊರಿನಿಂದಲೂ ಪುರುಷರು ಬರುತ್ತಾರೆ. ಅಲ್ಲದೆ ಹುಡುಗಿಯರು, ಮಹಿಳೆಯರು ಬರುತ್ತಾರೆ. ಈ ಹರಾಜು ಪ್ರಕ್ರಿಯೆಯಲ್ಲಿ ವಿವಾಹಿತ ಮಹಿಳೆಯ ಬೆಲೆ 15 ಸಾವಿರ ರೂ.ನಿಂದ ಆರಂಭವಾಗುತ್ತದೆ. ಈ ಬೆಲೆ ಕೇವಲ ಇಲ್ಲಿಗೆ ಸೀಮಿತವಾಗಿಲ್ಲ, ಬೆಲೆ 15 ಸಾವಿರದಿಂದ ಪ್ರಾರಂಭವಾಗಿ 4 ಲಕ್ಷ ರೂ ವರೆಗೂ ಹೋಗುತ್ತದೆ. ಪುರುಷನು ಒಂದು ವರ್ಷ ಅಥವಾ ಅದಕ್ಕಿಂತ ಕಡಿಮೆ ಮೊತ್ತವನ್ನು ಪಾವತಿಸಿ ಹೆಂಡತಿಯಾಗಿ ಆಕೆಯನ್ನ ಬಾಡಿಗೆಗೆ ತೆಗೆದುಕೊಳ್ಳುತ್ತಾನೆ.

ಸ್ಟಾಂಪ್ ಪೇಪರ್ ನಲ್ಲಿ 10 ರಿಂದ 100 ರೂ.ವರೆಗೆ ಎರಡೂ ಕಡೆಯವರ ನಡುವೆ ಒಪ್ಪಂದವಾಗುತ್ತದೆ. ಎರಡೂ ಪಕ್ಷಗಳ ಷರತ್ತುಗಳನ್ನು ಅದರಲ್ಲಿ ಬರೆಯಲಾಗುತ್ತದೆ. ಇದರ ನಂತರ ಗಂಡ ಮತ್ತು ಹೆಂಡತಿ ಇಬ್ಬರೂ ಒಪ್ಪಂದಕ್ಕೆ ಸಹಿ ಹಾಕುತ್ತಾರೆ. ಒಪ್ಪಂದವನ್ನು ಪೂರ್ಣಗೊಳಿಸಿದ ನಂತರ, ಪತಿ ತನಗೆ ಅದೇ ಹೆಂಡತಿ ಬೇಕೋ ಅಥವಾ ಬೇಡವೋ ಎಂಬುದನ್ನು ನಿರ್ಧಾರ ಮಾಡುತ್ತಾರೆ.

ಹೆಂಡತಿ ಈ ಒಪ್ಪಂದವನ್ನು ಮುರಿಯಬಹುದೇ?

ಬೇರೆಯವರ ಜೊತೆ ಒಪ್ಪಂದ ಮಾಡಿಕೊಂಡ ಬಳಿಕ ಆಕೆ ಈ ಒಪ್ಪಂದ ಮುರಿಯಬಹುದೇ ಎಂಬ ಪ್ರಶ್ನೆ ನಿಮ್ಮಲ್ಲಿ ಮೂಡಬಹುದು. ಆಕೆ ಈ ಹೊಸ ಸಂಬಂಧದಲ್ಲಿ ಸಂತೋಷವಾಗಿಲ್ಲದಿದ್ದರೆ ಅಥವಾ ಆಕೆಗೆ ಇಷ್ಟವಿಲ್ಲದಿದ್ದರೆ ಒಪ್ಪಂದ ಮುರಿಯಬಹುದು. ಆದರೆ ಹಾಗೆ ಮಾಡಲು ಅವಳು ಸ್ಟಾಂಪ್ ಪೇಪರ್ನಲ್ಲಿ ಅಫಿಡವಿಟ್ ನೀಡಬೇಕು. ಇದರ ನಂತರ ಅವರು ಖರೀದಿದಾರರಿಗೆ ನಿಗದಿತ ಮೊತ್ತವನ್ನು ಹಿಂದಿರುಗಿಸಬೇಕು. ಈ ರೀತಿಯ ನಿಯಮ ಸಹ ಈ ಪದ್ಧತಿಯಲ್ಲಿದೆ.

ಒಂದು ವೇಳೆ ಈ ಒಪ್ಪಂದದ ಪ್ರಕಾರವಾಗಿ ಆಕೆ 1 ವರ್ಷಗಳ ಕಾಲ ಬೇರೊಬ್ಬನ ಜೊತೆ ಪತ್ನಿಯಾಗಿ ಬಾಡಿಗೆ ಸಮಯ ಪೂರೈಸಿದರೆ ಈ ಒಪ್ಪಂದವನ್ನು ಮತ್ತೆ ನವೀಕರಿಸಬಹುದು, ಯಾವ ಹರಾಜು ಇಲ್ಲದೆ ಮತ್ತೆ ಹಣ ಹಾಗೂ ಸ್ಟಾಂಪ್ ಪೇಪರ್ ಸಿದ್ಧಪಡಿಸಿ ಒಪ್ಪಂದ ಮುಂದುವರೆಸಬಹುದು. ಸದ್ಯ ಈ ವಿಚಿತ್ರ ಪದ್ಧತಿ ನೋಡಿ ಜನರು ಸಹ ಶಾಕ್ ಆಗಿದ್ದಾರೆ. ದೇಶದ ಯಾವು ಮೂಲೆಯಲ್ಲೂ ಇಲ್ಲದ ಈ ಪದ್ಧತಿಗೆ ಜನರು ಬೆಚ್ಚಿ ಬೀಳುತ್ತಾರೆ. ಅಲ್ಲಿ ಹಣದ ಅವಶ್ಯಕತೆ ಇರುವವರು ಬಡವರು ಮಾತ್ರ ಈ ಪದ್ಧತಿ ಅನುಸರಿಸುವುದಿಲ್ಲ ಎಲ್ಲರೂ ಇದರಲ್ಲಿ ಭಾಗಿಗಳಾಗುತ್ತಾರೆ.