ಕರ್ನಾಟಕ ಚುನಾವಣೆ 2023: ಮಹಿಳೆಯರಿಗೆ ಖುಷಿ ಕೊಡುವಂತಿಲ್ಲ ಗೆದ್ದ ಮಹಿಳಾ ಅಭ್ಯರ್ಥಿಗಳ ಸಂಖ್ಯೆ!

ಕರ್ನಾಟಕ ಜನತೆ ಸ್ಪಷ್ಟ ಬಹುಮತವನ್ನು ಕಾಂಗ್ರೆಸ್‌ಗೆ ನೀಡುವ ಮೂಲಕ ಇನ್ನು ಐದು ವರ್ಷ ರಾಜ್ಯ ಭರಿಸುವ ಹಕ್ಕನ್ನು ಕಾಂಗ್ರೆಸ್‌ಗೆ ನೀಡಿದೆ. ಬಿಜೆಪಿಯ ಲೆಕ್ಕಾಚಾರವನ್ನು ಉಲ್ಟಾ ಮಾಡಿ ಕಾಂಗ್ರೆಸ್‌ ಭರ್ಜರಿ ಜಯಭೇರಿ ಭಾರಿಸಿದೆ. ಎರಡು ಬಾರಿ ಬಹುಪಕ್ಷವಾಗಿ ಹೊರ ಹೊಮ್ಮಿದ ಬಿಜೆಪಿ ಮಂಕಾದರೆ ಕಳೆದ ಎರಡು ಬಾರಿ ಮಂಕಾಗಿದ್ದ ಕಾಂಗ್ರೆಸ್‌ ಹುಮ್ಮಸ್ಸಿನಿಂದ ಮರಳಿದೆ.

2023ರ ಚುನಾವಣೆಯಲ್ಲಿ ಕಾಂಗ್ರೆಸ್‌ 136 ಸೀಟು ಪಡೆಯುವ ಮೂಲಕ ಸ್ಪಷ್ಟಬಹುಮತದಿಂದ ಸರ್ಕಾರ ರಚಿಸಲು ಮುಂದಾದರೆ , ಬಿಜೆಪಿ ಬರೀ 65 ಸೀಟು ಪಡೆಯುವ ಮೂಲಕ ಸ್ಟ್ರಾಟಜಿ ಪ್ಲ್ಯಾನ್ ಉಲ್ಟಾ ಹೊಡೆದ ಧರ್ಮ ಸಂಕಟದಲ್ಲಿ. ಇನ್ನು 19 ಸೀಟ್ ಪಡೆದಿರುವ ಜೆಡಿಎಸ್‌ ಮೈತ್ರಿ ಸರ್ಕಾರ ಬಂದು ನಮ್ಮ ಆಡಳಿತ ನಡೆಸಬೇಕೆಂಬ ಕನಸು ಕಾಣ್ತಾ ಇತ್ತು, ಇದೀಗ ಅವರಿಗೂ ನಿರಾಸೆ ಉಂಟಾಗಿದೆ. ಒಟ್ಟಿನಲ್ಲಿ ತೀರ್ಪುಗಾರರು (ಜನತೆ) ಯಾವುದೇ ಗೊಂದಲ ಉಂಟು ಮಾಡದೆ ಒಂದು ಪಕ್ಷಕ್ಕೆ ಅಧಿಕಾರ ನಡೆಸಲು ಅನುವು ಮಾಡಿದೆ. ಜನರ ನಿರೀಕ್ಷೆಯನ್ನು ಹುಸಿ ಮಾಡದಿರುವ ಜವಾಬ್ದಾರಿ ಈಗ ಕಾಂಗ್ರೆಸ್ ಪಕ್ಷದ ಮೇಲಿದೆ.

ಈ ಬಾರಿ ಚುನಾವಣೆಯಲ್ಲಿ ಆಯ್ಕೆಯಾದ ಅಭ್ಯರ್ಥಿಗಳ ಪೈಕಿ ಮಹಿಳೆಯರ ಸಂಖ್ಯೆ ನೋಡಿದರೆ ಖಂಡಿತ ಮಹಿಳೆಯರಿಗೆ ತುಂಬಾನೇ ನಿರಾಸೆಯಾಗುವುದು. ಶೇ. 30ರಷ್ಟು ಕೂಡ ಮಹಿಳಾ ಅಭ್ಯರ್ಥಿಗಳಿಲ್ಲ, ಈ ಬಾರಿ ಚುನಾವಣೆಯಲ್ಲಿ ಬರೀ 10 ಮಹಿಳಾ ಅಭ್ಯರ್ಥಿಗಳಷ್ಟೇ ವಿಜಯದ ನಗೆ ಬೀರಿದ್ದಾರೆ. ಚುನಾವಣೆಗೆ ಸ್ಪರ್ಧಿಸಿದ್ದ ಮಹಿಳೆಯರ ಸಂಖ್ಯೆ ತುಂಬಾನೇ ಕಡಿಮೆ ಇತ್ತು, ಅವರಲ್ಲಿಯೂ ಬರೀ 10 ಜನರಿಗಷ್ಟೇ ಗೆಲುವು ಒಲಿದಿದೆ. (ಮೊದಲು 11 ಜನರಿಗೆ ಜಯ ಎ ಒಲಿದಿತ್ತು, ಆದರೆ ಮರು ಮತ ಎಣಿಕೆಯಲ್ಲಿ ಸೌಮ್ಯಾ ರೆಡ್ಡಿ ಕೆಲವೇ ಮತಗಳ ಅಂತರದಿಂದ ಸೋಲು ಅನುಭವಿಸಿದ್ದಾರೆ).

2023ರ ಚುನಾವಣೆಯಲ್ಲಿ ಜಯಗಳಿಸಿದ ಮಹಿಳಾ ಅಭ್ಯರ್ಥಿಗಳೆಂದರೆ
* ಬೆಳಗಾವಿ ಗ್ರಾಮಾಂತರದಿಂದ ಲಕ್ಷ್ಮಿ ಹೆಬ್ಬಾಳ್ಕರ್
* ದೇವದುರ್ಗದಿಂದ ಕರೇಮ್ಮ
* ಗುಲ್ಬರ್ಗ ಉತ್ತರದಿಂದ ಕಣೀಜ್ ಫಾತಿಮಾ
*ಹರಪ್ಪನ ಹಳ್ಳಿಯಿಂದ ಲತಾ ಮಲ್ಲಿಕಾರ್ಜುನ
* ಚಿನ್ನದ ಗಣಿ ಕೋಲಾರದಿಂದ ರೂಪಾ ಕಲಾ ಎಂ
* ಮಹಾದೇವಪುರದಿಂದ ಮಂಜುಳ ಎಸ್
* ಮೂಡಿಗೆರೆಯಿಂದ ನಯನಾ ಮೋಟಮ್ಮ
* ನಿಪ್ಪಣಿಯಿಂದ ಶಶಿಕಲಾ ಜೊಲ್ಲೆ
* ಶಿವಮೊಗ್ಗ ಗ್ರಾಮಾಂತರ ಕ್ಷೇತ್ರದಿಂದ ಶಾರದ ಪೂರ್ಯಾನಾಯ್ಕ
* ಸುಳ್ಯಾದಿಂದ ಭಗೀರಥಿ ಮುರುಳ್ಯ

ಇಲ್ಲಿಯೂ ಕಾಂಗ್ರೆಸ್‌ನದ್ದೇ ಸಿಂಹಪಾಲು
ಬೆಳಗಾವಿ ಗ್ರಾಮಾಂತರದಿಂದ ಲಕ್ಷ್ಮಿ ಹೆಬ್ಬಾಳ್ಕರ್
ಗುಲ್ಬರ್ಗ ಉತ್ತರದಿಂದ ಕನೀಜ್ ಫಾತಿಮಾ
ಮೂಡಿಗೆರೆ ನಯನ ಮೋಟಮ್ಮಾ (ಕಾಂಗ್ರೆಸ್)
ಕೋಲಾರ ಚಿನ್ನದ ಗಣಿ, ರೂಪ ಕಲಾ ಎಂ (ಕಾಂಗ್ರೆಸ್)

ಗೆದ್ದ ಬಿಜೆಪಿ ಮಹಿಳಾ ಅಭ್ಯರ್ಥಿಗಳು
ಮಹಾದೇವಪುರು ಮಂಜುಳ ಎಸ್
ನಿಪ್ಪಣಿಯಿಂದ ಶಶಿಕಲಾ ಜೊಲ್ಲೆ
ಸುಳ್ಯಾದಿಂದ ಭಗೀರಥಿ ಮುರುಳ್ಯ

ಗೆದ್ದ ಜೆಡಿಎಸ್ ಅಭ್ಯರ್ಥಿಗಳು
ದೇವದುರ್ಗ ಕರೇಮ್ಮ (ಜೆಡಿಎಸ್)
ಶಾರದ ಪೂರ್ಯಾನಾಯ್ಕ (ಶಿವಮೊಗ್ಗ ಗ್ರಾಮಾಂತರ ಕ್ಷೇತ್ರ) ಜೆಡಿಎಸ್

ಪಕ್ಷೇತರ ಅಭ್ಯರ್ಥಿ
ಹರಪ್ಪನಹಳ್ಳಿ ಲತ ಮಲ್ಲಿಕಾರ್ಜುನ್

ಮುಂದಿನ ಚುನಾವಣೆಗಾದರೂ ಮಹಿಳೆಯರ ಸಂಖ್ಯೆ ಹೆಚ್ಚಾದರೆ ಮಹಿಳೆಯರಿಗೆ ಅದು ಸಂತೋಷದ ವಿಷಯ. ಮಹಿಳೆಯರು ರಾಜಕೀಯದ ಕಡೆಗೆ ಹೆಚ್ಚು ಆಸಕ್ತಿ ತೋರಿಸದೇ ಇರುವುದು, ಈ ಕ್ಷೇತ್ರದಲ್ಲಿ ಮಹಿಳೆಯರಿಗೆ ಬೆಳೆಯಲು ಇರುವ ಸವಾಲುಗಳು (ಸಂಸಾರ ಹಾಗೂ ಸಮಾಜ ಜವಾಬ್ದಾರಿ ಜೊತೆ ಜೊತೆಯಲ್ಲಿ ನಿಭಾಯಿಸಿಕೊಂಡು ಹೋಗಲು ಕಷ್ಟವಾಗುವುದು) ಈ ಎಲ್ಲಾ ಕಾರಣಗಳಿಂದಾಗಿ ಮಹಿಳೆಯರ ಸಂಖ್ಯೆ ಕಡಿಮೆ ಇದೆ. ಗೆದ್ದಿರುವ ಮಹಿಳೆಯರಿಗೆ ಒಳ್ಳೆಯ ಸ್ಥಾನ ನೀಡಿದರೆ ಮತ್ತೊಂದಿಷ್ಟು ಮಹಿಳೆಯರಿಗೆ ಸ್ಪೂರ್ತಿಯಾಗಿ ರಾಜಕೀಯಕ್ಕೆ ಬರಬಹುದು.