ನೀವು ಇಷ್ಟಪಡುವ ರುಚಿ ಹೇಳುತ್ತೆ ನಿಮ್ಮ ವ್ಯಕ್ತಿತ್ವ ಎಂಥದ್ದು ಎಂದು..!

ವಾಹ್‌... ಸಿಹಿ

ಇದು ಅತ್ಯಂತ ಸಾಮಾನ್ಯವಾದ ಆಹಾರದ ಕಡುಬಯಕೆಯಾಗಿದೆ. ಹೆಚ್ಚು ಸಕ್ಕರೆ ಸೇವನೆಯು ಮಧುಮೇಹ, ಕ್ಯಾನ್ಸರ್ ಮತ್ತು ಹೃದಯಾಘಾತದಂತಹ ಹಲವಾರು ದೀರ್ಘಕಾಲದ ಕಾಯಿಲೆಗಳಿಗೆ ಸಂಬಂಧಿಸಿದ್ದರೂ ಹೆಚ್ಚು ಜನರು ಸಿಹಿ ತಿಂಡಿಯನ್ನು ಇಷ್ಟಪಡುವವರು ಇದ್ದಾರೆ. ಇದೇ ಅವರ ವ್ಯಕ್ತಿತ್ವ ಹೇಳುತ್ತದೆ, ಅಂದರೆ ಅವರಿಗೆ ಸಕ್ಕರೆ ಬೇಡ ಎಂದು ಹೇಳಲು ಕಷ್ಟವಾಗುತ್ತದೆ.

ಅಧ್ಯಯನಗಳ ಪ್ರಕಾರ, ಸಿಹಿ ಆಹಾರ ಇಷ್ಟಪಡುವ ಜನರು ಸಹ ಸಿಹಿ ಸ್ವಭಾವವನ್ನು ಹೊಂದಿರುತ್ತಾರೆ. ಅವರು ಎಲ್ಲರನ್ನು ಒಪ್ಪುವ, ಸ್ನೇಹಪರ ಮತ್ತು ಸಹಾನುಭೂತಿಯುಳ್ಳವರು. ಅಂತಹ ಜನರು ಸಾಮಾಜಿಕ ಸಂವಹನಗಳನ್ನು ಹಂಬಲಿಸುವ ಪ್ರವೃತ್ತಿಯನ್ನು ಹೊಂದಿರುತ್ತಾರೆ. ಸಿಹಿ ಜನರು ಸ್ನೇಹಪರರು ಮತ್ತು ಹೆಚ್ಚು ನಿಷ್ಠಾವಂತರು. ಅವರು ನಿಸ್ವಾರ್ಥ ಕಾರ್ಯಗಳಲ್ಲಿ ಸ್ವಯಂಸೇವಕರಾಗಿರುತ್ತಾರೆ.

ಅಯ್ಯೋ.. ಹುಳಿ ರುಚಿ

ನಿಮ್ಮ ಮುಖದ ಭಾವವನ್ನೇ ಬದಲಿಸುವ ತಾಕತ್ತು ಹುಳಿ ರುಚಿಗಿದೆ. ಇದನ್ನು ಎಲ್ಲರೂ ಇಷ್ಟಪಡುವುದಿಲ್ಲ, ಕೆಲವರಿಗೆ ಮಾತ್ರ ಇದು ಕಡುಬಯಕೆಯ ರುಚಿ. ಉಪ್ಪಿನಕಾಯಿ, ನಿಂಬೆಹಣ್ಣು ಮತ್ತು ಮೊಸರು ಹುಳಿ ಆಹಾರಗಳ ಕೆಲವು ಉದಾಹರಣೆಗಳಾಗಿವೆ.

ಹುಳಿ ಇಷ್ಟಪಡುವ ಜನರು ಉನ್ನತ ಗುಣಮಟ್ಟವನ್ನು ಹೊಂದಿರುತ್ತಾರೆ ಮತ್ತು ಸುಲಭವಾಗಿ ಸಂತೋಷಪಡುವುದಿಲ್ಲ. ಅವರು ಕೆಲವೊಮ್ಮೆ ಅತಿಯಾದ ವಿಮರ್ಶಾತ್ಮಕರಾಗಬಹುದು ಮತ್ತು ಕಠಿಣವಾಗಿರಬಹುದು. ಅವರು ಬೇಗನೆ ಆತಂಕಕ್ಕೊಳಗಾಗುತ್ತಾರೆ ಮತ್ತು ಅತಿಯಾಗಿ ಯೋಚಿಸುತ್ತಾರೆ. ಕೆಲವು ಅಧ್ಯಯನಗಳ ಪ್ರಕಾರ, ಅಪಾಯ-ತೆಗೆದುಕೊಳ್ಳುವಿಕೆ ಮತ್ತು ಸಮಾಜ-ವಿರೋಧಿ ನಡವಳಿಕೆಗೆ ಹುಳಿ ಇಷ್ಟಪಡುವ ಜನರು ಹೆಚ್ಚು ಆಪ್ತರಾಗುತ್ತಾರೆ ಎನ್ನಲಾಗುತ್ತದೆ.

ಉಪ್ಪಿನ ರುಚಿ

ಉಪ್ಪಿಲ್ಲದ ಅಡುಗೆ ಒಂದು ಅಡುಗೆಯೇ. ಉಪ್ಪನ್ನು ದ್ವೇಷಿಸುವವರು ಯಾರೂ ಇಲ್ಲ ಎನ್ನಬಹುದು, ಎಂಥಾ ರಕ್ತದೊತ್ತಡ ಇರುವವರು ಸಹ ಅಡುಗೆಗೆ ಕನಿಷ್ಟ ಉಪ್ಪು ಹಾಕಿ ಸೇವಿಸುತ್ತಾರೆ. ಇನ್ನು ಕೆಲವರಂತು ಅಡುಗೆಗೆ ಇನ್ನಷ್ಟು ಉಪ್ಪು ಹಾಕಿ ಸೇವಿಸುವ ಉಪ್ಪು ಪ್ರಿಯರು ಇದ್ದಾರೆ. ಒಂದು ಅಧ್ಯಯನದ ಪ್ರಕಾರ, ಹೆಚ್ಚಿನ ಉಪ್ಪು ಹಂಬಲಿಸುವವರು "ಸೂಪರ್‌ಟೇಸ್ಟರ್‌ಗಳು", ಇವರು ಹೆಚ್ಚು ರುಚಿಗಾರರು, ಹೀಗಾಗಿ ಅಭಿರುಚಿಗಳಿಗೆ ಹೆಚ್ಚಿನ ಸಂವೇದನೆಯನ್ನು ಹೊಂದಿರುತ್ತಾರೆ.

ಉಪ್ಪನ್ನು ಆದ್ಯತೆ ನೀಡುವ ಜನರು ಯಾವಾಗಲೂ ಪ್ರಯಾಣವನ್ನು ಇಷ್ಟಪಡುತ್ತಾರೆ, ಇವರು ಒಂದು ಕಡೆ ನೆಲೆಸುವುದು ವಿರಳ. ಅವರು ಮಹತ್ವಾಕಾಂಕ್ಷೆಯಿಂದ ತುಂಬಿರುತ್ತಾರೆ ಮತ್ತು ಜೀವನದಲ್ಲಿ ರೋಚಕತೆಗಳನ್ನು ಹುಡುಕುತ್ತಾರೆ. ಆದರೆ ಶೀಘ್ರವಾಗಿ ನಿರಾಶೆಗೊಳ್ಳುತ್ತಾರೆ, ವಿಶೇಷವಾಗಿ ಟ್ರಾಫಿಕ್ ಮತ್ತು ಮನೆಗೆಲಸದಂತಹ ವಿಷಯಗಳು ಇವರಿಗೆ ಬಹಳ ಹಿಂಸೆ. ಇವರು ಸುಲಭವಾಗಿ ಮನನೋಯುವುದಿಲ್ಲ ಮತ್ತು ಹೆಚ್ಚಿನ ಸಮಯ ನಿರಾತಂಕವಾಗಿರುತ್ತಾರೆ.

ಅಬ್ಬಬ್ಬಾ ಕಹಿ..!

ಕಹಿಯನ್ನು ಇಷ್ಟಪಡುವ ಜನರು ಬಹಳವೇ ವಿರಳ ಎನ್ನಬಹುದು, ಆದರೆ ನೆನಪಿರಲಿ ಇದನ್ನು ಇಷ್ಟಪಡುವ ಜನರು ಇದ್ದಾರೆ. ಹಾಗಲಕಾಯಿ, ಬ್ಲಾಕ್‌ ಕಾಫಿ, ಡಾರ್ಕ್‌ ಚಾಕೊಲೆಟ್‌ ಕಹಿ ರುಚಿಗೆ ಉದಾಹರಣೆ. ನೀವು ನಿಜವಾಗಿಯೂ ಕಹಿ ಆಹಾರವನ್ನು ಆನಂದಿಸುವವರಾದರೆ, ನೀವು ನಾರ್ಸಿಸಿಸ್ಟಿಕ್, ಸ್ಯಾಡಿಸ್ಟ್ ಮತ್ತು ಸಮಾಜವಿರೋಧಿ ನಡವಳಿಕೆಗಳನ್ನು ಸಹ ಪ್ರದರ್ಶಿಸುವ ಸಾಧ್ಯತೆಯಿದೆ ಎನ್ನುತ್ತದೆ ಅಧ್ಯಯನ.

ಅಲ್ಲದೆ, ಈ ಜನರು ನೇರ ಮತ್ತು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಲು ಬಂದಾಗ ಕೊಂಕಣ ಸುತ್ತುವುದಿಲ್ಲ. ಕಹಿ ಆಹಾರವನ್ನು ಸೇವಿಸುವುದರಿಂದ ಕ್ಷಣಿಕವಾಗಿ ಇತರರ ಕಡೆಗೆ ಭಾವನಾತ್ಮಕತೆ ಮತ್ತು ಹಗೆತನ ಸ್ವಲ್ಪ ಹೆಚ್ಚೇ ಇರುತ್ತದೆ.

ಮಸಾಲೆಯುಕ್ತ ರುಚಿ

ಮಸಾಲೆಯು ತಾಂತ್ರಿಕವಾಗಿ ರುಚಿಯಾಗಿಲ್ಲದಿದ್ದರೂ, ಇದು ಸಾಮಾನ್ಯ ರುಚಿ ಆದ್ಯತೆಯಾಗಿರುವುದರಿಂದ ಅದನ್ನು ಸಹ ರುಚಿಯ ಭಾಗವಾಗಿ ಪರಿಗಣಿಸಲಾಗಿದೆ.

ಮಸಾಲೆಯುಕ್ತ ಆಹಾರಗಳಿಗೆ ಆದ್ಯತೆಯು ಸಾಹಸ ಮತ್ತು ಅಪಾಯವನ್ನು ತೆಗೆದುಕೊಳ್ಳುವ ಬಯಕೆಯೊಂದಿಗೆ ಸಂಬಂಧಿಸಿದೆ. ಜೂಜಾಟ, ಬಂಗೀ ಜಂಪಿಂಗ್ ಮತ್ತು ಹೊಸ ಅನುಭವಗಳನ್ನು ಹುಡುಕುವುದು ನಿಮ್ಮೊಂದಿಗೆ ಅನುರಣಿಸುವ ವಿಷಯಗಳಾಗಿದ್ದರೆ, ನೀವು ಮಸಾಲೆಯುಕ್ತ ಆಹಾರವನ್ನು ಬಯಸುತ್ತೀರಿ ಎಂದರ್ಥ.

ಉಮಾಮಿ ಖಾರದ ರುಚಿ

ಉಮಾಮಿ ಎಂಬುದು ನಿಗೂಢ ಐದನೇ ರುಚಿಯಾಗಿದ್ದು ಅದನ್ನು ಇತ್ತೀಚೆಗೆ ಕಂಡುಹಿಡಿಯಲಾಗಿದೆ. ಉಮಾಮಿ ಖಾರ ಎಂದೂ ಕರೆಯುತ್ತಾರೆ, ಇದು ಮಾಂಸ ಮತ್ತು ಇತರ ಖಾರದ ಆಹಾರಗಳಾದ ಮೀನು, ಟೊಮ್ಯಾಟೊ, ಅಣಬೆಗಳು, ಯೀಸ್ಟ್ ಸಾರ ಮತ್ತು ಸೋಯಾ ಸಾಸ್ ಅನ್ನು ಆನಂದಿಸುವ ಪ್ರವೃತ್ತಿಯನ್ನು ಸೂಚಿಸುತ್ತದೆ. ವ್ಯಕ್ತಿತ್ವ ಮತ್ತು ಉಮಾಮಿ ನಡುವಿನ ಸಂಪರ್ಕದ ಕುರಿತು ಸಂಶೋಧನೆಯು ಇನ್ನೂ ವಿರಳವಾಗಿದೆ, ಆದರೆ ಉಮಾಮಿಯನ್ನು ಆದ್ಯತೆ ನೀಡುವ ಜನರು ಸಂವೇದನೆಯನ್ನು ಹುಡುಕುವವರು ಎಂದು ಹೇಳಲಾಗುತ್ತದೆ.