Chandra Grahan 2025: ಈ ಸಂಜೆ ಈ 5 ಕೆಲಸ ಮಾಡಬೇಡಿ! ಇಲ್ಲವಾದರೆ ಜೀವನಪೂರ್ತಿ ವಿಷಾದ

ಚಂದ್ರಗ್ರಹಣ ಮತ್ತು ಪಿತೃಪಕ್ಷ! ಇಂದು ಸಂಜೆ ತಪ್ಪಿಯೂ ಈ 5 ಕೆಲಸಗಳನ್ನು ಮಾಡಬೇಡಿ. ಇಲ್ಲವಾದರೆ ಬದುಕು ಕಷ್ಟ. 2025ರ ಮೊದಲ ಸಂಪೂರ್ಣ ಚಂದ್ರಗ್ರಹಣವು (Chandra Grahan 2025) ಇಂದು (ಸೆಪ್ಟೆಂಬರ್ 7) ಸಂಭವಿಸಲಿದೆ. ವಿಶೇಷವೆಂದರೆ, ಈ ಗ್ರಹಣದೊಂದಿಗೆ ಪಿತೃಪಕ್ಷ ಕೂಡ ಆರಂಭವಾಗಲಿದೆ. ಇದು ಭಾರತದಲ್ಲೂ ಗೋಚರಿಸುವುದರಿಂದ, ಇದರ ಸೂತಕ ಕಾಲವು ಸಕ್ರಿಯವಾಗಿರಲಿದೆ. ಈ ದಿನವು ಧಾರ್ಮಿಕ ಮತ್ತು ಆಧ್ಯಾತ್ಮಿಕ ದೃಷ್ಟಿಯಿಂದ ಬಹಳ ಮುಖ್ಯವಾಗಿದ್ದು, ಕೆಲವು ನಿರ್ದಿಷ್ಟ ನಿಯಮಗಳನ್ನು ಪಾಲಿಸುವುದು ಅನಿವಾರ್ಯ. ಗ್ರಹಣದ ಸಮಯದಲ್ಲಿ ಕೆಲವು ಕೆಲಸಗಳನ್ನು ಮಾಡುವುದರಿಂದ ನಕಾರಾತ್ಮಕ ಪರಿಣಾಮಗಳು ಎದುರಾಗಬಹುದು. ಹೀಗಾಗಿ, ಇಂದು ಸಂಜೆ ನೀವು ಯಾವ 5 ಕೆಲಸಗಳನ್ನು ಮಾಡಬಾರದು ಎಂಬುದನ್ನು ಈ ಲೇಖನದಲ್ಲಿ ತಿಳಿಸಲಾಗಿದೆ.

ವೈದಿಕ ಪಂಚಾಂಗದ ಪ್ರಕಾರ, ಇಂದು (ಸೆಪ್ಟೆಂಬರ್ 7) ರಾತ್ರಿ 9.57ಕ್ಕೆ ಚಂದ್ರಗ್ರಹಣ (Lunar Eclipse 2025) ಪ್ರಾರಂಭವಾಗಲಿದೆ. ಆದ್ದರಿಂದ, ಇದರ ಸೂತಕ ಕಾಲವು ಗ್ರಹಣ ಆರಂಭವಾಗುವ 9 ಗಂಟೆಗಳ ಮೊದಲೇ, ಅಂದರೆ ಇಂದು ಮಧ್ಯಾಹ್ನ 1.57ಕ್ಕೆ ಪ್ರಾರಂಭವಾಗಲಿದೆ. ಸೂತಕ ಕಾಲವು ಒಂದು ಅಶುಭ ಕಾಲವಾಗಿದ್ದು, ಈ ಸಮಯದಲ್ಲಿ ವಾತಾವರಣದಲ್ಲಿ ನಕಾರಾತ್ಮಕ ಶಕ್ತಿಗಳು ಹೆಚ್ಚಿರುತ್ತವೆ. ಈ ಅವಧಿಯಲ್ಲಿ ಎಲ್ಲಾ ದೇವಸ್ಥಾನಗಳ ಬಾಗಿಲು ಬಂದ್ ಮಾಡಲಾಗುತ್ತದೆ. ಚಂದ್ರಗ್ರಹಣವು ಪಿತೃಪಕ್ಷದ ಆರಂಭದ ದಿನದಂದೇ ಬರುತ್ತಿರುವುದರಿಂದ, ಇದರ ಮಹತ್ವ ಇನ್ನಷ್ಟು ಹೆಚ್ಚಿದೆ. ಈ ಅವಧಿಯಲ್ಲಿ ಕೆಲವು ನಿರ್ಬಂಧಗಳನ್ನು ಪಾಲಿಸಬೇಕು.

ಗ್ರಹಣದ ಸಮಯದಲ್ಲಿ ತಪ್ಪಿಯೂ ಈ 5 ಕೆಲಸ ಮಾಡಬೇಡಿ

ಈ ತಪ್ಪುಗಳನ್ನು ಮಾಡಬೇಡಿ, ಇಲ್ಲವಾದರೆ ಬದುಕು ಕಷ್ಟ. ಗ್ರಹಣ ಮತ್ತು ಸೂತಕ ಕಾಲದಲ್ಲಿ ಪಾಲಿಸಬೇಕಾದ ಅಥವಾ ಗ್ರಹಣ ಸಮಯದಲ್ಲಿ ಮಾಡಬಾರದ 5 ಪ್ರಮುಖ ಕೆಲಸಗಳು (evening these 5 things not to do) ಈ ಕೆಳಗಿನಂತಿವೆ.

1. ಸಂಜೆ ದೀಪ ಹಚ್ಚಬೇಡಿ

ನಾವು ಸಂಜೆಯ ಸಮಯದಲ್ಲಿ ಮನೆಯಲ್ಲಿ ದೀಪಗಳನ್ನು ಹಚ್ಚುವುದು ಸಾಮಾನ್ಯ. ಆದರೆ ಗ್ರಹಣದ ಸೂತಕ ಕಾಲವು ಈಗಾಗಲೇ ಪ್ರಾರಂಭವಾಗಿರುವುದರಿಂದ, ಈ ಸಮಯದಲ್ಲಿ ಯಾವುದೇ ಮಂಗಳಕರ ಕಾರ್ಯಗಳನ್ನು ಮಾಡುವುದು ಸೂಕ್ತವಲ್ಲ. ಆದ್ದರಿಂದ ಸಂಜೆ ಸಮಯದಲ್ಲಿ ದೀಪ ಹಚ್ಚುವುದು ನಿಷಿದ್ಧ.

2. ಸೂರ್ಯಾಸ್ತದ ನಂತರ ಆಹಾರ ಸೇವನೆ ಬೇಡ

ಗ್ರಹಣದ ಸಮಯದಲ್ಲಿ ಆಹಾರ ಸೇವಿಸುವುದರಿಂದ ಆರೋಗ್ಯಕ್ಕೆ ಮತ್ತು ಅದೃಷ್ಟಕ್ಕೆ ಹಾನಿಯಾಗಬಹುದು ಎಂದು ಹೇಳಲಾಗಿದೆ. ಆದ್ದರಿಂದ, ಸೂತಕ ಕಾಲ ಪ್ರಾರಂಭವಾದ ನಂತರ ಆಹಾರ ಸೇವಿಸುವುದನ್ನು ಸಂಪೂರ್ಣವಾಗಿ ನಿಷಿದ್ಧ ಎಂದು ಪರಿಗಣಿಸಲಾಗಿದೆ.

3. ಚಂದ್ರನನ್ನು ನೋಡಬೇಡಿ

ಗ್ರಹಣದ ಸಮಯದಲ್ಲಿ ಚಂದ್ರನನ್ನು ನೇರವಾಗಿ ನೋಡಬಾರದು ಎಂದು ಹೇಳಲಾಗುತ್ತದೆ. ಗ್ರಹಣದ ಸಮಯದಲ್ಲಿ ಹೊರಗಿನ ನಕಾರಾತ್ಮಕ ಶಕ್ತಿಗಳು ನಿಮ್ಮ ಮೇಲೆ ಪ್ರಭಾವ ಬೀರಬಹುದು ಎಂದು ನಂಬಲಾಗಿದೆ. ಹಾಗಾಗಿ, ಮನೆಯಿಂದ ಹೊರಗೆ ಹೋಗಬೇಡಿ. ಸಾಧ್ಯವಾದಷ್ಟು ಮನೆಯ ಒಳಗೇ ಇರುವುದು ಸೂಕ್ತ ಎಂದು ಹೇಳಲಾಗಿದೆ.

4. ಕಪ್ಪು ಬಣ್ಣದ ಬಟ್ಟೆ ಧರಿಸಬೇಡಿ

ಕಪ್ಪು ಬಟ್ಟೆ ತೊಡಬೇಡಿ. ಕಪ್ಪು ಬಣ್ಣವನ್ನು ಸಾಮಾನ್ಯವಾಗಿ ನಕಾರಾತ್ಮಕತೆ ಮತ್ತು ದುಃಖದ ಸಂಕೇತ ಎಂದು ಪರಿಗಣಿಸಲಾಗುತ್ತದೆ. ಗ್ರಹಣದಂತಹ ಸಮಯದಲ್ಲಿ ಕಪ್ಪು ಬಣ್ಣದ ಬಟ್ಟೆ ಧರಿಸುವುದನ್ನು ತಪ್ಪಿಸುವುದು ಒಳ್ಳೆಯದು.

5. ಯಾವುದೇ ಶುಭ ಕಾರ್ಯ ಆರಂಭಿಸಬೇಡಿ

ಯಾವುದೇ ಹೊಸ ಕೆಲಸವನ್ನು ಪ್ರಾರಂಭಿಸಬೇಡಿ. ಪಿತೃಪಕ್ಷ ಮತ್ತು ಗ್ರಹಣದ ಅವಧಿ ಎರಡೂ ಹೊಸ ಕಾರ್ಯಗಳನ್ನು ಪ್ರಾರಂಭಿಸಲು ಶುಭವಲ್ಲ. ನೀವು ಯಾವುದೇ ಶುಭ ಕಾರ್ಯ ಅಥೌಆ ಹೊಸ ಕೆಲಸ ಅಥವಾ ದೊಡ್ಡ ವ್ಯವಹಾರವನ್ನು ಆರಂಭಿಸಲು ಯೋಜಿಸಿದ್ದರೆ, ಅದನ್ನು ಗ್ರಹಣ ಕಾಲದ ಬಳಿಕ ಮುಂದೂಡುವುದು ಉತ್ತಮ. ಈ ಸಮಯದಲ್ಲಿ ಮಾಡುವ ಹೊಸ ಕೆಲಸಗಳು ವಿಫಲವಾಗಬಹುದು ಎಂದು ಹೇಳಲಾಗಿದೆ.

ಪಿತೃ ಪಕ್ಷದ ಮಹತ್ವ

ಪಿತೃ ಪಕ್ಷವು (Pitru Paksha 2025) ನಮ್ಮ ಪೂರ್ವಜರಿಗೆ ಕೃತಜ್ಞತೆ ಸಲ್ಲಿಸುವ ಅವಧಿ. ಈ ಸಮಯದಲ್ಲಿ ತರ್ಪಣ, ಪಿತೃಕಾರ್ಯ, ದಾನ-ಧರ್ಮ ಮಾಡುವುದು ಅತ್ಯಂತ ಶುಭಕರ. ಆದರೆ, ಹೊಸ ಕೆಲಸ ಆರಂಭ, ಆಸ್ತಿ ಖರೀದಿ ಅಥವಾ ಸಂಭ್ರಮಾಚರಣೆಗಳನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ.

ಒಟ್ಟಾರೆಯಾಗಿ, ಪಿತೃಪಕ್ಷ ಮತ್ತು ಗ್ರಹಣದ ಈ ವಿಶೇಷ ಸಂಯೋಗದ ಸಮಯದಲ್ಲಿ, ಈ ನಿಯಮಗಳನ್ನು ಪಾಲಿಸುವುದು ನಿಮ್ಮ ಮನಸ್ಸಿನ ಶಾಂತಿ ಮತ್ತು ಭವಿಷ್ಯದ ಉತ್ತಮ ಫಲಿತಾಂಶಗಳಿಗೆ ಸಹಾಯ ಮಾಡುತ್ತದೆ. ಈ ನಿಯಮಗಳನ್ನು ಅನುಸರಿಸುವುದರಿಂದ ಜೀವನದಲ್ಲಿ ಬರಬಹುದಾದ ಸಮಸ್ಯೆಗಳನ್ನು ತಪ್ಪಿಸಬಹುದು. ಚಂದ್ರಗ್ರಹಣದ ಸಮಯದಲ್ಲಿ ಎಚ್ಚರಿಕೆಯಿಂದ ಇರುವುದು ಕೇವಲ ಧಾರ್ಮಿಕ ನಿಯಮವಷ್ಟೇ ಅಲ್ಲ, ನಮ್ಮ ನಂಬಿಕೆ ಮತ್ತು ಸಂಪ್ರದಾಯಗಳ ಪಾಲನೆಯೂ ಆಗಿದೆ.