ವಿಶ್ವ ಜಲ ದಿನ: ಮನೆಯಲ್ಲಿ ನೀರು ವ್ಯರ್ಥವಾಗದಂತೆ ತಡೆಯಲು ಉತ್ತಮ ಉಪಾಯಗಳು ಇಲ್ಲಿವೆ

ಸೋರಿಕೆಯಾಗದಂತೆ ಆಗಾಗ ಪೈಪ್ ಪರಿಶೀಲಿಸಿ:

ನೆನಪಿಡಿ, ನಾವು ಸಣ್ಣ ಹನಿ ಎಂದು ನಿರ್ಲಕ್ಷ್ಯ ಮಾಡುವ ನೀರು, ಅನೇಕರ ಬಾಯಾರಿಕೆ ನೀಗಿಸಬಹುದು. ಹನಿ ಹನಿ ಗೂಡಿದರೆ ಹಳ್ಳ ಎಂಬ ಮಾತೇ ಇದೆ. ಒಂದೊಂದು ಮನೆಯಲ್ಲಿ ಒಂದೊಂದು ಹನಿ ನೀರು ಸೋರಿ ವ್ಯರ್ಥವಾದರೂ, ಅದರಿಂದಾಗುವ ನಷ್ಟ ಬಹಳಷ್ಟು. ಆದ್ದರಿಂದ ಯಾವುದೇ ಸೋರಕೆಯಾಗುವುದನ್ನು ತಡೆಯಲು ನಿಮ್ಮ ಮನೆಯ ಪೈಪ್‌ಗಳನ್ನು ಆಗಾಗ ಪರಿಶೀಲನೆ ಮಾಡುತ್ತಿರಿ.

ಸ್ನಾನ ಮಾಡುವಾಗ ವ್ಯರ್ಥ ಬಳಕೆ ಬೇಡ:

ನೀವು ಸ್ನಾನಕ್ಕೆ ಶವರ್ ಬಳಸುತ್ತಿದ್ದರೆ, ಸೋಪ್ ಹಚ್ಚಿಕೊಳ್ಳುವಾಗ ಅದನ್ನು ಆಫ್ ಮಾಡಿ. ಇದರ ಜೊತೆಗೆ ಕಡಿಮೆ ಫ್ಲೋ ಇರುವ ಶವರ್‌ಹೆಡ್‌ಗಳನ್ನು ಸ್ಥಾಪಿಸುವುದು ಸಹ ಸಹಾಯ ಮಾಡುತ್ತದೆ ಏಕೆಂದರೆ ಇದು ಸಾಮಾನ್ಯ ಶವರ್‌ಹೆಡ್‌ಗಿಂತ ಕಡಿಮೆ ನೀರನ್ನು ಬಳಸುತ್ತದೆ. ನೀರನ್ನು ಉಳಿಸಲು ಉತ್ತಮ ಮಾರ್ಗವೆಂದರೆ ಸ್ನಾನ ಮಾಡಲು ಬಕೆಟ್ ಬಳಸುವುದು. ಇದರಿಂದ ಕೆಲಸ ಹೆಚ್ಚಾದರೂ, ನೀರಿನ ವ್ಯರ್ಥ ಬಳಕೆ ತಡೆಯುವುದು.

ಶವರ್ ಬಕೆಟ್:

ನೀರನ್ನು ಡ್ರೈನೇಜ್‌ಗೆ ಬಿಡುವ ಬದಲು, ಅದನ್ನು ಬಕೆಟ್‌ನಲ್ಲಿ ಅಥವಾ ಯಾವುದಾದರೂ ಇಂಗುಗುಂಡಿಗೆ ಹೋಗುವಂತೆ ಮಾಡಿ. ತದನಂತರ ಇದನ್ನು ಶೌಚಾಲಯವನ್ನು ಫ್ಲಶ್ ಮಾಡಲು ಅಥವಾ ಸಸ್ಯಗಳಿಗೆ ನೀರುಣಿಸಲು ಈ ನೀರನ್ನು ಬಳಸಬಹುದು.

ಬ್ರಷ್ ಮಾಡುವಾಗ ಟ್ಯಾಪ್ ಆಫ್ ಮಾಡಿ:

ಸಾಮಾನ್ಯವಾಗಿ ಹಲ್ಲುಜ್ಜುವಾಗ ಟ್ಯಾಪ್ ಆನ್ ಮಾಡಿ ಇಡುವ ಅಭ್ಯಾಸ ಹೆಚ್ಚಿದೆ. ಆದರೆ, ಇದು ತಪ್ಪು. ಹಲ್ಲುಜ್ಜುವಾಗ ಟ್ಯಾಪ್ ಚಾಲನೆ ಮಾಡಬಾರದು. ನಿಮ್ಮ ಬ್ರಷ್ ಅನ್ನು ಒದ್ದೆ ಮಾಡಿದ ನಂತರ ಆಫ್ ಮಾಡಿ ಮತ್ತು ನಂತರ ಬಾಯಿಯನ್ನು ತೊಳೆಯಲು ಆನ್ ಮಾಡಿದರೆ ಸಾಕು ಅಥವಾ ಬಕೆಟ್‌ ನಲ್ಲಿ ತುಂಬಿಟ್ಟ ನೀರನ್ನು ಬಳಸಿ.

ಕೈ ತೊಳೆಯುವಾಗ ಟ್ಯಾಪ್ ಆಫ್ ಮಾಡಿ:

ನಿಮ್ಮ ಕೈಗಳನ್ನು ಉಜ್ಜಿಕೊಳ್ಳುವಾಗ ಮಾಡುವಾಗ ಹರಿಯಲು ನಿಮಗೆ ನೀರು ಬೇಕೇ? ಈ ಅಭ್ಯಾಸ ಬಿಟ್ಟು ಬಿಡಿ/ ಇದರಿಂದ ಕೆಲವು ಗ್ಯಾಲನ್‌ಗಳಷ್ಟು ನೀರನ್ನು ಉಳಿಸಬಹುದು. ನಿಮ್ಮ ಕೈಗಳನ್ನು ಒದ್ದೆ ಮಾಡಿದ ನಂತರ ನಲ್ಲಿಯನ್ನು ಆಫ್ ಮಾಡಿ, ಚೆನ್ನಾಗಿ ಉಜ್ಜಿಕೊಳ್ಳಿ ನಂತರ ಆನ್ ಮಾಡಿ.

ಶೌಚಾಲಯವನ್ನು ಕಸದ ಬುಟ್ಟಿಯಾಗಿ ಬಳಸುವುದನ್ನು ತಪ್ಪಿಸಿ:

ಪ್ರತಿ ಬಾರಿ ಬಳಸಿದ ಟಿಶ್ಯು ಅಥವಾ ಸಿಗರೇಟ್ ತುಂಡುಗಳನ್ನು ಫ್ಲಶ್ ಮಾಡುವುದರಿಂದ ಹೆಚ್ಚು ನೀರು ವ್ಯರ್ಥವಾಗುತ್ತದೆ. ಆದ್ದರಿಂದ ಇವುಗಳನ್ನು ಶೌಚಾಲಯಕ್ಕೆ ಹಾಕುವುದನ್ನು ನಿಲ್ಲಿಸಿ.

ಅಕ್ಕಿ ತೊಳೆದ ನೀರನ್ನು ಮರುಬಳಕೆ ಮಾಡಿ:

ಅಕ್ಕಿ ತೊಳೆದ ನೀರನ್ನು ಎಸೆಯುವ ಬದಲು, ದೊಡ್ಡ ಮಡಕೆಗೆ ಹಾಕಿಡಿ. ಅದು ತಣ್ಣಗಾದ ನಂತರ, ಸಸ್ಯಗಳಿಗೆ ನೀರುಣಿಸಲು ಬಳಸಬಹುದು. ಇಲ್ಲಿ ಗಮನಿಸಿ, ನೀರು ತಣ್ಣಗಾಗುವ ತನಕ ಕಾಯಿರಿ, ಏಕೆಂದರೆ ನೀವು ಕುದಿಯುವ ನೀರನ್ನು ಸಸ್ಯಗಳ ಮೇಲೆ ಸುರಿದರೆ, ಹಾನಿಯಾಗುವುದು.

ಸಮರ್ಥ ವಸ್ತುಗಳನ್ನು ಆರಿಸಿ:

ನಿಮ್ಮ ನಲ್ಲಿಗಳನ್ನು ಗಾಳಿ ಮಾಡುವುದು, ಕಡಿಮೆ ಹರಿವಿನ ಶೌಚಾಲಯದಲ್ಲಿ ಹೂಡಿಕೆ ಮಾಡುವುದು, ಸಮರ್ಥ ಶವರ್ ಹೆಡ್‌ಗಳನ್ನು ಆರಿಸುವುದು ಮತ್ತು ವಾಟರ್ ಸೆನ್ಸ್-ರೇಟೆಡ್ ಡಿಶ್‌ವಾಶರ್ ಮತ್ತು ವಾಷಿಂಗ್ ಮೆಷಿನ್ ಅನ್ನು ಆರಿಸಿಕೊಳ್ಳುವುದು ದೊಡ್ಡ ನೀರಿನ ಉಳಿತಾಯವನ್ನು ಮಾಡಲು ಸಹಾಯ ಮಾಡುವುದು.

ಮಳೆನೀರು ಕೊಯ್ಲನ್ನು ಸ್ಥಾಪಿಸಿ:

ಮಳೆಗಾಲದ ದಿನಗಳಲ್ಲಿ, ಸ್ಪ್ರಿಂಕ್ಲರ್ ಅನ್ನು ಆನ್ ಮಾಡದೆಯೇ ನಿಮ್ಮ ಸಸ್ಯಗಳನ್ನು ಹೈಡ್ರೀಕರಿಸಿದ ರೀತಿಯಲ್ಲಿ ಇರಿಸಿಕೊಳ್ಳಲು ಮಳೆನೀರು ಕೊಯ್ಲು ಉತ್ತಮ ಮಾರ್ಗವಾಗಿದೆ. ಆದ್ದರಿಂದ ಮಳೆನೀರಿನ ಕೊಯ್ಲನ್ನು ಸ್ಥಾಪಿಸಿ, ಇದರಿಂದ ಮಳೆನೀರು ವ್ಯರ್ಥವಾಗದೇ, ಮರುಬಳಕೆಯಾಗುವುದು.