ಹಾವಿಗೂ ಹೃದಯಾಘಾತವಾಗುತ್ತಾ? ವೈರಲ್ ವಿಡಿಯೋದಲ್ಲಿ ಸೆರೆಯಾಗಿದ್ದು ಏನು?

ಬದಲಾಗತ್ತಿರುವ ಜೀವನ ಶೈಲಿಯಿಂದಾಗಿ ಹೃದಯಾಘಾತದಂತಹ ಸಮಸ್ಯೆ ಈಗ ಕಾಮನ್ ಆಗಿದೆ. ಅದ್ರಲ್ಲೂ ಚಿಕ್ಕ ಚಿಕ್ಕ ಮಕ್ಕಳಲ್ಲೂ ಹೃದಯಘಾತ ಸಂಭವಿಸುತ್ತಿದ್ದ ಪ್ರಕರಣಗಳು ನಮ್ಮ ನಡುವೆಯೂ ನಡೆಯುತ್ತಿರುವುದು ಸಹ ಆತಂಕ ಹುಟ್ಟಿಸಿತ್ತು. ಕೆಲವರು ಊಟ ಮಾಡುವಾಗ, ವ್ಯಾಯಾಮ ಮಾಡುವಾಗ, ಕುಳಿತಿರುವಾಗ, ಡ್ಯಾನ್ಸ್ ಮಾಡುವಾಗ ಕುಸಿದು ಬಿದ್ದು ಮೃತಪಡುತ್ತಿದ್ದ ಪ್ರಕರಣಗಳು ವರದಿಯಾಗುತ್ತಿದ್ದವು.

ಆದ್ರೆ ಈ ಹೃದಯಘಾತದ ಪ್ರಕರಣವು ಪ್ರಾಣಿಗಳಲ್ಲೂ ಕಂಡುಬಂದಿರುವುದು ನಮಗೆ ಈಗಾಗಲೇ ತಿಳಿದಿದೆ. ಪ್ರಾಣಿಗಳು ಸಹ ಹೃದಯಾಘಾತಕ್ಕೆ ಬಲಿಯಾಗುತ್ತವೆ. ಆದ್ರೆ ಈಗೊಂದು ವಿಡಿಯೋದಲ್ಲಿ ಹಾವೊಂದು ಹೃದಯಾಘಾತದಿಂದ ನರಳಾಡಿದೆ ಎಂದು ವೈರಲ್ ಆಗುತ್ತಿದೆ. ಇಲ್ಲಿ ಹಾವಿಗೆ ಹೃದಯಾಘಾತವಾಗಿದೆ ಎಂದು ಹೇಳಲಾಗುತ್ತಿದೆ. ಆದರೆ ಹಾವಿಗೆ ಹೃದಯಾಘಾತವಾಗಬಹುದೇ ಎಂಬುದು ಪ್ರಶ್ನೆಯಾಗಿದೆ.

ರಾಜ್ಯದ ಹಾವೇರಿಯಲ್ಲಿ ಈ ವಿಡಿಯೋ ಸೆರೆಯಾಗಿದೆ ಎಂದು ವಿವರಿಸಲಾಗಿದೆ. ಇಲ್ಲಿನ ಬಳಕೆದಾರರೊಬ್ಬರು ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಈ ವಿಡಿಯೋವನ್ನ ಹಂಚಿಕೊಂಡಿದ್ದಾರೆ. ಹೃದಯಾಘಾತದಿಂದ ನಾಗರಹಾವು ಸಾವನ್ನಪ್ಪಿದೆ ಎಂದು ವಿಡಿಯೋ ಸಹಿತ ಕ್ಯಾಪ್ಷನ್ ನೀಡಲಾಗಿದೆ. ವೈರಲ್ ಆಗಿರುವ ವಿಡಿಯೋದಲ್ಲಿ ನಾಗರ ಹಾವೊಂದು ನೆಲದ ಮೇಲೆ ಒದ್ದಾಡುತ್ತಿರುವುದನ್ನು ನಾವು ಗಮನಿಸಬಹುದು.

ಹಾವೊಂದು ನೆಲದಲ್ಲಿ ಬಿದ್ದು ನರಳುತ್ತಿರುವುದನ್ನು ಕಾಣಬಹುದು. ಹಾವಿಗೆ ಹೃದಯಾಘಾತವಾದರೆ ಅದೇ ನೋವು ಹಾವಿಗೆ ಕೂಡ ಬರುತ್ತದೆ ಎಂದು ಅಲ್ಲಿದ್ದವರು ಹೇಳುತ್ತಿರುವುದು ಕಂಡು ಬರುತ್ತಿದೆ. ಜುಲೈ 10 ರಂದು, ಯುವಕ ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ವೀಡಿಯೊವನ್ನು ಹಂಚಿಕೊಂಡಿದ್ದಾನೆ. ವೀಡಿಯೊವನ್ನು 4.5 ಮಿಲಿಯನ್‌ಗಿಂತಲೂ ಹೆಚ್ಚು ಬಾರಿ ವೀಕ್ಷಿಸಲಾಗಿದೆ.

ಹಾವು ಹಿಡಿಯಲು ಯುವಕ ಪ್ರಯತ್ನಿಸುತ್ತಿದ್ದು, ಹಿಡಿದು ಅದನ್ನು ಪ್ಲಾಸ್ಟಿಕ್ ಡಬ್ಬಿಯಲ್ಲಿ ತುಂಬುವ ಯತ್ನದಲ್ಲಿದ್ದಾನೆ. ಆದರೆ ಹಾವು ನೆಲದ ಮೇಲೆ ಒದ್ದಾಡುತ್ತಿದೆ. ಹಾವನ್ನು ಆತ ಎಚ್ಚರಿಸಲು ಮುಂದಾಗುತ್ತಿದ್ದಾನೆ. ಆದ್ರೆ ಹಾವು ಒದ್ದಾಡುತ್ತಲೇ ಇದೆ. ಆ ಹಾವು ಒದ್ದಾಡಿ ಪ್ರಾಣ ಬಿಟ್ಟಿದೆ ಎಂದು ತಿಳಿದುಬಂದಿದೆ.

ಹಾವುಗಳು ಹೃದಯ ಹೊಂದಿರುತ್ತವೆ. ಈ ಹಾವು ತನ್ನ ಹೃದಯಕ್ಕೆ ಅಗತ್ಯವಾಗ ರಕ್ತ ಪಂಪ್ ಮಾಡಲು ಸಾಧ್ಯವಾಗದೆ ಒದ್ದಾಡುತ್ತಿದೆ ಎಂದು ಮೇಲ್ನೋಟಕ್ಕೆ ಕಾಣಿಸುತ್ತಿದೆ. ಜೊತೆಗೆ ಈ ಹಾವಿಗೆ ಹೃದಯ ಸಂಬಂಧಿ ಸಮಸ್ಯೆಗೆ ಒಳಗಾಗಿರುವ ಸಾಧ್ಯತೆಯೂ ಹೆಚ್ಚಾಗಿಯೇ ಇದೆ. ಈ ಮೊದಲು ಹಾವುಗಳು ಹೃದಯಘಾತಕ್ಕೆ ಒಳಗಾಗಿ ಮೃತಪಟ್ಟ ಉದಾಹರಣೆಗಳು ಸಹ ಇದೆ.

ಈ ವಿಡಿಯೋ ನೋಡಿದ ಮಂದಿ ಅಚ್ಚರಿ ಹೊರಹಾಕಿದ್ದಾರೆ. ನಿಜವಾಗಲು ಹಾವುಗಳಿಗೆ ಹೃದಯಾಘಾತವಾಗಿತ್ತಾ? ಅಥವಾ ಹಾವುಗಳು ಹೃದಯಾಘಾಯವಾಗಿ ಬದುಕುಳಿಯಲು ಸಾಧ್ಯವಿದೆಯೇ ಎಂಬ ಪ್ರಶ್ನೆ ಮುಂದಿಟ್ಟಿದ್ದಾರೆ. ಕೆಲವರು ಹಾವಿಗೆ ಹೃದಯಾಘಾತವಾಗಿಲ್ಲ ಬದಲಿದೆ ಅದು ಉಸಿರುಗಟ್ಟಿರಬಹುದು. ಇಲ್ಲವೆ ಆಹಾರವಿಲ್ಲದೆ ನರಳಿರಬಹುದು ಎಂದು ಶಂಕಿಸಿದ್ದಾರೆ.

ಜೊತೆಗೆ ಈ ಹಾವಿಗೆ ಚಿಕಿತ್ಸೆ ನೀಡಿದರೆ ಅಥವಾ ಅದರ ಪಾಡಿಗೆ ಅದನ್ನು ಕಾಡಿನಲ್ಲಿ ಬಿಟ್ಟಿದ್ದರೆ ಬದುಕುಳಿಯುತ್ತಿತ್ತು, ಮನುಷ್ಯರು ಅದನ್ನೂ ಸಾಯಿಸಿದ್ದಾರೆ, ಉರಗ ರಕ್ಷಣೆಯ ಹೆಸರಲ್ಲಿ ಹಾವುಗಳ ಸಾವಿಗೂ ಇವರು ಕಾರಣ ಆಗುತ್ತಿದ್ದಾರೆ. ಆ ಹಾವಿಗೆ ವಯಸ್ಸಾಗಿದೆ ಎನಿಸುತ್ತಿದೆ, ಆತ ಅದನ್ನು ಬೆದರಿಸಿರಬಹುದು, ಇಲ್ಲವೆ ಗಾಯ ಏನಾದರು ಮಾಡಿರಬಹುದು. ಇದರಿಂದ ಹಾವಿಗೆ ಹೃದಯಾಘಾತವಾಗಿದೆ ಎಂದು ಬಳಕೆದಾರರೊಬ್ಬರು ಬರೆದುಕೊಂಡಿದ್ದಾರೆ.

ಇನ್ನು ಹಾವುಗಳು ಉಸಿರಾಡದೆ ಬಿದ್ದಾಗ ಕೆಲವು ಪ್ರಕರಣದಲ್ಲಿ ಸಿಪಿಆರ್ ಮೂಲಕ ಅವುಗಳಿಗೆ ಕೃತಕ ಉಸಿರಾಟ ನೆರವೇರಿಸಿ ಜೀವ ಉಳಿಸಿದ್ದ ಪ್ರಕರಣಗಳು ಸಹ ವರದಿಯಾಗಿದ್ದವು. ಹಾವುಗಳಿಗೆ ಸಿಪಿಆರ್ ಮಾಡಿ ಪೊಲೀಸ್ ಒಬ್ಬರು ಅದರ ಜೀವ ಉಳಿಸಿ ಸುದ್ದಿಯಾಗಿದ್ದರು. ಈ ಪ್ರಕರಣ ಇಲ್ಲಿ ನೆನೆಯಬಹುದು. ಈ ವಿಡಿಯೋ ಸಹ ಭಾರೀ ವೈರಲ್ ಆಗಿದ್ದು ಹಲವರು ಹಲವು ರೀತಿ ತಮ್ಮ ಅಭಿಪ್ರಾಯ ಹೊರಹಾಕುತ್ತಿದ್ದಾರೆ.