ನೀವು ಅನ್ನ ಮಾಡುವಾಗ ಈ 5 ತಪ್ಪುಗಳ ಮಾಡಿರುತ್ತೀರಿ..! ಇಂದೇ ನಿಲ್ಲಿಸಿ..!

ನಿಮಗೆ ಅಡುಗೆ ಮಾಡಲು ಬರುತ್ತಾ? ಈ ಪ್ರಶ್ನೆ ಕೇಳಿದ್ರೆ ಕೆಲವರು ಬರುತ್ತೆ ಎನ್ನುತ್ತಾರೆ, ಮತ್ತೆ ಕೆಲವರು ಬರಲ್ಲ ಎನ್ನುತ್ತಾರೆ. ಈ ಬರಲ್ಲ ಎನ್ನುವವರ ಪೈಕಿ ಒಂದಿಷ್ಟು ಮಂದಿಯಂತು ನಮಗೆ ಅನ್ನ ಮಾಡಲು ಬರುತ್ತೆ ಎಂಬ ಉತ್ತರ ಹೇಳಿರುತ್ತಾರೆ. ಯಾಕಂದ್ರೆ ಅನ್ನ ಮಾಡುವುದೇನು ಕಷ್ಟದ ಕೆಲಸವಲ್ಲ. ಭಾರತದಲ್ಲಂತೂ ಅನ್ನವಿಲ್ಲದೆ ಯಾವೊಂದು ಊಟವು ಸಂಪೂರ್ಣಗೊಳ್ಳುವುದಿಲ್ಲ.

ಬೆಳೆಗ್ಗೆಯ ಉಪಹಾರ, ಮಧ್ಯಾಹ್ನದ ಊಟ, ರಾತ್ರಿಯ ಊಟದಲ್ಲೂ ಅನ್ನವಿರುವುದು ಸಾಮಾನ್ಯವಾಗಿದೆ. ಆದರೆ ಅನ್ನಕ್ಕೆ ಹಲವು ರೂಪ ನೀಡಿ ಸವಿಯಲು ಸಿದ್ಧ ಮಾಡುತ್ತೇವೆ. ಅಡುಗೆ ಮಾಡುವುದು ಸಹ ಒಂದು ಕಲೆ. ಈ ಕಲೆಯಲ್ಲಿ ಕೆಲವರು ಸಿದ್ಧಹಸ್ತರಾಗಿರುತ್ತಾರೆ. ಹಾಗೆ ಅಕ್ಕಿಯ ಮೂಲಕ ಅನ್ನದ ರೂಪದಲ್ಲಿ ನಾವು ಪಲಾವ್, ಬಿರಿಯಾನಿ, ಚಿತ್ರಾನ್ನ ಹೀಗೆ ಹತ್ತಾರು ಭಕ್ಷ್ಯ ಮಾಡಬಹುದಿದೆ. ಈ ಎಲ್ಲಾ ಭಕ್ಷ್ಯಗಳಿಗೂ ಒಂದೇ ರೀತಿಯ ಅನ್ನ ಸರಿಹೊಂದುವುದಿಲ್ಲ. ಇದಕ್ಕೆ ಅಷ್ಟೇ ಪ್ರಮಾಣದಲ್ಲಿ ಬೇಯಿಸಬೇಕಾಗುತ್ತದೆ.

ನೀವು ಅಡುಗೆ ಮಾಡುವಲ್ಲಿ ಹತ್ತಾರು ವರ್ಷದ ಅನುಭವವಿದ್ದರೂ ಅನ್ನ ಮಾಡಬೇಕಾದರೆ ಸರಿಯಾದ ಗಮನವಿಡಬೇಕು. ಹಾಗಾದ್ರೆ ನೀವು ಅನ್ನವನ್ನು ಬೇಯಿಸುವಾಗ ಮಾಡುತ್ತಿರುವ 5 ತಪ್ಪುಗಳನ್ನು ನಾವು ಪಟ್ಟಿ ಮಾಡಿದ್ದೇವೆ. ಸಾಮಾನ್ಯವಾಗಿ ನೀವು ಅನ್ನ ಬೇಯಿಸುವಾಗ ಈ ತಪ್ಪುಗಳನ್ನು ಮಾಡಿರುತ್ತೀರಿ. ಹಾಗಾದ್ರೆ ಆ ತಪ್ಪುಗಳೇನು ಎಂಬುದನ್ನು ನೋಡಿ.

1. ಅಕ್ಕಿಯನ್ನು ಚೆನ್ನಾಗಿ ತೊಳೆಯದಿರುವುದು

ನೀವು ಅಕ್ಕಿಯನ್ನು ಸರಿಯಾಗಿ ತೊಳೆಯುತ್ತೀರಾ ಅಥವಾ ನೇರವಾಗಿ ಬಳಸುತ್ತೀರಾ? ಅಕ್ಕಿಯನ್ನು ಬೇಯಿಸುವಾಗ ನೀವು ಮಾಡಬಹುದಾದ ಸಾಮಾನ್ಯ ತಪ್ಪುಗಳೆಂದರೆ ಧಾನ್ಯಗಳನ್ನು ಸರಿಯಾಗಿ ತೊಳೆಯದಿರುವುದು. ಅಕ್ಕಿಯನ್ನು ತೊಳೆಯದಿದ್ದಾಗ, ಹೆಚ್ಚುವರಿ ಮೇಲ್ಮೈ ಪಿಷ್ಟವನ್ನು ಉಳಿಸಿಕೊಳ್ಳುತ್ತವೆ, ಅದು ಅಡುಗೆ ಮಾಡುವಾಗ ತುಂಬಾ ಜಿಗುಟಾದಂತಾಗುತ್ತದೆ. ಇದನ್ನು ತಪ್ಪಿಸಲು ಅಕ್ಕಿಯನ್ನು ಕನಿಷ್ಠ 3-4 ಬಾರಿ ತಣ್ಣೀರಿನಲ್ಲಿ ತೊಳೆಯಬೇಕು. ಇದು ಬೇಯಿಸಿದ ಅನ್ನದ ಮೃದುವಾದ ಮತ್ತು ಹಗುರವಾದ ಅನ್ನಕ್ಕೆ ಕಾರಣವಾಗುತ್ತದೆ. ಕೆಲವರು ಒಂದೇ ಬಾರಿ ಅಕ್ಕಿ ತೊಳೆಯುವುದನ್ನು ರೂಢಿ ಮಾಡಿಕೊಂಡಿರುತ್ತಾರೆ. ಹೀಗೆ ಮಾಡುವುದರಿಂದ ಅಕ್ಕಿಗೆ ಹುಳುಗಳು ಹಿಡಿಯಬಾರದು ಎಂದು ಕೆಲವು ರಾಸಾಯನಿಕಗಳನ್ನು ಕಂಪನಿಗಳು ಬಳಸುತ್ತವೆ, ಈ ರಾಸಾಯನಿಕಗಳು ನಿಮ್ಮ ಹೊಟ್ಟೆ ಸೇರುತ್ತದೆ.

2. ನೀರು ಮತ್ತು ಅಕ್ಕಿ

ನೀವು ಅಕ್ಕಿಯನ್ನು ಸರಿಯಾಗಿ ತೊಳೆಯುತ್ತಿದ್ದೀರಾ ಆದರೂ ಅನ್ನ ಸರಿಯಾಗಿ ಅಂದರೆ ನೀವು ಬಯಸಿದಂತೆ ಆಗುತ್ತಿಲ್ಲವೇ? ನೀವು ನೀರು-ಅಕ್ಕಿ ಅನುಪಾತವನ್ನು ಲೆಕ್ಕ ಹಾಕದಿರುವುದು ಇದಕ್ಕೆ ಕಾರಣವಾಗಿರಬಹುದು. ನೀವು ತೊಳೆದ ಅಕ್ಕಿ ಮತ್ತು ನೀರನ್ನು ಸರಿಯಾದ ಪ್ರಮಾಣದಲ್ಲಿ ಬೆರೆಸುವುದನ್ನು ರೂಢಿ ಮಾಡಿಕೊಳ್ಳಿ. ಆದರೆ ಎಲ್ಲಾ ರೀತಿಯ ಅಕ್ಕಿಗಳಿಗೂ ಈ ಪ್ರಮಾಣ ಸರಿ ಹೊಂದುವುದಿಲ್ಲ. ನಿಮಗೆ ತಿಳಿದಂತೆ ಎಷ್ಟು ಅಕ್ಕಿ ಹಾಕಿತ್ತೀರೋ ಅದಕ್ಕಿಂತ 2 ಪಟ್ಟು ಹೆಚ್ಚಿನ ನೀರು ಹಾಕುತ್ತೀರ. ಆದರೆ ಕೆಲ ಅಕ್ಕಿಗಳಿಗೆ ನೀರು ಕಡಿಮೆ ಇಡಬೇಕಾಗುತ್ತದೆ.

3. ಬಿಳಿ ಮತ್ತು ಕಂದು ಅಕ್ಕಿಯನ್ನು ಒಂದೇ ರೀತಿಯಲ್ಲಿ ಬೇಯಿಸುವುದು

ಅಡುಗೆ ಮಾಡುವಾಗ ನೀವು ಮಾಡಬಹುದಾದ ಮತ್ತೊಂದು ಸಾಮಾನ್ಯ ತಪ್ಪು ಬಿಳಿ ಮತ್ತು ಕಂದು ಅಕ್ಕಿ ಅಡುಗೆ ವಿಧಾನಗಳ ನಡುವೆ ವ್ಯತ್ಯಾಸವನ್ನು ಗುರುತಿಸದಿರುವುದು. ಬ್ರೌನ್ ರೈಸ್, ಇದು ಸಂಪೂರ್ಣ ಧಾನ್ಯದ ಅಕ್ಕಿಯಾಗಿದ್ದು, ತಿನ್ನಲಾಗದ ಹೊರಪದರವನ್ನು ತೆಗೆದುಹಾಕಲಾಗುತ್ತದೆ, ಇದು ಬಿಳಿ ಅಕ್ಕಿಗಿಂತ ಬೇಯಿಸಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಏಕೆಂದರೆ ಕಂದು ಅಕ್ಕಿ ಕಾಳುಗಳ ಹೊರ ಹೊಟ್ಟು ಅದರ ಮಧ್ಯಭಾಗಕ್ಕೆ ನೀರಿನ ಪ್ರವೇಶವನ್ನು ಕಡಿಮೆ ಮಾಡುತ್ತದೆ. ಕಂದು ಅಕ್ಕಿಯನ್ನು ಅಡುಗೆ ಮಾಡುವಾಗ, ನೀವು ಬಿಳಿ ಅಕ್ಕಿಗಿಂತ ¼ ರಿಂದ ½ ಹೆಚ್ಚು ನೀರನ್ನು ಬಳಸಬೇಕು. ಬಿಳಿ ಅಕ್ಕಿ ಬೇಯಿಸಲು 15 ನಿಮಿಷಗಳನ್ನು ತೆಗೆದುಕೊಳ್ಳಬಹುದು, ಬ್ರೌನ್ ರೈಸ್ 50 ನಿಮಿಷಗಳವರೆಗೆ ತೆಗೆದುಕೊಳ್ಳಬಹುದು.

4. ಹೆಚ್ಚಿನ ಶಾಖದಲ್ಲಿ ಅಕ್ಕಿ ಬೇಯಿಸುವುದು

ಅಕ್ಕಿಯನ್ನು ಬೇಯಿಸುವಾಗ ಸಾಮಾನ್ಯವಾದ ತಪ್ಪು ಎಂದರೆ ನೀವು ಧಾನ್ಯಗಳನ್ನು ಬೇಯಿಸಲು ಹೆಚ್ಚಿನ ಬೆಂಕಿ ಬಳಸುವುದು. ನೀವು ಗ್ಯಾಸ್ ಅನ್ನು ಹೆಚ್ಚು ಮಾಡುವುದರಿಂದ ಅನ್ನವೇನೋ ವೇಗವಾಗಿ ಆಗಿಬಿಡುತ್ತದೆ. ಆದರೆ ಈ ಪ್ರಕ್ರಿಯೆಯು ನಿಮ್ಮ ಆಹಾರವನ್ನು ಹಾಳು ಮಾಡುತ್ತದೆ. ಅಕ್ಕಿ ಒಡೆದು ಬಳಿಕ ಅನ್ನದ ರೂಪಕ್ಕೆ ಬರುತ್ತದೆ, ಹೀಗಾಗುವುದರಿಂದ ಅನ್ನ ಅಂಟಾಗುವುದು ಅಥವಾ ಸಣ್ಣದಾಗುತ್ತದೆ. ಆದರೆ ನೀವು ಸಣ್ಣದಾಗಿ ಗ್ಯಾಸ್ ಇಟ್ಟು ಬೇಯಿಸಿದಾಗ ಸಮಯ ಹೆಚ್ಚು ತೆಗೆದುಕೊಂಡರೂ ರುಚಿ ಹೆಚ್ಚಾಗಿರುತ್ತದೆ.

5. ಅನ್ನ ಬೆಂದಾಗ ತಕ್ಷಣ ಊಟ ಮಾಡಬೇಡಿ

ಅನ್ನವು ಬೆಂದ ತಕ್ಷಣವೇ ಊಟ ಮಾಡುವ ಅಭ್ಯಾಸ ಬಿಟ್ಟುಬಿಡಿ. ನೀವು ಕುಕ್ಕರ್‌ನಲ್ಲಿ ಅಥವಾ ತೆರೆದ ಪಾತ್ರೆಯಲ್ಲಿ ಅನ್ನ ಮಾಡಿದಾಗಲೂ ಅದನ್ನು 15 ನಿಮಿಷಗಳ ಕಾಲವಾದರೂ ಹಾಗೆಯೇ ಬಿಡಬೇಕು. ಏಕೆಂದರೆ ಬಿಸಿಯಾದ ಹಬೆಯಲ್ಲಿ ಅನ್ನವು ಮತ್ತಷ್ಟು ಮೃಧುವಾಗುತ್ತದೆ.