Just In
Don't Miss
- Sports RCB VS KKR: ಟಾಸ್ ಗೆದ್ದ ಕೆಕೆಆರ್ ಫೀಲ್ಡೀಂಗ್ ಆಯ್ಕೆ: ಆರ್ಸಿಬಿ ತಂಡದಲ್ಲಿ ಇಲ್ಲ ಬದಲಾವಣೆ
- News ವಸೂಲಿ ಟೈಟಾನ್ಸ್, ಇಂಪ್ಯಾಕ್ಟ್ ಪ್ಲೇಯರ್ ಇ.ಡಿ; ಮೋದಿ, ಬಿಜೆಪಿಯನ್ನು ಅಣಕಿಸಿದ ಮಹಿಳಾ ಕ್ರಿಕೆಟರ್
- Automobiles ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ ಬಹುನಿರೀಕ್ಷಿತ ಹೊಸ ಸ್ಕೋಡಾ ಸೂಪರ್ಬ್ ಕಾರು
- Movies ಬಿಸಿಲು, ಮಳೆ, ಧೂಳು ಬರಲಿ.. ಯಶ್ ಇದ್ರೆ ಸಾಕು.. ಏನಂತೀರಾ?
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಈ ಐದು ರಾಶಿಯವರು ಜೀವನದಲ್ಲಿ ಏನೇ ಕಷ್ಟ ಬಂದರೂ ಕುಗ್ಗದವರಂತೆ
ಪ್ರತಿಯೊಬ್ಬರೂ ದೈಹಿಕ ಹಾಗೂ ಭಾವನಾತ್ಮಕವಾಗಿ ಬಲಶಾಲಿಗಳಾಗಿರಬೇಕು ಎಂಬ ಆಸೆಯಿರುತ್ತದೆ. ತಮ್ಮ ಸ್ಟ್ರಾಂಗ್ ವ್ಯಕ್ತಿತ್ವದ ಮೂಲಕ, ಎಲ್ಲರ ಗಮನ ಸೆಳೆದು, ಕೇಂದ್ರಬಿಂದುವಾಗಿ ನಿಲ್ಲಬೇಕೆಂಬ ಬಯಕೆ ಇದ್ದೇ ಇರುತ್ತದೆ. ಆದರೆ ಎಲ್ಲರಿಗೂ ಈ ಅವಕಾಶ ಅಥವಾ ಸಾಮರ್ಥ್ಯ ಇರುವುದಿಲ್ಲ.
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಕೆಲವು ರಾಶಿಗಳು ದೈಹಿಕ ಹಾಗೂ ಮಾನಸಿಕವಾಗಿ ಬಹಳ ಸದೃಡರಂತೆ. ಈ ರಾಶಿಯವರು ಯಾವುದೇ ವಿಚಾರಕ್ಕೂ ಅಷ್ಟು ಬೇಗೆ ಬಗ್ಗುವುದಿಲ್ಲ. ಎಲ್ಲವನ್ನು ಬಹಳ ಧೈರ್ಯದಿಂದಲೇ ಎದುರಿಸಿ, ವಿಜಯಶಾಲಿಗಳಾಗುತ್ತಾರಂತೆ. ಹಾಗಾದರೆ ದೈಹಿಕ ಮತ್ತು ಮಾನಸಿಕವಾಗಿ ಶಕ್ತಿಯುತವಾದ 5 ರಾಶಿಚಕ್ರಗಳು ಯಾವುವು ಎಂಬುದನ್ನು ಇಲ್ಲಿ ನೋಡೋಣ.
ದೈಹಿಕ ಮತ್ತು ಮಾನಸಿಕವಾಗಿ ಶಕ್ತಿಯುತವಾದ 5 ರಾಶಿಗಳಾವುವು ಎಂಬುದನ್ನು ಈ ಕೆಳಗೆ ನೀಡಲಾಗಿದೆ:
ಸಿಂಹ:
ಸಿಂಹ ರಾಶಿಯವರು ಹುಟ್ಟು ನಾಯಕರು. ಈ ರಾಶಿಯ ಜನರನ್ನು ಪಳಗಿಸಲು ಸಾಧ್ಯವಿಲ್ಲ. ಅವರ ತಾಳಕ್ಕೆ ತಕ್ಕಂತೆ ಜಗತ್ತನ್ನು ಹೇಗೆ ಕುಣಿಸಬೇಕು ಎಂಬುದನ್ನು ಚೆನ್ನಾಗಿಯೇ ಅರಿತಿದ್ದಾರೆ. ಅವರ ತ್ವರಿತ ಚಿಂತನೆಯ ಕೌಶಲ್ಯದಿಂದಾಗಿ ಬಹಳ ಜನಪ್ರಿಯರಾಗಿದ್ದು, ತಮ್ಮ ಉದಾರ ಮನೋಭಾವದಿಂದ ಎಲ್ಲರಿಗೂ ಪ್ರಿಯವಾಗಿರುತ್ತಾರೆ. ಈ ರಾಶಿಯವರಿಗೆ ಎಂತಹ ಕೆಲಸವನ್ನು ಕೊಟ್ಟರೂ ನಿಭಾಯಿಸುವ ಶಕ್ತಿ ಹೊಂದಿರುತ್ತಾರೆ.
ಮಕರ:
ಈ ರಾಶಿಯವರು ಎಲ್ಲದಕ್ಕೂ ಸಿದ್ಧರಾಗಿರುತ್ತಾರೆ. ಅತ್ಯಂತ ಕಷ್ಟಪಟ್ಟು ಕೆಲಸ ಮಾಡುವವರಲ್ಲಿ ಮಕರ ರಾಶಿಯವರು ಒಬ್ಬರು , ಜೊತೆಗೆ ಉತ್ತಮ ಪ್ರೇರಕರು ಕೂಡ. ಇವರು ಯಾವುದೇ ವಿಚಾರಕ್ಕೇ ಆದರೂ ಅಷ್ಟು ಸುಲಭವಾಗಿ ದೈಹಿಕವಾಗಿ ಅಥವಾ ಭಾವನಾತ್ಮಕವಾಗಿ ಕುಗ್ಗುವುದಿಲ್ಲ. ತಮ್ಮ ಗುರಿ ಮತ್ತು ಮಹತ್ವಾಕಾಂಕ್ಷೆಗಳನ್ನು ತಲುಪಲು ಸರ್ವಸ್ವವನ್ನು ನೀಡಲು ಸಿದ್ಧರಾಗಿರುತ್ತಾರೆ.
ವೃಶ್ಚಿಕ:
ಇವರು ಯಶಸ್ವಿ ವ್ಯಕ್ತಿ, ಶಕ್ತಿಯುತ ಮತ್ತು ಧೈರ್ಯಶಾಲಿಗಳು. ಇವರ ಅತ್ಯಂತ ವಿಶಿಷ್ಟ ಲಕ್ಷಣವೆಂದರೆ ಅವರು ದುರುದ್ದೇಶಪೂರಿತರಾಗಿದ್ದು, ತಮಗೆ ಬೇಕಾದುದನ್ನು ಪಡೆಯಲು ಜನರನ್ನು ಹೇಗೆ ನಿಯಂತ್ರಿಸಬೇಕೆಂದು ಚೆನ್ನಾಗಿ ತಿಳಿದಿದ್ದಾರೆ. ಇದು ಅವರನ್ನು ಅತ್ಯಂತ ಶಕ್ತಿಯುತವಾಗಿಸುತ್ತದೆ. ಇವರ ಮನಸ್ಸಿಗೆ ಯಾವುದಾದರೂ ಬೇಕೆನ್ನಿಸಿದಾಗ ಅದನ್ನು ಪಡೆದೇ ತೀರುವಂತಹವರು, ಅಲ್ಲಿಯವರಗೂ ಸಮಾಧಾನ ಪಡಲಾರರು.
ವೃಷಭ:
ವೃಷಭ ರಾಶಿಯವರು ಭಾವನಾತ್ಮಕವಾಗಿ ತುಂಬಾ ಶಕ್ತಿಶಾಲಿಗಳು. ಅವರು ಪ್ರೀತಿ, ಕರುಣೆಯ ಬೆಲೆಯನ್ನು ತಿಳಿದಿದ್ದಾರೆ. ಜೊತೆಗೆ ಅದನ್ನು ಪಡೆಯಲು ಎಂತಹ ಹೋರಾಟಕ್ಕೂ ಸಿದ್ಧರಾಗಿದ್ದಾರೆ. ಸಂಕಷ್ಟ ಮತ್ತು ಅಗತ್ಯದ ಸಮಯದಲ್ಲಿ ಸಹಾಯ ಮಾಡಲು ಈ ರಾಶಿಯವರು ಯಾವಾಗಲೂ ತಮ್ಮ ಆಪ್ತರೊಂದಿಗೆ ಇರುತ್ತಾರೆ. ಅವರಿಗೆ ಬೆಂಬಲವಾಗಿ, ಹೆಗಲಾಗಿ ನಿಲ್ಲುತ್ತಾರೆ. ಯಾವುದೇ ವಿಷಯಕ್ಕೂ ಧೈರ್ಯಕೆಡದೇ ಎಲ್ಲವನ್ನೂ ಎದುರಿಸುತ್ತಾರೆ.
ಮೇಷ:
ಈ ರಾಶಿಯವರು ಸೃಜನಶೀಲ, ಕ್ರಿಯಾತ್ಮಕತೆಯ ಕಣಜವಾಗಿರುತ್ತಾರೆ. ತಮಗಿರುವ ಆಸಕ್ತಿಯ ಬಗ್ಗೆ ಚೆನ್ನಾಗಿ ತಿಳಿದು, ಅದನ್ನು ಬೆಳೆಸು ಪ್ರಯತ್ನ ಮಾಡುತ್ತಿರುತ್ತಾರೆ. ಇವರು ತಮ್ಮದೇ ರೀತಿಯಲ್ಲಿ ಪ್ರಬಲರು. ಪ್ರತಿಯೊಬ್ಬರಲ್ಲೂ ಉತ್ತಮ ವಿಷಯವನ್ನು ಹೊರ ತೆಗೆಯುವುದು ಹೇಗೆ ಎಂಬುದನ್ನು ಚೆನ್ನಾಗಿ ತಿಳಿದಿರುತ್ತಾರೆ. ಆದ್ದರಿಂದ, ಅವರು ಬಯಸಿದ್ದನ್ನು ಪಡೆಯುವವರೆಗೂ ಅವರು ಬಿಡುವುದಿಲ್ಲ. ಈ ಮೂಲಕ ಇವರು ನಿಜವಾದ ವಿಜಯಶಾಲಿಗಳಾಗುತ್ತಾರೆ.