ತಾನು ಪ್ರೀತಿಸಿದ ವ್ಯಕ್ತಿಗಾಗಿ ಅವಾಹಿತರಾಗಿಯೇ ಉಳಿದರು ಲತಾ ಮಂಗೇಶ್ಕರ್‌!

ಲತಾ ಮಂಗೇಶ್ಕರ್ ಪ್ರೇಮ ಕತೆ

ಹೌದು ಹದಿಹರೆಯದ ವಯಸ್ಸಿನಲ್ಲಿ ಲತಾ ಮಂಗೇಶ್ಕರ್‌ಗೂ ಒಬ್ಬ ಹುಡುಗನ ಮೇಲೆ ಪ್ರೀತಿ ಅಂಕುರವಾಗಿತ್ತು. ಅವರಿಬ್ಬರು ತಮ್ಮ ಪ್ರಾಣಕ್ಕಿಂತ ಹೆಚ್ಚಾಗಿ ಪ್ರೀತಿಸುತ್ತಿದ್ದರು. ಅವರೊಂದಿಗೆ ಒಂದು ಸುಂದರ ವೈವಾಹಿಕ ಬದುಕಿನ ಕನಸ್ಸು ಕಂಡಿದ್ದ ಲತಾಮಂಗೇಶ್ಕರ್‌ಗೆ ಆ ಕನಸ್ಸು ಕನಸ್ಸಾಗಿಯೇ ಉಳಿಯಿತು.

ಲತಾ ಮಂಗೇಶ್ಕರ್‌ ಪ್ರೇಮ ಭಗ್ನವಾಗಿದ್ದೇಕೆ?

ಲತಾ ಮಂಗೇಶ್ಕರ್‌ಗೆ ಅವರ ಅಣ್ಣನ ಸ್ನೇಹಿತನಾಗಿದ್ದ ಮಹಾರಾಜ್‌ ಸಿಂಗ್‌ ಅವರೊಂದಿಗೆ ಪ್ರೇಮವಾಯಿತು. ಅವರು ರಾಜಸ್ಥಾನದ ರಜಪೂತ ರಾಜಮನೆತನಕ್ಕೆ ಸೇರಿದ ಹುಡುಗ. ಇದುವೇ ಇವರಿಬ್ಬರ ಪ್ರೀತಿಗೆ ಅಡ್ಡಿಯಾಯಿತು, ಲತಾ ಮಂಗೇಶ್ಕರ್‌ ಅವರನ್ನು ತನ್ನ ಮಗ ಮದುವೆಯಾಗಲು ಬಿಡಲ್ಲ ಎಂದು ಮಹಾರಾಜ್‌ ಸಿಂಗ್‌ ಅವರ ತಂದೆ ಹಠ ಹಿಡಿದರು. ಸಾಮಾನ್ಯ ಮನೆತನದ ಹಡುಗಿಯೊಬ್ಬಳನ್ನು ತಮ್ಮ ಕುಟುಂಬಕ್ಕೆ ತರಲು ಆ ರಾಜ ಮನೆತನದವರು ಸಿದ್ಧರಿರಲಿಲ್ಲ.

ಅಮರ ಪ್ರೇಮಿಯಾದ ಲತಾ ಮಂಗೇಶ್ಕರ್‌

ಮನೆಯವರನ್ನು ವಿರೋಧಿಸಿ ಮದುವೆಯಾಗಲು ಇಬ್ಬರಿಗೂ ಇಷ್ಟವಿರಲಿಲ್ಲ. ಲತಾ ಅವರನ್ನು ಮದುವೆಯಾಗದಿದ್ದರೆ ಕೊನೆಯವರೆಗೂ ಯಾರನ್ನೂ ಮದುವೆಯಾಗಲ್ಲ ಎಂದು ಮಹಾರಾಜ್‌ ಸಿಂಗ್‌ ಹಠ ಹಿಡಿದರು. ಇತ್ತ ಲತಾ ಮಂಗೇಶ್ಕರ್‌ ಕೂಡ ಅವಹಿತರಾಗಿಯೇ ಉಳಿಯಲು ತೀರ್ಮಾನಿಸಿದರು. ಮಹಾರಾಜ್‌ ಸಿಂಗ್‌ ಬಿಸಿಸಿಐನ ಮಾಜಿ ಅಧ್ಯಕ್ಷರಾಗಿದ್ದರು, ಇವರು 2009ರಲ್ಲಿ ಇಹಲೋಕ ತ್ಯಜಿಸಿದ್ದಾರೆ.

ಇವರಿಬ್ಬರದ್ದು ಪವಿತ್ರ ಪ್ರೇಮವಾಗಿತ್ತು, ತಮ್ಮ ಪ್ರೀತಿಗಾಗಿ ಅವಾಹಿತರಾಗಿ ಉಳಿಯುವ ಮೂಲಕ ಇಡೀ ಜೀವನವನ್ನೇ ಒಬ್ಬರಿಗೊಬ್ಬರು ಸಮರ್ಪಿಸಿ ಅಮರ ಪ್ರೇಮಿಗಳಾದರು.